ХРИСТОС

СЭРЖ БУЙ ХҮН ТӨРӨЛХТӨНД ИЛГЭЭХ ИЛГЭЭЛТ
 

НЭГДҮГЭЭР НОМ

“Амьд Үг”

  СЭРЖ БУЙ ХҮН ТӨРӨЛХТӨНД ИЛГЭЭХ ИЛГЭЭЛТ

  Шинэ зуун хэдийнээ ирж, мянган солигдлоо. Одоо ертөнцийг шинэчлэх үйл явц маш эрчимтэй явагдаж байна. Бид шинэ эринд, Бүтээлийн эринд шилжлээ. Тийм ч учраас хүмүүсийн зүрх сэтгэлийг хааж, салгаж байгаа ухамсрын бүдүүлэг гажуудлаас ангижрах шаардлагатай байна. Дэлхий дээр амьдралын суурь үнэнийг цэгцлэх, Агуу Байлцлын хуулийг сэргээн тогтоохын тулд Сансарын Оюунлиг Ертөнц тасралтгүй ажиллаж байна. Эрин солигдох үед Дэлхий рүү ирж байгаа шинэ энергийг хүлээн авахад хүн төрөлхтөнд туслахаар Христос багш ажиллаж байна. Бодлоор харьцах аргаар (телепати) Христос багш шинэ мэдлэгийн үрийг Дэлхий рүү илгээж байна. Түүний гол зорилго нь цагийн явцад үүссэн өөрийн сургаалийн гажуудлыг засах, хүн төрөлхтнийг нэгдэлд хүргэж, Сансар ертөнцтэй найрсах гайхамшигт амьдралыг мэдэх боломжийг олгоход оршиж байна.

                                 
                                    Намайг дэмжиж тусалдаг ээждээ,
                           энэ дэлхийг энхжин болон эгнэшгүй хайраар
                                 дүүргэн хувиргаж чадах дэлхийн бүх
                          хүүхдүүдэд талархал болон хайрын сэтгэлээ
                                   агуулсан энэхүү номоо зориулав.
 

  “Нууц оршигч Эцэгтээ мөргө, Нууцыг харагч Эцэг чинь чамд бодитоор өгнө”. Евангелийн чухамхүү энэ сургааль нь миний хувьд үндэс суурь болж, залбирал болон Орчлон ертөнцийг Бүтээгч Бурханд итгэх итгэл минь дээрх сургаалийг амьдралдаа хэрэгжүүлэх боломжийг өгсөн юм.”Бидний эцэг” залбирал нь надад ертөнцийг таних өөр боломж буюу далдыг сонсож мэдэх боломжийг нээсэн хаалга болсон юм. Залбирлаар би Сансарын Оюунлиг ертөнц, Бүтээгч Бурхан Саваоф, мөн Христос багштай харьцах боломжийг олж авсан. Миний хайр, багшаа хүндлэх хүндлэлээр номын минь мөрүүд бичигдсэн билээ. Ингээд та бүхний анхааралд эхний номоо толилуулж байна.
                                                                                                                   Елена

                                                НЭГДҮГЭЭР НОМ
                                                     “Амьд Үг”

                                          Христ багшийн “Амьд Үг” нь
                               Еленагийн залбирлын байдалд далдыг
                      сонсож бичсэн илгээлтүүдийн баримтат эмхэтгэл юм.

                           Энэхүү ном нь энэ Дэлхийн оршин суугчдад барьж
                                           буй Багшийн бэлэг юм.
 
                                                

  Дөнгөж 8 настай байхдаа сүм рүү очсон тэр үеэс яриагаа эхэлье. Тэгээд энэ нь Бурханы сүм ч биш, Бурхан ч тэнд байхгүй, харин Бурханд үйлчилж байгаа дүр үзүүлдэг гэдгийг анх удаа ойлгосон юм. Сэтгэл минь гонсойж, тэр ч атугай уйлсан бөгөөд миний нулимсыг хэн ч хараагүй билээ.Тэгээд хэзээ ч сүмд ирэхгүй хэмээн шийдсэн бөгөөд энэ сэтгэлээрээ бүх л амьдралаа туулсан юм. Бурхан бол амьдрал, Тэр амьд, Тэр бидний дотор  байдаг, энэ бол сэтгэл зүрх, бодол санаа, үйл хэрэг, ухаан  юм; Бурхан эргэн тойронд хаа сайгүй ургаж буй ногооны турьхан шилбэнд, цэцгийн эмзэгхэн дэлбээнд, шүүдрийн мөнгөн дусалд, хөвж буй хөвсгөр үүлэнд ч бий. Байгаль тэр чигээрээ Бурханы бүтээл, Байгальд Бурханы зүрх сэтгэлийн нэгээхэн хэсэг амьдарч байдаг. Харин сүм? Энэ бол үхмэл, амьгүй биет  юм, Үхмэл биет  юуг  төрүүлж чадах вэ?  Улайран шүтэх шүтлэг (фанатизм) болон ягшмал номлолыг л (догматизм) төрүүлнэ. Би шашны тухай, тэр тусмаа миний нэрээр нэрлэгдсэн шашны тухай ярьж байна. Мэдээж тэнд үнэний үр бий боловч худал ч бас бий. Маш их хуурамч сүсэг, гоёчлол бий, хамгийн гол нь энэ бүхэн аль эрт хөшиж царцжээ. Амьдрал урагшилж байхад харин миний сургааль үхмэл, тэртээх 2000 жилийн тэртээх шигээ хэвээрээ, цаг хугацаа харин зогсолтгүй явсаар л… огт хөдөлгөөнгүй амгалнаар юу ч оршдоггүй билээ. Тийм болохоор би яагаад шинэ сургааль хүмүүст өгч болохгүй гэж? Хэн намайг энэ цаг үед хүмүүсийг сургаж чадахгүй хэмээн шийдсэн гэж? Би танай ертөнцөд ирж дахин төрөл авах шаардлагагүй, би Бүтээгч Бурханаас та бүхэнтэй шууд ярих, юуны тухай мэдэгдэхийг  хүсч байгаагаа хэлэх эрх авсан. Асуудал зөвхөн надад ч байгаа юм биш, Бүтээгч Бурхан үүнийг хүсч байгаа, яагаад гэвэл асуудал хэзээний боловсорсон. Бүтээгч та бүхэнд сургааль өгөхөөр шиидсэн, энэ сургааль надаар дамжих болно.

Христос
           2000.08.23

Бид энхийн төлөө.
Би цөхрөлтгүй давтах болно. Энх тайван зөвхөн та нарт ч биш, бидэнд ч бас хэрэгтэй. Үүний төлөө хөдөлмөрлөхтүн. Чадах бүхнээ хий, чадахаасаа ч илүүг хий. Түймэр дүрэлзэхэд бүү хүргэ. Бид тусалж чадна. Бид тэрхүү хор уршигийг урьдчилан анхааруулж байна. Биднийг сонсоцгоо. Бидэнд итгэ. Энэ бол хоосон үг биш. Энэ бодит байдал.
 Бид энд. Бид та нартай хамт.
 Бид та бүхэнд байна. Бид хажууд чинь байна.
 Бид хаа сайгүй байна. Бид бүхнийг мэднэ, бидний хувьд нууц гэж үгүй.
 Бид бүхнийг харж байна. Бид бүхнийг сонсож байна.
 Бид төгсгөлийг мэднэ.
 Бид та нарын болон өөрсдийн ирээдүйд итгэдэг.
 Бид-- нэг Бүтээгчийн үр хүүхдүүд.
 Бид –ахан дүүс
 Бид – нэгэн эхийн хүүхдүүд
 Бид – эгч дүүс
 Бид – нэгэн бүхэл
 Бид--Сансар
 Бид--Оюун ухаан
 Бид – Хайр
 Бид – Итгэл
 Бид--Амьдралын Яруу Зохирол
 Бид--Мөнхийн амьдрал
 Бид-Эхлэл ба төгсгөл
 Бид- Хоосон
 Бид-Хязгааргүй
 Бид-одоо ч, хэзээ ч
 Бид- үхэшгүй мөнх
                                                                                        Ерөөлөөр болох болтугай!
                                               Одон гаригийн тогтолцооны галактик нөхөрлөлийн
                                              сансар судлалын төвийн нэрийн өмнөөс илгээлтийг
                                                                                                  дамжуулсан Христос
                                                                                                                   2000.10.16
 

  Энэ ертөнц олон тэрбум жилийн туршид Бүтээгч Бурхан амьдралын энергиэ бүтээлдээ шингээн амьсгалах замаар бүтээгдэж иржээ. Энэ төгсгөлгүй бүтээлч үйлс одоо ч гэсэн тэртээ цагийнх шигээ үргэлжилсээр… Манай Бүтээгч -Саваоф бол Хүч, Чадал, Ухаан, Хайрыг агуулсан, ер бусын сүр хүчтэй агуу энерги юмаа. Энэ бүх чанараа Тэр өөрийн бүтээлдээ бэлэглэдэг. Энэ бэлгийг Түүний хайртай бүтээл Дэлхий ч бас хүлээн авсан. Бүтээгч, өөрийн ганц ч бүтээлдээ Дэлхийд зарцуулсан шигээ их Хүч, Ухаан, Хайр зарцуулаагүй билээ. Чухамхүү Дэлхий Түүний харааг үргэлж татаж байдаг, Дэлхийн төлөө Тэр бодлогогүй хүүхдийнхээ төлөө мэт үргэлж сэтгэл зовниж байдаг юм. Энд, Дэлхий дээр ер бусын туршилт явагдсан, энд янз бүрийн ертөнц болон соёл иргэншлийн төлөөлөгчид бий. Энд хувь хүн өөрийгөө хөгжүүлж боловсруулах, янз бүрийн өнцгөөс өөрийгөө гаргаж илэрхийлэх, мөн янз бүрийн ертөнцийн төлөөлөгчидтэй харилцан хамтран ажиллах боломжууд бий. Манай галактикийн өөр ямар ч гариг дээр ийм боломж  үгүй юм. Та бүхэн энд Энх тайван, Хайр, Яруу Зохиролын (Гармони) төлөө цугларсан, мөн харилцан хамтран ажиллахын төлөө ч цугларсан, энэ нь багагүй ач холбогдолтой, учир нь харилцан солилцоо нь энд ийм хэлбэрээр явагдаж болно. Бүтээгчийн агуу санаа, агуу хүсэл нь ер гүйцэлдэхүй байгаа, учир нь Дэлхийн хүн төрөлхтөнд өгсөн Хүслийн Эрх Чөлөөний хууль нь  буян тус өгөхөөс гадна нэгэн зэрэг тэднийг мухардалд оруулж байна. Хүмүүсийг жинхэнэ цэвэр Эх Үүсвэр рүү, Бүтээгч Бурхан руу, бидний Эцэг-Эх рүү тэмүүлэх замаар хамгийн сайн чанаруудыг олж авахыг Бүтээгч санал болгосон билээ.Та бүхэн Бурхантай ижил  бүтээгдсэн. Та бүхэнд Бурханы сэтгэлийн Бурханлиг чанарууд бий, та бүхэн тэр Бурханлиг чанаруудаа хөгжүүлэхийн төлөө тэмүүлэх хэрэгтэй. Та нар Бурханы хүүхдүүд, та нарын өсөж, хөгжиж боловсрох тэмүүлэл чинь Бурханлиг байдалд хүргэх болно, яагаад гэвэл та нар өөрсдөө Бурхад шүү дээ. Энэ тухай та нар бодож үзсэн үү?  Эсвэл амьдрал чинь өнөөдрийн материаллаг амьдралаар хязгаарлагддаг гэж боддог уу?  Үгүй ээ, цэвэр Эх Үүсвэр рүү ирээрэй, Бурханлиг нахиаг өөртөө ургуулаарай. Цэвэр мэдлэг, цэвэр тэмүүлэл чинь та бүхний сэтгэлийг доод муу бүхнээс цэвэрлэж, харааг чинь Тэнгэрт хандуулж, та бүхний сэтгэлийг ариусгаж, жинхэнэ дээд аз жаргалыг  өгөх тэнгэрийн цэвэр Эх Үүсвэрийг мэдрүүлэх болно. Хүүхдүүд Эцэгтээ эргэж ирэх ёстой. Тэр хүүхдүүддээ амьдрал, аз жаргалын эрхийг өгсөн. Тийм болохоор ариун шударга байцгааж, Бурханлиг үрийг өөртөө ургуулж, сэтгэл зүрхээ худал хуурмагаас цэвэрлэцгээ. Өөрийн жинхэнэ тавилан болон сэтгэлийн агуу гайхамшигтаа итгэцгээ. Өөрийгөө Бурхан болгон өсгө. Үүний тулд хүч гаргаж урагш алх. Энэ хүч бол жинхэнэ итгэл бөгөөд Бурханы хүүхдүүдийг боол болгож сүмд тулган хүлээлгэдэг итгэл бишээ. Та нар боол биш, хүүхдүүд минь, би дахин дахин давтан хэлье. Та нар бол Бурхадууд.Та нар Эцэгийн минь хамгийн шилдэг бүтээл. Өвдөг дээрээ өндийн босож, мөрөө тэнийлгээд, өөрийнхөө хүч, ухааныг мэдэр. Дэлхийд бэлэглэсэн гайхамшигт мэдрэмж-Хайр та бүхний нүдэнд гэрэлтэх болтугай. Та нар бүхнийг чадна, та нарт их зүйлийг өгсөн, тийм болохоор аз жаргалтай, тэнцвэр зохиролтой байцгаа. Бидний Эцэг та бүхний хөгжин цэцэглэх бүх нөхцөлийг бүрдүүлсэн боловч та нар өөрсдөө бүх ойлголтыг урвуулчихсан. Сэтгэл зүрхэндээ худал хуурмагийг нэвтрүүлсэн. Өөрсдийгөө бохир санаа, бохир ажлын бай болгохыг зөвшөөрсөн. Цэвэр гэгээн бүхнээ мөнгө угаах эх уурхай болгон хувиргахыг зөвшөөрсөн. Та нар минь цэвэр булгийг булингараас, нарны жинхэнэ туяаг хиймэл гэрлээс ялгаж сур. Нүдээ нээцгээ. Хэрэггүй жижиг бодлоо хаяцгаа. Хүүхдийн цэвэр тунгалаг нүдээр тэнгэрийг, нарыг, ертөнцийг харцгаа. Бидний хамт байгааг мэдэрцгээ. Бид та нартай хамт, бид-амьд. Бид та бүхнийг Бурханлиг хязгааргүй хайраар хайрладаг.Сэтгэлээ ариусга. Жинхэнэ Бурхан та нарт өөрсдөд чинь бий. Бурхан сүмийн хананд янз бүрийн дүрээр биш, харин та нартай хамт байна. Та нар өөрөө өөрсдийгөө цэвэрлэж ариусгахаас биш сайхан үгээр өөрсдийгөө халхавчилсан сүм дуганыхан үүнийг ариусгахгүй. Төөрөгдлийн бохир хувцсаа тайлж хаяцгаа. Ойр дотныхон, ахан дүүсийнхээ нүдийг харцгаа, та бүхэн нэгэн нэгдмэл.  Та бүхнийг нэгэн Бурхан бүтээсэн. Тийм болохоор өөрсдийн сэтгэлийн дээд чанаруудаа Түүнд зориул. Та бүхэн өөрсдийгөө өчүүхнээр мэдэрч, агуу гэдгээ мартвал тансаг хувцас, сүмийн алтан орой юунд хэрэгтэй юм бэ?  Улиг болсон хүндлэл, хэнд ч хэрэггүй зан үйлүүдээ хаяцгаа. Бидний эцэг та бүхний чин сэтгэлээр хандсан үгийг сонсдог, тэгэхээр та нар ч Түүнийг сонсооч.Тэр үүнийг хүсч байна. Тэр өөрийн хүүхдүүддээ эргэж ирэх боломж олгохыг хүсч байна.Та нар төөрөгдлөөсөө болж тэнэг зүйл ихийг хийгээд, өршөөгдөнө гэж найдахгүй байгаа хэрмэл хүүтэй ижил боловч Эцэгийн хүүгээ хайрлах агуу их хайр бүхнийг өршөөдөг юм. Бидний эвлэрлийн баярт ирцгээ. Энэ боломжтой гэдэгт итгээрэй. Нар шиг сайхан, цэвэр ариун байцгаа. Худал хуурмаг бүхнийг шатаацгаа. Дэлхийн хүүхдүүд минь бид та бүхнийг хүлээж байна. Бидэн рүү ирцгээ!  Жинхэнэ Христ рүү, цэвэр мэдлэг рүү ирцгээ, тэр цагт та нарын мэдлэгийн хүрээ тэлж, Шинэ ертөнцийн гайхамшигт зураг нүдний чинь өмнө нээгдэх болно.
                                                                                         Ерөөлөөр болох болтугай!
                                                                                         Христос
                                                                                         2000.10.27
 

  Миний зорилго бол өөрийн жинхэнэ сургаалийг хүмүүст тайлбарлах, үгийн жинхэнэ хүчийг сэргээх, үгээр хүмүүсийн ухамсрыг өөрчлөн шинэчлэх явдал юм. Би хүмүүсийн ухамсрын өөрчлөлтөөр ертөнцийг шинэчлэхийг хүссэн. Одоо миний зүрхнээс урсаж буй Амьд үгийг сонсож мэдрэхийг хүсч буй хүмүүст энэ боломж бий. Хүмүүс намайг таньж, амьд гэдгийг минь мэдэж, би та бүхэнтэй бодлоороо харьцаж чадна, надаар дамжиж Дэлхий рүү Хайрын Урсгал, Амьдралын энергийн Урсгал очиж байгаа гэдгийг мэдээсэй гэж хүсч байна.Энэ энергийг би Бүтээгчээс дамжуулж байгаа ба энэ нь гаригийн энергийг тодорхой түвшинд барьж, оюунлиг эхлэлийг дэмжиж байдаг юм. Энэ энерги дэлхийнхэнд бид нарыг мэдрүүлэх, дэлхийнхэн бидний хоорондын харилцааг дэмжих энерги юм. Одоо Бүтээгчийн энергиэр дэлхийг шинэчлэх үйл явц хэдийний эхэлсэн бөгөөд энэ энергийг хэн хүлээж авах чадвартай болон хэн үгүй нь илэрч байна. Гэвч би чамтай Христийн шашны тухай, түүний үзэл санааны тухай ярьж эхэлсэн. Би чамд маш алгуурхнаар жинхэнэ мэдлэгт тэмүүлсэн, ертөнц болон түүний хуулиудыг танин мэдэхийг хүссэн хэсэг шавь нар минь цугларсан тухай ярьсан. Чи, үр минь намайг тэр үеийн мэдлэгээ хаанаас авч байсныг минь асууж болох юм. Энэ бол надад байсан суурь дээр Дорнын багш нараас авсан мэдлэг, миний ертөнцийг ухаарсан ухаарал, гол нь миний Бүтээгчтэй харилцсан харилцаа энэ бүхний нийлмэл цогц юм. Тэр миний хамгийн сайн багш, Тэр миний замыг зааж байсан. Тэр намайг сургаж, бүхнийг тайлбарлаж, жинхэнэ утга учрыг ойлгуулж байсан. Би Түүнийг үргэлж сонсож, өдөр болгон харьцаж байсан. Би түүнд баяр талархлаа хязгааргүй илэрхийлж, Хайрын үгээ хэлж байсан. Би түүний хүчийг, агуу гайхамшгийг мэдэрч байсан. Түүний Дэлхий, дэлхийнхэнд туслах хүслийг мэдэрч байсан. Дэлхийнхнийг Хайр, жинхэнэ цэвэр мэдрэмж, талархал, зүрхний залбирлаар дамжуулж буцаан авчрах шинэ замыг надаар дамжуулан өгч байгааг би мэдэрч байсан. Зүрхнээс гарч буй энэ бүх мэдрэмжийг би хүмүүст дамжуулахыг хүсч байсан. Би тэр үед энэ ертөнцийн тухай болон далд ертөнцүүдийн тухай, Дэлхийг бүтээсэн Бүтээгч Бурхадын тухай, Бүтээгч Саваоф (тэр өөрийгөө ингэж нэрлэх шаардлагатай болсон) одоо сүүлийн 2000 жилийн туршид Дэлхий болон дэлхийнхэнд амьдралын энергиэ ганцаар захиран өгч байгаа тухай, Тэр энд бүхнийг бүтээсэн тухай  бүх үнэнийг хүмүүст ярьж чадахгүй байсан. Дэлхий дээр бусад Бүтээгч Бурхадын энергийн өөр урсгал байгаа бөгөөд үүний нөлөөгөөр хүмүүсийн ухамсарт гарсан өөрчлөлтийг бид одоо хүртэл ялж чадахгүй байна. Саваоф өөрт байгаа бүхнээ хүмүүст өгөхийг хүссэн юм шүү дээ. Өндөр хөгжилтэй, Оюун санаа (Дух)  өндөртэй, дээд хүрээнд амьдрагч  дээд бодгалиудын мэдрэл  мэдрэмж энэ бүхнийг Бүтээгч та бүхэнд шингээж, бүх мэдрэхүйгээ хөгжүүлж  өсөн  дээшилж, Бүтээгчтэй адил байх боломжийг олгохыг хүссэн билээ. Тэр, амин сүнсний (душа) хөгжлийн явцад  олж авсан бүхнийг материаллаг биед нэгтгэхийг хичээсэн, ингэхдээ Дэлхийн хүн бүхэнд өөрийн сонголтыг сайн дураараа ухамсартайгаар хийх эрх олгосон Хүслийн Эрх чөлөөний Хуулийг өгсөн юм. Хүн өөрийн сонгож авсан амьдралдаа хийсэн үйлдэл, хэргийнхээ төлөө хариуцлага хүлээнэ. Та нар энд бүгд адил тэгш эрхтэй, хүн бүхэнд сонголт хийх, замаа өөрчлөх боломж бий. Бурхан биш, та нар өөрсдөө аз жаргалаа бүтээдэг. Ертөнц болон хүмүүсийн эсрэг хийсэн хэргийнхээ хариуг та нар өөрсдөө хүртдэг, учир нь энэ бол тэр дороо биш ч гэсэн заавал эргэж ирдэг энергийн тойрог юм. Бүхэнд Бүтээгчийг, Бурханыг буруутгах нь та нарт амьдрал өгч, ажиллаж амьдрах нөхцөл, өөрийгөө болон сайхан бүхнээ илэрхийлэх боломж олгосон төрсөн эцгээ буруутгаж буйтай ижил юм. Та нар өөрсдийн сайн дураар нүглийг үйлдэж байгаа. Би та бүхнийг эргэж хүүхэд насандаа очиж тэр үеийн мэдрэмж, цэвэр ариун бүхнээ эргүүлж олж авахыг сануулж байсан. Өөрсдийгөө Бурхантай ижил гэж ухамсарлах нь та бүхний сэтгэлд суусан хамгийн гол мэдрэмж байх ёстой. Өөрсдийгөө бохир бүхнээс цэвэрлэх, хүүхэд үеийн мэдрэмжээ эргүүлж олох, бүтээлч хүслийг мэдрэх ба Бурхан шиг байх-энэ бүхэн боломжтой юм. Тэгээд дээр нь зүрхнээсээ гарч буй Хайрын Урсгалаар чин сэтгэлээсээ талархаж сурах. Энэ бүхэн миний сургаалийн гол утга санаа байсан билээ.
                                                                                                                   Христос
                                                                                                                   2000.12.21
  

Шинэ зуун хэдийн ирж, шинэ мянган солигдлоо. Дэлхийн өнөөдрийн оршин суугч та бүхэн нэгэн үзэл санааны оронд өөр шинэ үзэл санаа ирж байгаа эрин зууны уулзвар дээр энэ ертөнцөд төржээ.  Христийн болон бусад шашин-индуизм, иудаизм, буддын болон мусульманы бүх шашин хуучин мянгантай хамт өнгөрсөн рүү одож халаанд нь шинэ шашин- одоо дэлхийг удирдаж, амьдралын энергиэ өгч, шинэчлэгдэх үйл явцыг хянаж байгаа Бүтээгчид итгэх нэгдсэн итгэл ирэх ёстой.
  Хэрвээ та бүхэн астроном, астрофизик, физик, биологи, генетик, молекулын биологи, геофизик, геологи, биофизик болон бусад шинжлэх ухааны сүүлийн үеийн бүх нээлтийг шинжилбэл нэгэн сонин хандлагыг ажиглах болно. Бүх зүйл өөрийн параметр, бүтэц, томьёогоо өөрчилж, олон талстын байдал, бүр хүн амьтны биеийн бүтэц ч өөрчлөгдөж байгаа. Хувьслын үйл явц хурдасч байна. Дэлхий мөн шинэчлэгдэж, шинэ төрлийн энергүүдийг хүлээн авч байгаа бөгөөд энэ энергийн зохицол, эзэмшилтээс Дэлхий болон түүний ургамал, амьтан, эрдсийн аймгийн цаашдын амьдрал шалтгаалах болно. Энэ энергид зохицох зохицлоос хүн төрөлхтний хувь тавилан мөн шалтгаална. Хэрвээ хүн та өнгөрсөн зуунаас үндсээрээ ялгагдах шинэ эрин зууны нөхцөлд амьд мэнд үлдэж чадвал хүн бодгалийн амьдрал хадгалагдан үлдэж, цаашдын хувьсал явагдана. Хэрэв үгүй бол хүн биологийн төрөл зүйлийн хувьд үгүй болно. Дэлхийд, энэ гайхамшигт сувдыг бүх сансрын уудам болон бүх Орчлонт ертөнцийн хөгжил цэцэглэлт, сайн сайхны төлөө хадгалж чадах илүү өндөр хөгжилтэй ухаант бодгалиуд суурьших болно. Хүн амьд мэнд үлдэхийн тулд, шинэ энергийг хүлээн авч хувьсан дэвшихийн тулд Нэг Бурхантай байх үзэл санааг үндсээ болгосон шинэ шашинг хүлээн авах шаардлагатай. Бурхан бүхний хувьд нэг л оршдог, Дэлхий дээр олон шашин байх ёсгүй, учир нь тэд хүмүүсийг зааглаж, Бурханы Оюун Ухаан бий гэдэгт үл итгэх итгэлийг төрүүлж байна. Хүмүүс хоорондоо цэвэр шашны шалтгаанаар дайсагналцаж байна. Бүтээгч энэ бүхнийг зөвтгөн хүлээж авна гэж үү? Яасан ч үгүй. Бүх шашин Нэгдмэл Бурханыг шүтэх шашин болон нэгдэх; эсвэл хүн, төрөл зүйлийн хувьд устах гэсэн хоёр сонголтын өмнө Дэлхийнхэн зогсох цаг ирнэ. Гурав дахь сонголт байхгүй. Хэрэв амин сүнс, Оюун санаа, оюун ухаан нь шинэ үзэл санаа, амьдралыг үзэх шинэ үзлийг хүлээн авахад бэлэн биш бол нэг ч хүн Бүтээгчээс хэдийн ирж эхэлсэн энергийг тэсч чадахгүй. Зөвхөн өөрийн, Дэлхийн, Нарны системийн амьдрал ч биш; харин далд амьдрал, Сансарын хязгааргүй уудмын амьдралыг шинэ үзлээр харах; өөрийн оролцоо, өөрийн холбоог мэдрэх; Орчлонт ертөнцийн Яруу Зохиролын нэгэн хэсэг гэж өөрийгөө мэдрэхэд  энэ бүхэн хэрэгтэй.
  Дэлхийн хүмүүс та нар ганцаар бишээ, ухаант бодгаль  маш олон бии. Танай гариг дээр ч ухаант амьтад бий. Энэ нь зэрэгцээ орших ертөнцүүд юм.Та нар тэднийг харахгүй боловч тэд дэргэд чинь амьдардаг. Биднийг ойлгож хүлээн авах шаардлагатай, учир нь үүнгүйгээр та нарт ирээдүй байхгүй. Та нар орших уу, эс орших уу гэсэн сонголтын өмнө зогсож байна. Бид та нарын зүрхийг тогшихыг янз бүрийн аргаар оролдож, өөрсдийн илгээсэн элч нараар дамжуулж, Сансар ертөнцийн тухай үнэнийг, мөн Дэлхийд болох өөрчлөлтүүдийн тухай хүргэж байгаа билээ. Бидний дуу хоолой сонсогдоно гэж найдаж байна. Бидний Дэлхийд илгээсэн, зөнч хэмээн эрт цагт нэрлэгддэг байсан манай элч нар бий болсон байдлаас яаж гарахыг мэднэ, тэднийг сонсоцгоо, Дэлхийнхээн! Дэлхийн үндсэн оршин суугчид тийм ч их биш, тийм болохоор хүч гаргаж, өөрсдийн жижиг зовнил, хэрэгцээгээ таягдан хаяж нүд чихээ онгойлгоцгоо! Зүрхээ нээцгээ. Ухаанаа дайчилж, Тэнгэрийн бошигийн хоолойг сонсогтун! Дэлхий өөрийн энерги, хэлбэлзэл, биологийн бүтэц, уургийн кодоо өөрчилж байна. Энэ нь тэгээд бүх зүйл бишээ. Шинэ эрин бүтээгч юм уу эсвэл сөнөөгч байх болно.Хүн төрөлхтөнд үсрээд 30-40 жилийн л хугацаа байна. Үйл явц аль хэдийн явагдаж эхэлсэн, зогсоох боломж байхгүй. Бүтээгч, шинэ шинж чанаруудтай шинэ гариг бүтээж эхэлсэн. Дахин усан галав юүлэхгүй, дахин гамшигт газар хөдлөлт болохгүй; солир, сүүлт од, сансрын биеттэй мөргөлдөхгүй. Хүн зүгээр л байхгүй болно, учир нь Дэлхийн шинэ хэлбэлзлэлд дасан зохицож чадахгүй яваандаа мөхөх болно. Өлсгөлөн, тахал ч хэрэггүй. Хүний биологийн эс шинэ энергийн үед тэсэж амьдарч чадахгүй.
  Дэлхийнхээн, энэ бол сүрдүүлэг биш, бас зүгээр л айлгах гэсэн үгс биш, огтхон ч үгүй шүү. Биднийг сонсоно гэж найдаж байна, учир нь бид үүнийг Дэлхий, дэлхийнхэн болон бүх сансрынхны сайн сайхны төлөө хийж байна. Бид нэгдмэл, бид Орчлонт ертөнцийн нэгдмэл бодгаль. Тийм болохоор та нарыг орхих боломжгүй юм. Хүн, биологийн ухаант төрөл зүйлийн хувьд устан алга болохыг бид хүсэхгүй байна. Хүн төрөлхтөн сэхээ орж, байдлыг зөвөөр цэгнэж; дайсагнал, үзэн ядалт, атаархал, хорслоо орхиж; Дэлхийн бүх хүмүүс ахан дүүс, тэд нэг Бурхантай гэдгийг ойлгох  цаг ирнэ гэдэгт бид найдаж байна. Та бид бүгд нэг Бүтээгчийнх, бид хамтдаа амьдарч бүтээнэ. Бидний зам үхэл рүү биш, харин үхэшгүй мөнх рүү хүрнэ. Цаг хугацаа бий гэдгийг дахин хэлье. Сайн санаат бүх хүмүүсийг нэгэн гэр бүлд, дэлхий дахины нэгэн нэгдмэл шашинд нэгтгэх үйлсэд оролцохыг, юун тухай ярьж байгааг минь ойлгож хүлээж авах чадвартай хүн бүхэнд хандан үүнийг уриалж байна. Нэгдэх гол үндэс нь Бүтээгч Бурханд итгэх итгэл байх ёстой. Тэр хэдийгээр өөрийн гэсэн нэртэй боловч одоохондоо нэрээр нь дуудахгүй байж болно. Та нар Түүний нэрийг хүлээж авахад бэлэн биш байгаа, гэхдээ дараа нь Түүний нэрийг бамбар, Гэрэл, шинэлэг бүхний эхлэл болгон өгөх болно. Дэлхийн хүмүүс ээ, өмнө чинь хийх зүйл их байна. Бид та нарын жаргалтай байхыг хармаар байна. Гэхдээ бид одоо аз жаргалын тухай биш, амьдрах тухай ярьж байна. Бид та нарыг амьд байгаагаар хармаар байна.Тийм болохоор амьдарцгаа! Бүтээгчийн энергийг угтан зүрхээ нээцгээж, түүний бэлэг- амьдрал хэмээх бэлгийг хүлээн авцгаа. Урагшлах замд чинь амжилт хүсье!
                                                                                                               Христос
                                                                                                               2001.01.11
 

  Та нарын амьдарч байгаа гаригийг Дэлхий гэдэг. Янз бүрийн ертөнцийн төлөөлөгчдийн тэмүүлж байдаг гайхамшигт газар. Энд төрөөд, Сансар, бүх Орчлонт ертөнцийн төлөө хүчээ нэгтгэцгээх боломж бий. Энэ бол их зүйлийг нэгтгэж чадсан Чөлөөт Сонголтын гариг юм. Энд төрөл бүрийн гайхалтай бодгалиуд бий. Байгаль болон амьтны аймаг нь ийм баялаг өөр ертөнцийг би мэдэхгүй, тэгээд ч энд ирж төрөл авахыг хүссэн бүхний анхаарлыг татаж байдаг. Энд ирж төрөл авахыг хүсэгчид олон бий, учир нь энд төрөгсдийн энергийг Бүтээгчийн энергиэр дамжуулан тэнцвэржүүлэх үйл явц явагдаж байна. Энэ бол чухал ажил бөгөөд тийм ч хөнгөн биш үйл юм. Учир нь энд янз бүрийн системийн төлөөлөгчид өөрийн гэсэн мэдрэмж, сэтгэлийн хөдөлгөөн, сүнсний долгионтойгоо ирж төрдөг. Энд тэд бүгд нэгдэн нийлдэг бөгөөд тэд тус бүрдээ өөрсдийнхөө тухайд бусдыгаа араасаа дагуулах хамгийн сайн нь гэж боддог. Гэвч та нар бусдад ноёрхлоо тогтоохын тулд энд байгаа бишээ. Харин заналхийлэл, мөргөлдөөн, сөргөлдөөнгүйгээр өөрсдийн бүх энергийг нийцэн нэгтгэхээр энд байгаа юм. Бүх шашин Бүтээгчийн энергийн Урсгалтай нэгэн болон нэгдэх боломжтой гэдэгт би итгэж байна. Юуны түрүүнд их үйлсийн төлөө Дэлхий рүү ирэгсдийн зорилго нэг байсан гэдгийг хүлээн зөвшөөрөх хэрэгтэй. Та нарын мэдэх бошигууд  бол өөр өөр Бүтээгч Бурхадын элч нар бөгөөд тэдний Дэлхийд авчрахыг хүссэн зүйлс нь ижил юм, учир нь зорилго нэг, Үнэн нэг билээ. Үүнийг Дэлхийнхэн ойлгож чадна, харин та бүхэн гэгээн номуудад буй гол санааг хүлээн зөвшөөрөх шаардлагатай. Энэ номнуудад буй мэдлэгийн үрүүд олон зууныг дамжих явцдаа хог шавхруун дунд унаж маш их гажуудсан учраас урьдын дуудлага, хүч нь үгүй болсон байна. Эхлээд энэ нь Үг байсан, дараа нь энэ авианы нийлэмж нь үсэгт буулгагдсан, ингэхдээ үг үсэгчлэн яг зөв буулгагдаагүй, мөн бичсэн хүмүүс нь өөрсдөө засвар, нэмэлт ихээр оруулжээ. Авиаг үгэнд зөв буулгана гэдэг нь хүнд үйл явц юм. Тэнгэрийн дуу хоолойг сонсож буй бошиг нь хүлээн авч буй гол санаагаа гадны ямар ч нөлөөнд булингартаагүй цэвэр ухамсраар хүлээн авах ёстой. Ийм ч учраас бид тодорхой долгионы үелзэл, цусны бүтэц, бие махбодийн үзүүлэлтүүдээр таарч харьцаж болох; бидэнд танил, бидний мэдэх, бидний хүчтэй энергийг тэсвэрлэж чадах тийм хүмүүсийг сонгон авдаг. Би, жишээ нь Дэлхий дээр цөөн биш шавьтай, бусад ертөнцүүдэд ч мөн ижил. Би өөрийн мэдэх шавь нартайгаа харьцдаг боловч миний мэддэггүй байсан хоёр хүн зүрхний хүчтэй залбирал, маш шургуу хүсэлтээрээ шавь нар минь болцгоосон билээ. Бусад шавь нар минь янз бүрийн орнуудад бий, ой санамжийг нь нээвэл тэд миний тухай бүхнийг санана. Харин энд, Украинд би намайг мэддэг, надтай дотно, миний үгийг сэтгэл зүрхээрээ хүлээн авдаг шавь нартайгаа ажилладаг. Ийм харьцаагаар дамжуулж өөрчлөлтийн энэ цаг үед хүмүүст хэрэгтэй мэдлэгийг өгөхийг хүсч байна, учир нь Тэнгэрийн дуу хоолой-Амьд үгийг хүмүүс хүлээн авч зөв ухамсарлахад бэлэн гэж би үзэж байна. Энэ нь зуун дамжсан хөндлөнгийн зүйлсийг цэвэрлэхэд тусална гэдэгт найдаж байна. Энэ нь намайг амьд, амьд бүхэн хөгжиж өөрийгөө боловсруулах боломжтой байдаг учраас би ч гэсэн энэ хугацаанд байрандаа зогсоогүй гэдгийг ойлгоход та нарт тусална. Би хөгжиж, өөрийн үзэл бодлоо өөрчилж байдаг.Би тэр үед өөрийн хийж чадах бүхнээ хийж чадаагүй, миний алдаа одоо надад илхэн байгаа, одоо тэр алдаануудаа давтмааргүй байна. Одоо Амьд Үгээр дамжуулан миний бодол санааг мэдэх боломж бүгдэд чинь байна, мөн намайг ойлгож, шинэчлэгдсэнээр минь хүлээн авна гэдэгт найдаж байна. Би сүмийн гол хүн байхыг хэзээ ч хүсч байгаагүй, хүсэх ч үгүй.  Би та бүхний замыг жинхэнэ Бурхан руу, Эцэг рүү минь хандуулах гэж ирсэн, учир нь Түүний энерги одоо Дэлхий рүү ирж, үүний ачаар та бүхэн амьдарч байна.Та нар бидний Эцэгийн амьдралын энергиэр амьд байна гэдгийг дахин дахин хэлье. Ийм ч учраас намайг загалмайнаас салган авч, хэрвээ та нарт хэрэгтэй бол Эцэгийн минь бэлгэ тэмдэг-Нарны дугариг дүрсээр солихыг хүсч байна. Энэ нь бас загалмай боловч тэгш талуудтай, цовдлуулсан дүрсгүй; учир нь ийм загалмайгаар дамжин бүтээх үйл явц явагддаг. Энэ загалмай та бүхний Саваоф гэж нэрлэдэг Эцгийн минь бэлгэ тэмдэг бөгөөд Саваоф гэдэг нь Түүний жинхэнэ нэр  биш, Сансарынхан бидний мэддэг жинхэнэ нэрээр хүлээн авахад бэлэн болсон цагт чинь Түүний жинхэнэ нэрийг та бүхэнд хэлэх  болно.
  Одоо та бүхний бий болгосон бүх ойлголтуудыг цэгцлэх шаардлагатай бөгөөд миний ярьж буй зүйлсийг үл итгэх, улайран шүтэх, сэжиглэхгүйгээр хүлээн авах цаг ирсэн байна. Учир нь намайг дахин амилсан гэдгийг та нар мэднэ, тэгээд яагаад та нартай ярьж, хэрэгтэй байгаа үзэл санааг чинь дамжуулж чадах боломжийг минь үгүйсгээд байна вэ?
  Тийм ээ, би амьд, би энэ Дэлхий дээр амьдарч байсан. Би одоо сансрын олон нэгдлүүд, Зөвлөлүүд, Сансар судлалын төв, Бүтээгч болон Гэрэлийн дээд зиндаанд ажилладаг. Би Дэлхийг оюунлиг хөгжлийн асуудлаар удирддаг. Ийм ч учраас та бүхэнд хандаж байна, учир нь та бүхэн намайг хуучирсан ойлголтоор биш, харин шинээр сонсож хүлээж авахад бэлэн болсон гэдгийг би харж байна. Би амьд, би та нарын төлөө байна.
          

Христос
            2001.05.31
 

  Бясалгалыг дотоод гэгээрэл, дияан хийх боломж гэж урьд нь би зөвлөж байсан билээ. Энэ нь үнэхээр ертөнц болон ертөнцийн аж явдлаас өөрийгөө таслах боломж юм. Бясалгал нь өөрийн амин сүнсний дуу хоолойг сонсох, өөрийн Оюун санааг хүлээн зөвшөөрөх боломж. Энэ байдалд амин сүнс ариусч, Бурханы нэгэн хэсэг гэдгээ жинхэнээр ухамсарладаг. Үүн рүү тэмүүлэх хэрэгтэй, учир нь амин сүнсэнд биеийн адил цэвэрлэгээ хэрэгтэй. Дотоод цэвэрлэгээ чухал шаардлагатай, учир нь ариуссан амин сүнсээр дамжин цэвэр энергийн Урсгалд Бүтээгчтэй нэгдэх боломжтой. Би “Алтан бороо” буюу Бүтээгчийн ариусгагч энергийн доор зогсож байгаагаар төсөөлж болно гэж хэлж байсан. Тэгж бодлоороо төсөөлөх нь ариусах үйл явцад тусална. Дараа нь хүрхрээн доор зогсож байгаагаар төсөөлж болно. Тааламжтай дулаан усны урсгал тан руу бууж, сэтгэлийг чинь угаан ариусгаж байна. Бясалгал бол өөрийгөө, өөрийнхөө жинхэнэ утга учрыг ухамсарлах шат юм. Энэ нь бидэн рүү, Бүтээгч Бурхан руу хийж байгаа алхам бөгөөд учир нь та бүхэн Бурханы нэгэн хэсэг, та бүхний дотор Нэгдмэл Бурханы  ухаан, мэдрэмж  оршин байдаг. Хаалгыг чинь тогшиж байгаа шинэ зүйлийг зөвөөр ухамсарлаж хүлээн авах шаардлагатай. Үүнийг бясалгалаар дамжуулж, бидний Эцэг Бурхантай ариун сэтгэлээ нэгтгэн олж авч болно.  Ариусгах бясалгалын дараагийн шат нь өөрийгөө Бурханы цэвэр энергитэй холбох бясалгал юм. Ертөнцийн аж байдлаас өөрийгөө бодлоороо тасалсны дараа Сансарын хязгааргүй уудамд гэрэлтэх одыг төсөөлөөрэй. Энэ нь Нэгдмэл Бурхан-Абсолют Ухаан буюу Дээд Оюун Ухаан юм. Энэ бол агуу хүчтэй гайхамшигт энерги билээ. Түүнийг алтан дэвсгэр дээр гэрэлтэж байгаа одоор төсөөлнө. Та нараас энэ од руу зүрхний цэвэр залбирлаар дамжин утас татагдаж байна, энэ нь талархал, сэтгэлийн импульсээр (эрч, түлхэц, сэрэл) дамжин үггүй явагдана. Энэ дохиог бид шууд мэдэрнэ, тэгээд та бүхэн бидэн рүү, цэвэр энергийн Нэгдсэн Урсгалд орж ирнэ. Бүтээгчийн цэвэр энергийг хүлээж авахаар сэтгэлээ ариусгасан хүн бүхний хувьд энэ нь боломжтой юм. Шинэчлэх үйл явц хэзээний эхэлсэн, Бүтээгчээс шинэ хүч, шинэ чадалтай энерги урсаж байгаа. Та нарын цэвэр зүрх түүнийг хүлээн авч мэдрэх чадвартай, та нар руу урсаж буй цэвэр энергийн Урсгалд бидэнтэй хамт нэгдэх чадвартай. Өдөрт 5-15 минутыг бясалгалд зориулан гаргаж, талархлаар дамжуулан зүрх сэтгэлийн угаас аниргүй мөргөлөөр Бурхантай ярилцаж бай. Энэ бол бидэн рүү, Бурханы цэвэр Эх Үүсвэр рүү ирэх зам юм. Бясалгалыг байгалийн сайханд санаа нэгт хэсэг нөхөдтэйгээ хийвэл илүү сайн. Өндөр газар нь биднийг холбогдоход тусална. Ийм газар нь хүмүүсийн бодол санаанаас ангид бөгөөд амьтан, ургамлын ертөнц, Эх-Дэлхийн талархлын энерги дүүрэн шингэсэн байдаг. Нэгдмэл Урсгалд цэвэр залбирал-талархлаар орсныхоо дараа Бурханд илгээсэн цацрагаа бодлоороо өөртөө буцаагаарай, учир нь Тэр ч бас чамайг хайрлаж, талархаж байна. Та нарын гаргасан хүч дэмий өнгөрөхгүй, учир нь та нар амин сүнснийхээ хамгийн сайн мэдрэмж, чанаруудаа хөгжүүлж байгаа, ингэхдээ Бүтээгчтэй холбогдож байгаа билээ. Бурхан та нараас бусдын зохиосон, нүглээ наманчилсан олон цагийн залбирлыг хүсээгүй, өөрийн биеэ тамлаж наманчлахыг хүсээгүй; харин өвдөг дээрээсээ босоод өөрийгөө Бурханы нэг хэсэг гэдгийг ойлгож, тэнгэр рүү харцаа хандуулаасай гэж хүсч байна. Дахин дахин хэлье, хүүхдүүд минь та нар боол биш, та нар Бурхадууд, та нар бүгдийг чадна. Та нар бясалгалаар дамжин бидэнтэй, Бурханы цэвэр энергийн Эх Үүсвэртэй холбогдож, амьдралын Яруу Зохиролыг мэдэрч чадна. Бурхан бол Хайр бөгөөд та нар Түүний хүүхдүүд гэдгээ санаарай. Та нар Дэлхийд бэлэглэсэн энэ ялгагдах зарчмыг дэлгэрүүлэгч нар шүү. Тэгээд энэ зарчмаар дамжин бидэнтэй холбогдоцгоо.
  Хайраар урласан энх тайван ирэг!
                                                                                                                     Христос
                                                                                                                     2001.07.11
 

  Бясалгалын үед хүний амин сүнс, ертөнц болон ертөнцийн аж байдлаас ангижирдаг. Амин сүнс, Бүтээгчтэй нэгдэхээр тэмүүлдэг. Энэ үед биеэ хамгаалах шаардлагатай, учир нь бясалгалын байдалд байгаа биеийг эзэлж авахыг санаархсан олон бодгалиуд бий. Амин сүнс, бидний Эцэг рүү тэмүүлэх үедээ биеэ хянадаггүй. Тэгвэл биеэ яаж хамгаалах вэ, ялангуяа хамт олноороо бясалгаж байгаа үед? Юуны түрүүнд байгалийн сайханд болон өндөр газар бясалгах нь аюул багатай, учир нь хүний ялгарал, энергийн бөөгнөрлөөс ангид цэвэр агаар нь өөрөө хамгаалалт болж байдаг, гэхдээ өөр зүйл бас бий. Та нар гэрлэн бие буюу энергин бүрхүүлтэй гэдгээ  мэднэ. Мөн гадны халдлага гэрлэн биеэр дамжиж, зөөлнөөр хэлэхэд гэрлэн бие нь бүрхэг  хүн рүү ордог гэдгийг та нар бас мэднэ. Та нарын бүх бодол гэрлэн биед чинь илхэн илэрч байдаг. Та нарын бодол, үйлдлүүд чинь энергийн бүтцийг бүрэлдүүлж байдаг. Бүх гэрэл тээгч, гэгээн зүйлсүүд хар хүчнийг түлхэж байдаг учир гэрлэн бие нь бүрхэг хүн рүү хар хүчнийхэн нэвтрэн ороход амархан гэдэг нь ойлгомжтой болж байна. Гэхдээ би бясалгалыг бидэнтэй, Бүтээгчтэй холбогдох боломж гэж зөвлөсөн. Одоо миний хэлэх зүйлийг анхааралтай тогтоож авахыг хүсч байна. Бясалгалаар хичээллэхээр шийдсэн хүн бие дааж, алгуурхнаар эхлэх хэрэгтэй, олон хүний дунд орж яасан ч болохгүй. Ариусаж, хар хүчинд эзлэгдэхээргүй болтлоо зөвхөн Бүтээгчтэй нэгдэж, далдуур хийх хэрэгтэй. Би залбирлын нууцлагийн тухай, залбирал-бясалгал нь сэтгэлийн нандин үйл гэж ярьсан. Та нар цэвэр, өндөр, дээд рүү дээшээ тэмүүлж байгаа. Та нар өөрсдийгээ алгуурхнаар цэвэрлэх болно. Дахин хэлье, алгуурхнаар. Ариусах хэрээр бясалгалын цаг уртасна. Энэ бол нууц, таны амин сүнсний нууц, учир нь та түүнийг сэрээж цэвэрлэхийг хичээж байна. Чин сэтгэлийн гуйлт, зүрхний мөргөлөөр чинь дамжуулан бид та бүхэнд туслах болно. Бид Гэрэл тээгч хүмүүсийг хамгаалж чадна, тэд хэдийнээ хамгаалалтанд байгаа, учир нь Харанхуй Гэрэлийг залгиж чадахгүй; Бурхан бол Гэрэл юм. Энэ ажлыг дөнгөж эхэлж байгаа хүмүүс юуны түрүүнд өөрийн гэрлэн биеийг хэрэггүй хөнөөлтэй бодлоос цэвэрлэж өөртэйгээ ажиллах хэрэгтэй. Өөрийгээ болон гэрлэн биеэ цэвэрлэх ажил нь таван минутын үйл биш. Энэ ажлыг тогтмол хийх нь Дэлхийн гэрлэн биеийг цэвэрлэхэд тусална. Өдөр болгоны хичээлээрээ өөрийн бодол үйлсийг хянаж чадахаар болсныхоо дараа цэвэрлэн ариусгах бясалгалдаа Бурхантай нэгдэж ороорой. Эхлээд 5-10 минутаас урт байх хэрэггүй. Ариусах явц алгуурхнаар явагдана. Зарим хүний хувьд маш богино хугацаа хэрэгтэй, заримд нь хангалттай урт хугацаа шаардлагатай. Дахин дахин хэлье, бясалгаж эхэлж байгаа хүмүүсийн хувьд олон хүн цугларсан газар хийх нь аюултай, учир нь та нарт хамгаалах хангалттай дотоод хүч байхгүй; та нарын дотоод гэрэл, амин сүнсний чинь гэрэл та нарын хамгаалалт болдог. Хар хүчнийхэн өөрсдийн доод долгионыг барьж аваад эзлэхийг хичээдэг. Тэд нар олон хүнтэй газар татагдаж, олуул цуглардаг. Мөн хат суугаагүй, эргэлзэж байгаа, ятгалгаар ирсэн хүмүүсийг эзэлж авахад амархан байдаг, учир нь тийм хүмүүс өөрсдийгөө болон амин сүнсээ эзэмдэх чадваргүй байдаг. Одоо шинэчлэлийн цаг; хуучирсан бүхний халаанд ертөнцөд ариуслыг авчрагч Хайр талархлын Нэгдсэн Урсгалд бидэнтэй холбогдох цаг юмаа. Зөвхөн ариун сэтгэлтэй, зөвхөн Гэрэлийн хүүхдүүд, зөвхөн Бурханы хүүхдүүд шинэ энергийг хүлээн авч чадна. Би, та бүхнийг бидэнтэй хамт Хайр талархлын Урсгалд цэвэр зүрхтэй, цэвэр бодол санаатай, цэвэр амин сүнстэй орооч ээ хэмээн уриалж байна. Бид та нарыг хүлээж байна, та нартай үнэн сэтгэлийн чинь хайр, мэдрэмжээр дамжин харьцахыг хүсч байна. Бид аль болох олон хүнийг Орчлонт Ертөнцийг Бүтээгч Бурханы Гэрэлээр тэврэхийг хүсч байна.
  Тийм ээ, бид хамтдаа байх болно. Тэгээд үр дүнгээр нь биднийг таних болно.
                                                                                                                   Христос
                                                                                                                   2001.07.12
 

  Загалмай-энэ бол хөндлөн ба босоогийн нэгдэл буюу өөрөөр хэлбэл оюунлиг ба материаллигийн нэгдэл гэсэн утгатай. Энэ бэлгэ тэмдгийг балар эртний цагаас мэддэг бөгөөд энэ зорилгод бидний Зам чиглээстэй байдаг. Оюунлиг болон материаллиг эхлэлийн тэнцвэртэй нэгдлийн зам. Энэ нэгдэл нь тэнцвэртэй байх ёстой, тийм болохоор бүх тал нь тэнцүү, цовдлуулсан дүрсгүй, аль нэг шугамыг нь уртасгаагүй загалмай зүүх хэрэгтэй. Дээд шугамыг уртасгах нь босоо шугам буюу оюунлиг эхлэлийг нэмэгдүүлж байгаа. Гэвч загалмай дээрх үхсэн хүний (цовдлуулсан) дүрс нь дээшлэх хөдөлгөөнийг хаадаг, учир нь энэ тэмдэг дээр дахин амилалт биш, харин үхэл байгаа юм. Загалмай нь энэ Дэлхийн бэлгэ тэмдэг болохын хувьд зөвхөн тэнцүү талуудтай байж болох бөгөөд, учир нь Сүнсний хөгжлөөр дамжин Материйн хөгжил явагддаг. Бидний гол зорилго, та нарыг чиглүүлэх гол зам бол Сүнслэг Материйг хөгжүүлэх явдал бөгөөд үүний тулд хамгийн сайн чанарууд, мэдрэмжүүд, физик биеэ тэнцвэртэйгээр хөгжүүлэх хэрэгтэй. Та нар Яруу Зохиролд тэмүүлэх ёстой, учир нь Сансарын бүх Хуулиуд үүн дээр үндэслэсэн байдаг. Бүтээгч, та нарынхаар бол дугуй дүрсэн доторхи загалмайгаар илэрхийлж болох тийм хүнхэр орон зайд бүтээлээ туурвиж байдаг. Загалмай хэлбэртэй энергийн Урсгалууд нь чиглүүлсэн эргэлтээрээ өөр бусад урсгалыг үүсгэж, бүтээх явц явагддаг. Ийм урсгалууд олноор үүсдэг бөгөөд эдгээр урсгалууд нь энергийг нягтруулах, өөрчилж бодис болгон хувиргахад тусална. Товчилбол; бүтээх үйл явцыг Иерусалимийн загалмайгаар төсөөлж болно. Энэ бол шинэчлэлийн бэлгэ тэмдэг, бүтээлч бэлгэ тэмдэг; учир нь загалмай хэлбэрт урсгалууд олон тоогоор байдаг. Зарим нь өөрийн чиглэсэн үйлдлийг хийж байхад бусад нь мөн үйлдлээ эхэлж байдаг. Энэ нь урт хугацааны үйл явц бөгөөд маш их энерги шаардагдана. Гагцхүү дээд энергийн Эх булаг л ийм энергийг үүсгэн гаргаж чадна, учир нь гариг од болгоныг бүтээхэд төсөөлшгүй, агуу их энерги ордог. Энэ нь үнэхээр нүсэр ажил бөгөөд гагцхүү Бүтээгч л Сансарын Хуулиудыг мэдэж, мөрдсөний үндсэн дээр ийм хэмжээний ажлыг хийх чадвартай. Загалмай бол Хайрын сэтгэлээр энэ Дэлхий дээр бүхнийг бүтээсэн бидний Эцэгийн бэлгэ тэмдэг юм. Энэ загалмай та бүхэнд бүтээлийн бэлгэ тэмдэг, бидний нэгдлийн бэлгэ тэмдэг болон өгөгдсөн юм. Хайр бол Түүний ялгарах зарчим билээ. Түүний энерги Хайраар шингээгдсэн, энэ бол Түүний Дэлхийд бэлэглэсэн Хайрын энерги бөгөөд Тэр бүтээлээ энэ энергиэр туурвидаг, та бүхэн ч энэ энергиэр дамжин бүтээгч нар болох боломжтой. Эцэгийн энергийг зөв хүлээн авч мэдрэх шаардлагатай. Хайр бол түүний дээд бэлэг бөгөөд түүнийг хааяагүй, газар сайгүй хэрэглэж болно. Өөрийн хийж байгаа бүхнээ Хайртай нэгдмэл бүтээл болгон хувирга. Та нар өөрсдөө Эцэгийн үлэмж сайхан бүтээл шүү дээ. Тийм болохоор дотоод болон гадаад Зохиролд тэмүүл, учир нь Яруу Зохирол бол Хайрын үнэнч найз, Хайранд бүх зүйл Зохиролтой байх ёстой. Сансарын хэмжээний үйл явц болон та нарын эсэнд явагдаж буй үйл явц ч гэсэн бүгд Эцэгийн Хайрын энергиэр дамжин явагддаг. Энэ бол ертөнцийг өөрчлөх үндсэн хөдөлгүүр юм. Миний та бүхэнд өгч буй, хэлж буй бүх зүйл Хайраар, Хайрын Урсгалаар дамжин явж байна. Харин та нар хаана тогтмол ус, хаана Бүтээгчийн цэвэр Эх Үүсвэрээс ирсэн жинхэнэ Урсгал байна гэдгийг мэдрэх ёстой. Би, та бүхэнд болон Эх- Дэлхийд чинь тусыг авчрах, өөрчлөгч шинэ энергийг өгөхийг хүсч байна. Бид ертөнцийг шинэчлэх үйл явцыг Эцэгийн шинэ энергиэр дамжуулж эхлэхийг хүсч байна. Энэ энерги аажмаар хүчээ авч, удахгүй Харанхуйг устгаж шинэ Гэрэлийг нээж өгөх цацраг болох болно. Энэ ажилд бидэнд туслах хүн бүрийг уриалж байна. Дахин давтан хэлье, үйл явц хэдийн явагдаж байгаа, сайхан сэтгэлтэй хүмүүсийн тус дэм бидэнд хэрэгтэй. Үнэн ба жинхэнэ Урсгалыг мэдэрч байгаа бүх хүн Дэлхийг шинэчлэх ажилд оролцоцгооно уу. Бид та нартай хамт байна, бидэнтэй хамт Гэрэл, Хайрын Эх булаг болсон Эцэг Бурхан минь байна.
                                                                                                              Христос
                                                                                                              2001.07.25
 

  Залбирал бол бидний Эцэг- Бүтээгч Бурханд бодлоороо хандсан үг юм. Энэ бол цэвэр ариун хандлага, энэ бол амин сүнсний яриа, энэ бол зүрхний түвшинд бидний Урсгалтай нэгдэх явдал юм. Амин сүнс бүхэн тийм цэвэр харилцааг хүсдэг, учир нь энд баашилж, дүр үзүүлж, худлаа ярих хэрэггүй; та нар алган дээрх шиг илхэн байдаг. Та нарын бодол, ажил үйлс бидэнд нээлттэй байдаг. Залбирал-бясалгалын Урсгалд орсон хүн бидэнд бүрэн нээлттэй байдаг, учир нь нэг ч бодол санааг нууж хааж болдоггүй. Бас бусдын зохиосон  үгийг нэгэн хэвийн давтах хэрэггүй; өөрсдийгөө “нүгэлтэн”, “Бурханы нүгэлт боол”, “Бурханы зарц” гэх мэт үгээр доромжлох хэрэггүй. Өвдөглөн сууж, өөрийн биеэ тамлах хэрэггүй. Та нарын зорилго бол амин сүнс, мэдрэмж, сэтгэл хөдлөл, гол нь бодлоо ариусгах, өөрийгөө болон өөрийнхөө энэ амьдралын зорилгыг ухамсарлах явдал юм. Үүнд залбирал болон залбирал-бясалгал тусална. Бид та бүхэнтэй амин сүнсний нандин яриа, зүрхний нууц наманчлалаар дамжуулж харьцахыг хүсч байна гэдгийг санаж, мэдэж, итгээрэй. Залбирлаар дамжиж та бүхний жинхэнэ утга учир- амин сүнсний ариусал ирнэ гэдэгт итгээрэй. Амин сүнс хэзээд өөрийн Эцэгтэй нэгдэхийг тэмүүлж байдаг, учир нь зүйрлэж хэлбэл амин сүнсэнд, түүнийг Бурхан руу энергийн утсаар татаж байдаг соронз тавигдсан байдаг. Биднийг холбох энэ утас нь залбирал болон залбирал-бясалгалаар үүсч, дахин сэргэж байдаг. Энэ утсаар дамжиж Бүтээгчийн энерги та бүхэнд хүрдэг. Амин сүнс нь ариуссан хүмүүсийн гэрлэн биед энэ энерги Гэрэл болж харагддаг. Хүн хэдийчинээ ариуссан байна, төдийчинээ гэрлэн бие нь тод, хүчтэй байдаг бөгөөд бидэнтэй холбогдох үедээ гэрэл цацруулж байдаг. Тийм ч учраас би та нарыг ертөнцийн Гэрэл гэж хэлдэг, учир нь би та бүхэнд тийм ариуслыг хүсч байна, би та бүхнийг гэрэлтэйгээр харахыг хүсч байна. Үүнийг зүрхний цэвэр залбирал, талархлаар олж авч болно, учир нь энэ бол биднийг холбох нөхцөлүүдийн нэг юм. Бидний харилцаа нь энергиэ харилцан солилцох, бие биендээ ач тусаа бэлэглэснээр явагдах билээ. Залбирал бол та нарын бидэнд зориулж байгаа үнэн сэтгэлийн мэдрэмж юм. Тэгээд бүх зүрх сэтгэлээсээ бидэнд хайраа илчлэхээс айх хэрэггүй. Өөрийгөө нээж өг!  Илэн далангүй, үнэнч байцгаа! Худал хуурмаг бүхнээ орхицгоо!  Үнэн зүрхний Хайр, талархлаар дамжин бидэнтэй холбогдоцгоо! Хариу тэр дороо ирнэ гэдэгт итгэцгээ, учир нь бид та бүхэнтэй нэгдэж, Хайрын алтан бороогоор та бүхнийг шагнахыг хүсч байна. Ижил зүйлсүүд бие биедээ татагдаж байдгийг санацгааж яваарай. Бид бол амин сүнсний чинь Гэрэл, Хайр, Баяр баясгалан шүү. Энэ бүхнийг бид залбирал, бясалгалаар дамжуулан өгөхийг хүсч байна. Та бүхний амин сүнсэнд хуримтлагдсан бүхэн нээгдэн гарахыг хүсч байна. Тийм болохоор биднийг угтан түүнийгээ нээцгээ! Та бүхэн Хайрын Нэгдсэн Урсгалд бидэнтэй нэгдэж, бидний Эцэг, Бүтээгч Бурханд үнэнхүү итгэснээр ариусч, нээгдэж чадна.
                                                                                        Ерөөлөөр болох болтугай!
                                                                                        Христос
                                                                                        2001.07.30
 

   Орчин үеийн христийн шашны үндсэн бэлгэ тэмдэг нь цовдлуулж, үзэл бодлынхоо төлөө цаазлуулсан Христын дүртэй загалмай юм. Олон хүн цовдлуулсан дүрстэй загалмай зүүж, гэртээ болон сүм мөргөлийн газруудад өлгөдөг, цовдлуулсан энэхүү дүр хаа сайгүй байдаг. Тэгээд энэ нь өрөвдөл, энэрэл, сэтгэлийн зовлон, тэр ч байтугай нулимсыг хүртэл төрүүлдэг. Та нар ийм мэдрэмжтэйгээр сүм рүү, харамсаж өрөвдөх сэтгэл өвөрлөн сүм дүүртэл цугларсан хүмүүс рүү ирдэг. Чухамхүү энэ мэдрэмжээр дамжин олон хүн Эцэг рүү ирсэн байж болно. Олон зууны туршид энэ л цовдлуулсан дүр хүмүүсийн бодол санааг өөрчлөхөд хэрэгтэй байсан байж болно.
  Тиймээ, тийм байсан, гэвч одоо бүх зүйл өөрчлөгдөх ёстой. Тиймээ, энэ бүхний эцэст бидэнд баяр ирэх ёстой. Намайг үнэнээр ойлгосны баяр. Харуусал нулимсаар дамжиж биш, харин хайр баяраар дамжиж. Бүтээгчийн нинжин сэтгэлийг бахадсан баяр. Тэр хүчтэй, Түүний энерги агуу чадалтай, Түүний дээд илэрхийлэл нь Хүүгээ хайрласан Хайр. Тэр Хүүгээ цаазлуулаагүй, учир нь Бурхан бол Хайр юм.Тэр зүрхний цэвэр залбиралд хариулахад бэлэн, тэр үед Тэр үүнийг хийсэн. Тэр Хүүгээ аварсан бөгөөд үүнд агуу утга учир, үнэн хүч нь байгаа. Энэ бол хэн үнэн шударга, цэвэр ариун хайранд итгэж байна, тэр бүхний баяр юм. Тиймээ, бүх үзэл бодлоо эргэн харж миний ярьж байгаад итгэх хэцүү. Гэвч ингэх хэрэгтэй, учир нь Хайр, цэвэр ариуны мэдрэмжинд үнэн итгэл суурилдаг. Олон зууны туршид христийн шашинд үүссэн нэлээдгүй зүйлийг бид дахин авч үзэх шаардлагатай. Та нарт өгөгдөж буй бичиг зохиолуудад маш бүдүүлэг алдаанууд болон хөндлөнгийн зүйлс их бий. Энэ бүхнийг бид гаргаж илрүүлэх ёстой. Тэгтэл цовдлуулсан дүрстэй загалмай нь бүх христийн шашинтнуудын зууралдаж байгаа гол бэлгэ тэмдэг юм. Үүнийг үгүй болгож, оронд нь тэр үед юу болж өнгөрснийг үнэнээр мэдэх шаардлагатай, учир нь шинэ энергийн Шинэ Урсгалд алдаатай хуучин үзэл бодолтойгоор орж таарахгүй. Жинхэнэ үнэн илрэх ёстой, учир нь та нар ертөнц болон түүнд явагдаж байгаа бүх зүйлийг шинэ үзэл бодлоор харж чадах, шинэчлэгдсэн хүмүүс шүү дээ. Тийм болохоор эрт тэр цагт юу болж өнгөрснийг шинээр, үнэнээр нь мэдэж авцгаа.  Шинэ Урсгалд намайг ойлгох, ойлгохын тулд үнэнийг ярьж байгааг минь мэдэрцгээгээрэй. Энэ бол баяр юм. Та бүхний сэтгэлийн баяр, бидний хөөр баяр юм, учир нь нууц бүхэн гарцаагүй илрэх болно. Тэгээд энэ нээлт нь та бүхний дотор зүүрмэглэж байгаа дээд мэдрэмжүүдийг чинь нээж өгөх болтугай. Эцэг Хүүгээ хайрладаг. Эцэг буруугүй цус, буруугүй зовлон тамлалыг хүсэхгүй. Амин сүнсний хүсэл тэмүүлэл бол Түүний хувьд бүхнээс эрхэм. Энэ нь амин сүнсний хөгжлийн түвшин, хувьсал дэвшлийг тодорхойлогч нь юм.
  Эцэг өөрийн ялгагдах зарчим-Хайрыг Дэлхийд авчрахдаа түүнийг өөрийн Хүүдээ бэлэглэхийг хүссэн. Үүнд Хайрын шашин-христын шашны агуу утга учир бий. Христ рүү харуусал, өрөвдөл, нулимсаар дамжин ирэх биш; харин Хайр, баясал, сайхан сэтгэлээр дамжин ирэх ёстой. Тэгвэл болж байгаа зүйлийн агууг та нар ойлгох болно. Ариун амин сүнстэнүүд миний ярьж байгаа зүйлд баярлах болно. Эцэг Бурханыг хэн бэ гэдгийг мэдсэн ариун сэтгэлтнүүд хөөрөн баярлах болно. Агуу Бүтээгч Хүүдээ амьдрал бэлэглэхдээ үхлээс амилуулсан биш, харин үхэл зовлонгоос аварсан. Үүнд болж өнгөрсөн зүйлийн агуу сүр хүч оршиж байгаа юм. Тэгээд ч үүн дээр бидний цаашдын харилцаа, намайг шинээр, шинэчлэгдсэнээр минь хүлээн зөвшөөрөх, намайг үнэнээр минь мэдэж авах энэ бүхэн суурилах болно.
  Би та нар руу ирж байгаа шинэ бүхнээр дамжуулан бүхнийг өөрийн байранд нь тавихыг хүсч байна. Намайг аврагдсанаар минь хүлээн авч, миний Эцэг надад ямар нигүүлсэнгүй байсан шиг та нар ч бас надад тийм нигүүлсэнгүй байцгаа.
                                                                                                                    Христос
                                                                                                                    2001.07.31

  

Шинэ сургааль бол шилжилтийн энэ үед зайлшгүй хэрэгтэй үе шат юм. Би Дэлхийг оюунлиг хөгжлийн асуудлаар удирддаг гэдгээ хэлж байсан. Энэ цаг үед хүмүүст ертөнц болон далд ертөнцүүдийн тухай шинэ мэдлэгийг өгөх, мөн энэ хугацаанд миний сургаальд үүссэн гажуудлыг арилгах нь миний зорилго юм. Шинэ цагийн Урсгал нь цагаа өнгөрөөсөн бүхний оронд шинийг авчирч байна. Дэлхий рүү урсаж буй шинэ энерги бүх зүйлийг шинэчилж байна, учир нь Үг хүчтэй байх ёстой, тэгээд шинэ энергийн Шинэ Урсгалаас гарах ёстой. Энергийн Урсгалын өөрчлөлт нь Үгийн өөрчлөлттэй шууд холбоотой байх болно гэж бидний Эцэг шийдсэн. Энэ Үг нь залбирал, бичээс, оюунлиг ертөнцийн цэвэр дамжуулагч байх болно. Бид зөвхөн ухамсрын түвшинд, бодлын түвшинд ажилладаг, учир нь бодол бол хоромхон зуур байндаа хүрдэг энергийн цэнэг юм. Бидний зорилго ч үүнд оршиж байна: дотоод гадаад энергийг зохицолд хүргэх, учир нь Яруу Зохиролын Хууль ийм юм. Өнгөрсөн үеийн энергийг хадгалж яваа хуучин бүхэн энэ хуулийн дагуу шинэчлэгдэх ёстой. Бидний ойртуулахыг хүсч буй ирээдүй-Алтан Үе рүү бидний үзэл санаа, бодол чиглэж байна. Бид аль болох олон хүнийг ариусгаж, аварч, шинэ Урсгалд зөвөөр ороход сургахыг хүсч байна. Шинэ сургааль үүнд тусална. Энэ сургааль нэгэнт байгаа бөгөөд та бүхэнд хүрэхийг хүсч байна. Бас хүмүүс та нар биднийг амьд, бид хөгжиж боловсрох боломжтой гэдгийг мэдэх хэрэгтэй. Та нарт хэлж буй үг болгонд Шинэ энергийн Урсгалын шинэ долгион нэвт шингэсэн байгаа. Энд Эцэг Бүтээгчийн жинхэнэ Урсгал, Үнэн байгааг сэтгэл зүрхээрээ мэдэрч чадах хүмүүс онцгой гэрэл цацруулах болно, учир нь сургааль яг залбирал шиг энэ цэнэгийг агуулах болно. Тиймээ, дассан зүйлээсээ салах тийм ч амар биш. Шинээр гарч ирж байгаа зүйлд итгэх хэцүү, гэвч цагийн урсгал бүхэн өөрийн энергитэй, шинэ энергийн Шинэ Урсгалд орох нь хүмүүсийн хамтын ухамсар, сэтгэлгээг бүрдүүлэгч мэдээлэл-энергийн урсгалыг халах болно. Энэ цаг үед миний илгээж буй бүх илгээлтүүд хүмүүсийн ухамсар дахь гажуудлыг засаж залруулахад чиглэж байна. Энэ нь шинэ сургааль гарч ирэх бэлтгэл ажил юм. Хүмүүсийн ухамсрыг шинэ мэдээлэл, шинэ сургааль, шинэ залбирлыг хүлээж авахад алгуур бэлтгэх хэрэгтэй. Болж байгаа, болох зүйлсийг зөв хүлээн авснаар энэ бүхэн ирнэ. Бидний ажилд оролцож эхлэх нь хүний өөрийн таалал, бэлэн байдлаас хамаарах боловч, ажилд оролцох үгүйгээс шалтгаалахгүйгээр бэлтгэл үеийг хүн бүхэн туулах ёстой. Та нар илгээлтийг унших, унших үед байлцах нь хэзээ ч үр ашиггүй өнгөрөхгүй, учир нь энэ нь таныг, таны бие болон амин сүнсийг шинэ энергийг хүлээн авахад бэлтгэнэ. Миний одоо ярьж буй бүхэн энэ Шинэ Урсгалаас гарч байгаа бөгөөд та бүхэнд мэдрэгдэх ёстой. Энэ бүхнийг сэтгэл зүрхээрээ хүлээн авч чадах хүмүүс Дэлхийн хүн төрөлхтөнд өгч буй Хайраа шингээсэн сургаалийг минь хүлээн авч чадна. Энэ бол та нарыг хайрласан Хайр, мөн зүрхээр минь дамжиж хувьссан шинэ мэдээлэл юм. Миний ярьж буй бүхнийг зүрхний мэдрэмжээрээ хүлээн авцгаа; үл итгэх, улайран шүтэх, эргэлзэх- энэ бүхнээс холуур байцгаа. Би та бүхэнтэй хамт, би Хайрын энергиэрээ дамжин та бүхэнд байна, итгэцгээ! Та нар өөрсдөө үүнийг мэдэрч ойлгож чадна. Зүрхээ нээцгээ, зүрхэнд чинь Бүтээгчийн үнэт бэлэг-Хайр гэрэлтэх болтугай!
       

 Ерөөлөөр болог!
        Христос
        2001.08.01
 

  Бидний хүлээж буй баяр бол намайг загалмайнаас буулгасны баяр, хүмүүсийн оюун ухаанд үнэн ойлголтыг тогтоосны баяр юм. Хуучирсан, хөндлөнгөөс ирсэн бүхэн одож, халаанд нь шинэ хүн төрөлхтний шинэ сэтгэхүй ирэх болно. Үүнтэй холбоотойгоор олон өөрчлөлтүүд танай ертөнцөд гарцаагүй явагдана. Энэ нь юуны түрүүнд атгаг сэжиг, улайран шүтэхээс ангид өөр ухамсрыг хамаарна. Бурханыг боолын бялдуучлалаар улайран биширдэг хүмүүс өнгөрсөн үеийн хуучирсан энергийг өөртөө тээж явдаг. Ийм энергитэйгээр ирээдүй рүү орох нь туйлын хэцүү, учир нь энергийн Шинэ Урсгал нь цэвэр ариуссан ухамсар, сэтгэхүйг тухайлдаг. Хүүхэд шиг цэвэр ариун байцгаа, тэд хуучирсан хэвшлээр хордоогүй байдаг, тэд ямар ч мэдлэгийг хүлээн авч цэвэр сэтгэл зүрхээрээ дамжуулахад бэлхэн байдаг. Үүнд та бүхэн тэмүүлэх хэрэгтэй, үүнийг ч та бүхэнд хүсье. Хөгжиж, өөрийнхөө оюунлиг уг чанар, Оюун санааг хөгжүүлж боловсруулахыг эрмэлзэх хэрэгтэй, учир нь энд хуримтлуулсан бүхэн нөгөө ертөнцөд та нартай хамт байх болно. Та нарын хураасан материаллаг баялаг тэнд хэрэггүй, харин амин сүнсэндээ хураасан бүхэн чинь хамт үлдэнэ. Бидний дотоодод Тэнгэрийн орон байдаг нь үнэн, үүнийг ухаарч, дотоод Зохиролд тэмүүлэх хэрэгтэй. Өөрийгөө оюунлиг хувь хүн, Оюун санаа болохыг ухамсарлах нь амин сүнсний бүх энергиэ цэгцлэхээс эхэлнэ. Энэ нь гэр орноо цэвэрлэхтэй ижил юм, гэрт бүх юм байрандаа цэгцтэй байх ёстой. Өөрийн бодол, хүсэл, мэдрэмж, сэтгэл хөдлөлөө цэгцлэхээс эхлэх хэрэгтэй. Яруу Зохиролд тэмүүлэх тэмүүлэл, амин сүнсний тэнцвэр, эмх цэгц энэ бүхэн та нарын хувьд чухал гол зүйл байх ёстой, учир нь та нар нүдэндээ үл харагдах энергийн ертөнцөд амьдарч байна. Үүнийг ухамсарлан хүлээж авах хэрэгтэй. Та нарын амьдрал, бидний Эцэг, Бүтээгчийн хувьссан энергиэр дамжиж оршин тогтнож байдаг. Та бүхэнтэй тохиолдож буй бүхэн үл харагдах Энергийн Урсгалаар дамжин явагддаг. Та нарын амьдралд Үйлийн үрийн хууль үйлчилж байдаг. Үүнийг санаж, энэ тухай бодож байх шаардлагатай. Та нарын дотоод Зохиролын төлөв байдал гуйвшгүй, хөдөлбөргүй байх ёстой, учир нь үүнгүйгээр амин сүнсэндээ юу ч хуримтлуулж чадахгүй, хуримтлал чинь бүгд үл ялих, буру

у  сэтгэлийн хөөрөлд зарцуулагдаад дуусна. Өөрсдийгөө Бурханы нэгэн хэсэг, Оюун ухаан гэж ухамсарлах нь хорсол зэвүүцэл, хов жив, хэрэггүй хэрүүл маргаанаас дээш байх ёстой. Үгүй бол та нарын оюунлиг тэмүүлэл, өөрийгөө боловсруулж өсөн дээшлэх тэмүүлэл биелэгдэхгүй, харин бүх оюуны хуримтлал чинь энерги хэлбэрээр зарцуулагдаж дуусах болно. Үүнийг сөргүү муу хуримтлалын хүнд ачаа үүрээд зорьсон давхар руугаа шатаар өгсөж байгаатай зүйрлэж болно. Долгион муу байх тусам ачаа хүнд байна, өгсөхөд их хүч хөдөлмөр шаардагдана. Долгион нарийн байх тусам ачаа хөнгөн, өгсөлт хөнгөн байх болно. Бүтээгч Бурхан руу хувьслын шатаар өгсөн дээшлэх нь бидний зорилго юм. Алдаа төөрөгдлийнхөө ачааг таягдан хаяхыг та нарт уриалж байна. Эргэлзэх, шинэ бүхэнд үл итгэх, улайран шүтэх энэ бүхнээс өөрийгөө чөлөөл. Замаа хялбар болго. Хүнд, бүдүүлэг бүхнээсээ ангижирцгаа! Бүх энергиэ тэнцвэржүүлж хэвийн байдалд хүргэснээр урагшлах тусам долгион чинь дээшлэх болно. Бид өгсөх Замаар дээшилж буй хүн бүхэнд тусална. Та бүхний ухамсартай тэмүүллийг бид дэмжих болно, учир нь бүх бодол, үйлдлүүд чинь бидэнд илхэн байдаг. Бидэн рүү тэмүүлж буй бүх ариун сэтгэлтнүүдэд бид тусална. Та нарын бүх бодол санаа чинь амин сүнсний баялгаа хураах үйлд чиглэх болтугай. Цэвэр ариун, нинжин сэтгэлтэй байж, амьд бүхнийг хайрлаж, нигүүлсэл энэрлээр дүүрэн байцгаах болтугай!
                                                                                                      Ерөөлөөр болог!
                                                                                                      Христос
                                                                                                      2001.08.02

 

 Дахин төрөл авах-энэ сэдвээр янз бүрийн шашны урсгалыг баримтлагч нар их маргалддаг. Дорнын шүтлэг дахин төрөл авалтыг хүлээн зөвшөөрдөг. Харин  христын шашинтнууд эсрэгээрээ, ширүүнээр эсэргүүцдэг. Тэгвэл үнэн хаана байна вэ? Үнэн гэвэл дахин төрөл авалт байдаг, үүнийг хүлээн зөвшөөрөх шаардлагатай.
  Амин сүнс бол Бурханы үхэшгүй нэгэн хэсэг, энэ нь амин сүнсний хөгжил, хуримтлал тогтмол явагдаж байдаг энергийн бодит мөн чанар юм. Энэ нь оргүй хоосон, байхгүйгээс үүсдэггүй юм. Амин сүнс хэдэн саяас хэдэн тэрбум жилээр оршин байгаа, учир нь Эх Дэлхийг шинэчлэх үйл явцад оролцохоор ирсэн эртний амин сүнснүүд бий. Саяхан ирсэн шинэ залуу амин сүнснүүд ч бий. Тэд өөрсдийн хөгжлийн шатыг дамжин явж байгаа бөгөөд багаар бодоход мянга насалсан байдаг.Тэгвэл энэ хугацааны туршид амин сүнсэнд юу тохиолддог вэ? Амин сүнс, Дэлхий дээр төрөл авах журмаар энергийн чадавхиа хуримтлуулж байдаг. Хүн өөрийгөө боловсруулж, хувьслын шатаар Бурхан руу өгсөх боломжтой. Зарим нь хэдхэн төрөл авалтдаа энэ өгсөлтийг хийдэг, гэвч энэ нь маш ховор. Ихэнх хүмүүс байрандаа дэвслэхийг илүүд үзэн маш удаан өгсдөг, эсвэл бүр доошилдог. Тийм хүмүүсийн зүрх нь хаалттай, хашигдсан байдаг учир Бурханыг мэдрэхэд маш хэцүү. Хангалттай олон хүмүүс туйлын итгэлгүй, эргэлзлийн байдалд байдаг. Энэ хүмүүс Дэлхий дээр дахин дахин төрөх замаар л сургамж авдаг бөгөөд зөвхөн тийм аргаар л тэднийг ямар нэгэн зүйлд сургаж болно. Тэд Дэлхийгээс амин сүнсэндээ эерэг хуримтлалгүйгээр буцдаг. Харин эсрэгээрээ сөрөг энерги нь тэднийг Дэлхий рүү буцааж татдаг. Олон хүний хувьд амьдралын энэ л тойрог үргэлжилж байдаг. Тэд оюунлиг хүрээ өөд тасран гарч Бүтээгчийн Гэрэлийг харж, Түүний Хайр, Сайхан сэтгэл, Түүний оршин байгааг мэдэрч чаддаггүй. Ийм болохоор тэд итгэдэггүй, учир нь тэдний энергийн чадавхи, амин сүнсний цэнэг нь дээшлэх боломжийг өгдөггүй. Харин амьдралын хүнд хэцүү, зовлон, сөргөлдөөн бүхнийг даван туулж, туулсан бүхнээрээ ариуслыг олсон хүмүүс бол өөр хэрэг. Тийм хүмүүсийн хувьд энэ бүх зовлон нь өөрийгөө жинхэнээр ариусгах, өөрийнхөө амин сүнс, боломж, чадавхийг ухамсарлах үе болдог. Энэ үед амин сүнс ариусч, үүгээр дамжин түүний хураасан бүх чадамж-өнгөрсөн үеийн ой санамж нээгддэг. Ой санамж нээгдсэн үе нь туйлын нөхцөл байдлуудыг давж гарахад тусалдаг. Олон Эрхэм Дээд Сүнснүүд бүх хуримтлал нь ашиглагдаж, ой санамж нь нээгдсэн тэр үеийнхээ тухай ярьж чадна. Тэгээд энэ түлхэц нь Тэдний хувьд өөрийгөө ойлгох, дахин дахин төрөл авч байх удаан хугацааны туршид хуримтлуулсан бүх хуримтлалаа санах үе шат болдог. Төрөх, үхэх мөчлөгийн жинхэнэ утга нь зэвэнд ч, хүр хорхойнд ч идэгддэггүй жинхэнэ баялгийг хураахад оршиж байдаг юм. Амин сүнсний чинь баялаг мөнхийн бөгөөд нэг төрлөөс дараагийн төрөлд дамжин шилжиж байдаг. Бие бол амин сүнсийг агуулагч хайрцаг бөгөөд түүнийг илрэн гарахад тусалж байдаг. Үнэн үүнд оршиж байдаг: амин сүнс нь ой санамжтай, энэ нь түүний энергийн чадавхи, гэвч тэр хайрцаг дотор, түгжээтэй байна. Харин түлхүүр нь зөвхөн та нарт бий, та нар өөрсдөө л түүнийг онгойлгож чадна. Үүний тулд ертөнцийн тухай үнэн ойлголтуудыг хүлээж авах, мэдээлэл-энергийн Урсгалын түвшинд бүх гажуудлыг засах, бидний хамт нэгэн энергийн Урсгалд орж ариусах, энэ бүхэн та нарын амжилт, та нарын хураасан баялаг, хувьслын шатаар дээш хийх алхам чинь байх болно; учир нь оюунлиг хүрээнд дээд зэргийн баялгийг хураасан, ариуссан амин сүнснүүд л оршин байдаг билээ.
  Тиймээ, дахин төрөл авалт бол биеийн биш, харин амин сүнсний дахин төрөлт юм. Та нарын бие бодгаль одоо энд амьдарч байна, гэвч түүний амьдрал хэмжээ хугацаатай. Бие тасарч одсоноор та нарын мөн чанар алга болохгүй, амин сүнсний чинь үхэшгүй хэсэг- энерги цэнэгээрээ хаашаа татагдаж байна, тэр газар руу та бүхэн одох болно.
                                                                                                                Христос
                                                                                                                2001.08.06

  

Амин сүнс энэ ертөнцийг орхин нөгөө ертөнцөд очиход түүнтэй юу тохиолддог вэ? Тиймээ, биеийн үхлээр Оюун санааны амьдрал зогсохгүй, хаалттай бүхэн нээгдэж танигдах тийм өөр байдалд ордог. Өөр ертөнц, ахуйн өөр хүрээ шууд нээгдэж, энэ амьдралын хувьд хаалттай байсан, өнгөрсний ой санамж нээгдэнэ. Амин сүнс өөрийгөө санаж, таньж, өөртэйгөө мэндчилнэ. Газар дэлхийн гэх бүх бодол чинь дууссан. Гагцхүү байгаа зүйлийн харагдах байдал, болох зүйлийн сэрэл мэдрэмж л байна. Нөгөө ертөнцөд ирсний дараа л өөрийгөө болон үүрэг зорилгоо жинхэнээр мэднэ, учир нь тэнд ертөнцийн бүхэл бүтэн дүр зураг нээгддэг. Үүнд итгэх үү үгүй юү гэж эргэлзэхийн хэрэггүй, ийм зүйл байж болох уу үгүй юү гэж бодохын хэрэггүй. Энд бүх юм нээлттэй, ойлгомжтой. Бурханыг харах боломж бүх хүнд өгөгдөнө, тэгээд цаашид амин сүнс энергийн ертөнцийн Хуулиар цэнэг нь татагдаж буй тэр газар руугаа одно. Амьдрах явцдаа амин сүнсний хураасан бүхэн нь түүний замын чиглэл, одоо хамтдаа оршин байх баялаг нь болно. Энэ баялгаас хамаарч амин сүнсний цаашид очих газар ч тодорхойлогдоно. Амин сүнс хэр зэрэг дээд баялаг, нэмэх энергийг хураасан байна, тэр хэмжээгээр дээш өгсөж, тэр хэмжээгээр их боломж, ажлын чадавхитай байна.
  Гэвч бид дахин төрөл авах тухай ярьж байна. Амин сүнс дахин Дэлхий рүү ирэх үү? Тиймээ, эргэлзээгүй, учир нь цэвэр ариуссан буюу та нарын ярьдгаар нүгэлгүй сэтгэлтнүүд тийм ч олон биш. Газар дэлхийн хүний амьдралд хорхой хүргэсэн зүйл их бий, энэ нь амин сүнсний ирж төрсөн жинхэнэ зорилгыг хаадаг, учир нь түүний ой санамж хаалттай байдаг. Үүнд л газрын амьдралын жинхэнэ сорилт оршиж байдаг, бидний ялгаа энэ юм, учир нь бид бүхнийг санаж мэдэж байдаг, бидний бүх хураасан баялаг илрэн гарсан байдаг. Харин та нарын хувьд зүрхний түвшинд итгэх үү, үл итгэх үү гэдэг л үлдэж байна.
  Дэлхий рүү даалгавар биелүүлэхээр ирж төрсөн Эрхэм Дээд Сүнснүүдийн хувьд бүхнийг хөгжсөн зөн билгийн түвшинд санаж байдаг. Тэд оюунлиг хүрээнээс ирсэн болохоор Бурханд итгэх итгэл тэдэнд салшгүй байдаг, үүнгүйгээр тэд оршин тогтнох боломжгүй юм. Бурхантай тогтмол харьцаж чадах түвшин рүү дээшилж чадаагүй хүмүүст мэдлэг өгөх нь тэдний үүрэг юм. Тэдэнд өөрийгөө өөрчлөх, ертөнцийг үзэх үзлээ өөрчлөх, Бурханыг таньж мэдэх боломжууд бий. Энэ амьдралдаа тэд энэ боломжоо ашиглаж чадаагүй бол өөрийгөө мэдэж ухаарах хүртлээ дахин дахин ирж төрөл авах болно. Ийм учраас миний ярьж байгаа зүйл та бүхнийг Бурханы нэгэн хэсэг гэдгээ мэдэж, ухаарч авахад чиглэгдэж байна.
                                                                                                             Христос
                                                                                                             2001.08.07

  

Та нар Матери, Оюун санаа хоёр нэгдсэн материаллаг ертөнцөд амьдарч байна. Энд материаллаг зүйлс тэмтэрч хүрч, шалгаж болохоор бодитоор оршин байдаг. Ийм бодит байдлын зэрэгцээгээр та бүхэнд харагддаггүй энергийн ертөнц оршдог гэдэгт итгэхэд хэцүү. Энерги, түүний урсгал хөдөлгөөн нь та нарт харагдахгүй учир гартаа барьж болдоггүй. Мэдрэмжтэй олон хүмүүс энергийн ертөнцийг мэдэрч, харах чадвартай байдаг. Ертөнц тэдний хувьд үнэн байдалд дөхүү илэрдэг. Тэдний хувьд хүн бүрт байдаг гэрлэн бие санаанаасаа зохиосон зүйл, үлгэр биш; энэ бол өөрийн хэмжээ, өнгийг өөрчилж байдаг бодитоор харагдаж байгаа энерги юм. Бүх зүйл гэрлэн биед тусгагдсан байдаг. Хүний бүх бодол санаа, биеийн байдал, сэтгэл санааны уналт өгсөлт бүгд тэнд байж байдаг, учир нь энэ бүхэн энергийн ертөнцөөр дамжин явагддаг. Өөрийгөө ариусгаж чадах хүмүүс энергийн ертөнцийг харах авьяасаа хөгжүүлж чадна. Тэгээд итгээрэй, энергийн ертөнц танай материаллаг ертөнцөөс илүү сайхан шүү. Та нар энерги бол хүч юм гэдэгт итгэнэ байх, учир нь жижгээс агуу их хүртэл бүх бүтээх үйл явц энергиэр дамжин явагддаг. Бүтээгч Бурхадууд агуу хүчин чадалтай энергийг агуулж байдаг. Бид цаашид Дэлхийг бүтээсэн төлөвлөгөөний тухай, энд хийгдсэн туршилтуудын тухай тодорхой ярих болно. Саваофын агуу мөрөөдөл-Чөлөөт сонголтын гариг бүтээх, энд Нэгдмэл Урсгалд олон ертөнцүүдийн төлөөлөгчдийг нэгтгэх хүсэл биеллээ олж байна. Бүтээгчийн гаргасан хуулийн дагуу бид хүмүүсийн ажил явдалд шууд оролцохгүй байгаа ч тэдний ухамсарт нөлөөлөхийг оролдож байна. Бид энергийг тэнцвэржүүлэх, ажил гүйцэтгүүлэхээр өөрсдийн элч нарыг илгээдэг. Дэлхийд төрөл авсан олон элч нар маань Шинэ Урсгалын шинэ энергийг хүлээн авахад хүмүүсийг бэлтгэх үүргийг гүйцэтгэж байна. Бид бэлтгэх боломжийг хүмүүст олгож байгаа, учир нь шинэ хүчтэй энергийг хүлээж авахад биеийн бэлтгэл шаардлагатай. Тиймээ, Бүтээгч илүү хүчтэйгээр дэлхийнхний амьдралд оролцохоор шийдсэн. Энергийн түвшинд энэ нь иймэрхүү байдлаар харагдана. Та нар энергийн цэнэг-хөнгөн муриганасан цахилгааныг харж байна гэж бодъё, энэ бол одоо та нар руу урсаж буй энерги. Харин одоо энэ нь сулхан гялсхийх гэрэл биш, харин бүтэн Урсгал, та нарыг цэвэрлэж ариусгаж буй Урсгал, өөрийн хүчээр Харанхуйг уусгаж чадах хүчирхэг Гэрэл гэж төсөөлөөд үз дээ. Та нар бол Гэрэл юм, та нарын гэрлэн бие гэрэлтэй, тиймээс энэ Урсгал руу ороод та нар илүү хүчтэй Гэрэл цацруулж, гэрэлтэх болно. Харин та нарын гэрлэн бие  бохирдсон бол энэ Урсгал ариусгах үйлчилгээ үзүүлнэ, гэхдээ энэ их хүчтэй Урсгалыг бохирдсон бодгалийн биологийн масс тэсвэрлэж чадахгүй, учир нь та нарын дотоод Гэрэл бидэнд тусламж дэмжлэг, харин та нарт бол хамгаалалт болдог. Би танай он тооллоор бол сүүлийн хоёр мянган жил Саваоф Дэлхийг удирдаж байгаа гэж урьд нь хэлсэн. Тэрээр, хуучирсан энергийг ирээдүйн энергиэр сольж байна. Энэ нь хөнгөн үйл явц биш, учир нь эрт дээр цагаас хүмүүсийн хувьд өөр өөр Бүтээгч Бурхадууд байсан. Энд би, биед өгч амьдруулах амин сүнсний энергийг салган тусгаарлах тухай ярьж байна. Бүтээгч нар энерги буюу өөрийн хэсгийг хөгжүүлж, салангид оршин байлгахын тулд өөрөөсөө таслан тусгаарлах боломжтой байдаг. Энэ Дэлхий дээр туршилт явагдаж байгаа, энд олон ертөнцүүдийн төлөөлөгчид цугларсан байгаа гэж би урьд нь ярьж байсан. Дэлхийн хүнийг бүтээж, сайжруулахад олон системүүд өөрийн хувь нэмрээ оруулсан. Энд ажилласан маш олон тооны оддын системүүдийг би дурьдаж байсан. Ийм ч учраас танай ертөнцийнхөн олон янз, олон ард түмэн өөрийн хэвшил, ёс горим, уламжлалт зан заншлаараа хоорондоо ялгагдаж байдаг, учир нь тэд янз бүрийн ертөнцүүдээс энд ирж дэлхийн амьдралд дасан зохицсон. Эхлээд ямар ч мөргөлдөөн, сөргөлдөөн, дайн өдөөгдөж байгаагүй, учир нь газар нутаг хангалттай байсан, эвдрэлийн шалтгаан байгаагүй. Гэвч сүүлийн мянгануудад байдал муудаж байна. Зэвсгийн шинэ төрлүүд нь зөвхөн нэг ард түмэнд ч биш, харин Эх Дэлхийд ч аюул учруулж байна. Бүтээгч үүнийг зөвшөөрөхгүй, учир нь Тэр энэ гаригийг хариуцдаг, Өөрийн хүүхдийг хариуцдаг. Зөвхөн шашны үзлээ нэгтгэснээр л Дэлхийг сөнөөж чадах эвдрэлцэл, түрэмгийлэл, дайнаас хамгаалж чадна. Тийм ч учраас энергийн Урсгалыг өөрчлөх Бүтээгчийн шийдвэр хэрэгжиж байна. Энэ бол хүн төрөлхтний ихэнх нь амиа алдсан Усан галав биш. Үгүй! Өөрийгөө алгуурхнаар цэвэрлэж, шинэ энергийг хүлээн авах боломж хүн бүрт бий. Сонсож, зөвөөр ойлгох боломж хүн бүрт бий. Хуучирсныг шинэчлэх цаг нь болсон гэдэгтэй санал нэгдэцгээ. Үйл явц маш алгуурхнаар явагдаж байгаа нь энэрэнгүй юм гэдгийг зөвшөөрцгөө. Тиймээс гэгээн сэтгэлтнүүдийн тусламж бидэнд хэрэгтэй.
  Гэрэл тээгч та бүхэн ертөнцийг өөрчлөх шинэ энергийн, шинэ Гэрэлийн анхны голомт нэгэнт болсон шүү.
  Бид та бүхэнд итгэж байна!
                                                                                          Ерөөлөөр болох болтугай!
                                                                                          Христос
                                                                                          2001.08.13

  

Лептоны талбай-энэ бол энергийн атомууд, эгэл хэсгүүдийн нэгдэл юм. Атомууд холбогдож тусгай гинж үүсгэх бөгөөд бодол энэ гинжээр яг л урсагч туузаар урсаж байгаа мэт хөдөлдөг. Энэ нь хүний бодол-цэнэгийн хөдөлгөөн бөгөөд шууд байндаа хүрдэг сумтай зүйрлэж болно, учир нь бодол, цэнэглэгдсэн атомуудын талбайд орж, эмх цэгцтэй гинжээр хөдөлдөг. Ийм учраас хүний бодол байндаа маш түргэн хүрдэг. Лептоны талбайгаар дамжиж бидний харилцаа явагддаг. Энэ бол бодлын түвшин дэх харилцаа, телепати харилцаа гэж та нар үүнийг нэрлэдэг. Үүнийг ойлгож хүлээн авахын тулд үл харагдах энергийн ертөнцийг ойлгож хүлээн авах шаардлагатай. Бид хүний биеийг тойроод талбай (гэрлэн бие) буюу Оюун санааны бүрхэвч байдаг гэж хэлж байсан, учир нь Оюун санаа бол үхэшгүй мөнхийн зүйл бөгөөд энэ талбайг үүсгэж байдаг. Талбай бол Оюун санааны шилжмэл бодит мөн чанар, түүний илэрхийлэл, энэ ертөнцөд ирэхдээ Оюун санаа өөртөө авч ирдэг, түүний гол шинж чанар болдог зүйл юм. Энергийн ертөнцийн үзлээр бол ингэж харагдана: Хүн, түүний биологийн бие энергийн бүрхүүл дотор оршино. Энэ бүрхүүл дотор хүний бодол-атомуудын эгэл хэсгүүдийн хөдөлгөөн тодорхой чиглэлд явагдаж, хүний байдлаас хамааран талбай янз бүрийн хэлбэр, өнгө, өнгөний цэвэр байдал, цацралттай байдаг. Талбай жижиг, бараан байх тусам биологийн биеийн үзүүлэлтүүд болон оюунлиг түвшин доогуур байна, учир нь энэ үзүүлэлтүүд юуны түрүүнд харилцан хамааралтай байдаг. Талбайн үзүүлэлтүүд Гэрэл цацруулах буюу цэвэр тод өнгөтэй байвал бие махбодийн ажиллагаа хэвийн явагддаг. Талбайн өнгө нь мөн оюунлиг түвшин, түүний хөгжил, доройтол мөхлийн үзүүлэлт болдог. Талбай гэрэлтэхгүй, тэр байтугай өнгөгүй байх нь Бүтээгчийн энергиэс тасарсны шинж юм. Тийм хүмүүст тусламж хэрэгтэй, учир нь тэд бие дааж талбайгаа  сэргээн тэнцвэржүүлж, сэтгэхүйгээ хянаж чаддаггүй. Энэ бол Бүтээгчийг үгүйсгэх замыг сонгож, үүгээрээ Гэрэл агуулагч Бурханы Эх Үүсвэрээс өөрийгөө үргэлж тасалж байдаг хүмүүс юм. Одоо миний ярьж байгаа зүйл бол бидний харилцаа яаж явагддагийг тайлбарлахын тухайд юм. Бидний харилцаа юуны түрүүнд та нарын бодлыг бидэнд дамжуулдаг дамжуулагч-лептонуудаас тогтсон талбайгаар чинь дамжин явагддаг. Энэ талбай бүх Орчлонт ертөнцтэй нэгдмэл, энергийн хуулиудыг мэддэг хэн боловч орчлонт ертөнц дэх дурын бодгальтай чухамхүү энэ талбайгаар дамжин харьцаж чадна. Бодол энэ талбайгаар, та нарын хувьд төсөөлөхийн аргагүй их хурдаар дамждаг, учир нь та нар энерги болон түүний үйлдлийг одоогоор мэдэхгүй байгаа. Хэрвээ би энэ тухай яривал та нарт бодит бус, ойлгомжгүй санагдах болно. Гэвч гажуудсан байдлаар та нарт хүрсэн олон ойлголтууд бий. Та нар мэдэхгүйгээсээ болж хүлээж авдаггүй олон зүйл байна. Мөн Сансар ертөнц болон энергийн ертөнцийн зүгээс та бүхэнд тайлбарлахыг хүсч буй олон зүйл байна. Миний ярьж байгаа зүйлийг өөрсдийн материаллаг шаардлагын дагуу байж болох уу үгүй юү гэж хэмжихийн хэрэггүй. Тэр зөв хэлэв үү үгүй юү? Зөв биш ч байж болно, утга учир нь үүнд байгаа юм биш. Утга учир нь юунд байна вэ гэхээр та нарт үл харагдах энергийн ертөнц байдаг гэдэгт л байна. Энэ түвшинд өөрийн Хууль, дүрмүүд оршиж, одоохондоо та нарын мэдэхгүй энерги, хүч үйлчилж байдаг. Энергийн ертөнцийн түвшнээс авч үзвэл бодлоороо харьцах нь хэвийн зүйл бөгөөд хэнд ч гайхмаар биш, учир нь бид бүгд ингэж харьцдаг. Бид алган дээр байгаа мэт бие биедээ илхэн байдаг. Бидний ертөнц бол Гэрэл, Гэрэлтэгч нарын ертөнц юм. Тиймээ, бидний биед биологийн бүтэц байхгүй, бид Бүтээгчийн Гэрэлээс бүтсэн байдаг. Бид Түүний энергиэр амьдарч ажилладаг, Түүний Хайр, Цэцэн билэг бидэнд нэвт шингэсэн байдаг. Бидэнд түрэмгийлэл, хорсол, атаархал болон бусад муу мэдрэмжүүд байдаггүй. Бид Бүтээгчийн шийдвэр бүхнийг биелүүлдэг, учир нь бид Түүний Урсгалд оршин байгаа. Бид бол Бүтээгчийн Зиндааныхан, бид ертөнцүүдэд шударга ёс, эмх цэгцийг сэргээж байдаг, танай ертөнцөд Хайр, Яруу Зохиролын Урсгалыг авчрахаар тэмүүлж байна. Бид үүнийг хичээнгүйлэн хийж байна, учир нь эсрэг талын хүчнүүд зүүрмэглээгүй байна. Гэвч хийхээр төлөвлөсөн бүхэн бүтнэ гэдэгтээ итгэлтэй байна.
  Шинэ, шинэчлэгдсэн Дэлхий хүн төрөлхтний Алтан Үе рүү орох болно.
  Худал, хуучирсан бүхэн одож, Гэгээрэлийн Эрин ирэх болно.
                                                                                    Ерөөлөөр болох болтугай
                                                                                    Христос
                                                                                    2001.08.14

  

Хайр… Энэ үгийг хэлэхэд хүн бүхэнд уялдаа бодлууд үүсдэг, энэ бүх бодлууд амин сүнсний сэрэл мэдрэмжийг тусгасан байдаг. Хэн ч Хайр бол Бүтээгчийн агуу бэлэг гэдгийг үгүйсгэхгүй, учир нь энэ бол бидний Эцэгийн ялгагдах зарчим юм. Тиймээ, Бурхан бол Хайр. Гагцхүү энэ мэдрэмжээр дамжин бид Эцэгтээ ирэх ёстой. Жинхэнэ Хайр цаг хугацаанд захирагдахгүй, Түүнийг алж болохгүй, Дэлхийн хөрснөөс арчиж болохгүй, учир нь Дэлхий тэр чигээрээ Түүний Хайраар шингээстэй билээ. Амьдралын энерги нь амьд бүхнийг; өвс ногоог, хөвөн нисэх үүлсийг, энэ ертөнцөд өнөөдөр ирж буй хүүхдийг, энэ ертөнцөөс одоо буцаж буй хөгшдийг хайрлах Хайраар шингээгдсэн байдаг билээ. Дэлхий дээр амьдарч, оршин тогтнож буй бүхэнтэй амьдралын энерги-Бүтээгчийн Хайрын энерги хамт байдаг. Хамтран бүтээх үйл явц мөн энэ энергиэр дамжин явагддаг.
  Би Дэлхий дээрх амьдралын агуу илрэл Хайрын тухай, амьд бүхэнд амьдрал бэлэглэгч агуу мэдрэмжийн тухай ярьж байна. Гагцхүү Хайр, түүний дээд илрэл хүнийг хувьслын шатаар дээш өгсөхөд нь туслах чадвартай. Хүн хувь хүнийхээ хувьд, Оюун санаа болохынхоо хувьд энэ мэдрэмжгүйгээр өсөж хөгжих боломжгүй юм. Бидний ертөнц Гэрэлээр хэлхэгдэж, Бүтээгчийн Хайраар шингээгдсэн. Гэрэл тээгч бүхэн орчиндоо Хайрыг цацруулж байдаг. Тэдний хувьд амьдралын илрэл бүхэн хүндэтгэл хүлээж байдаг, учир нь өөрийн Хайрыг бэлэглэх нь баяр жаргал юм. Тэгээд хэнд гэдэг нь огт хамаагүй, чиний хүүхэд үү, биш үү гэдэг нь чухал биш. Та нар нэгдмэл, та нар амьдралын Нэгдсэн Урсгалд хамт байна, тийм учраас та нар дотно хүнээ “Дотны хүнээ өөр шигээ хайрла”, эсвэл “Хүн хүндээ найз, нөхөр ба ах нь” гэх мэт номлол дээр үндэслэж биш, харин өөрийн зүрхнээс гарч буй дотоод мэдрэмжээрээ мэдрэх ёстой. Та нар мэдрэмжээ хөгжүүлэх боломжтой. Тиймээ, мэдрэмж хөгждөг. Тэгээд Хайрыг өөртөө хөгжүүлж боловсруулах боломжтой. Хайр зөвхөн үүсэх нь бага зүйл юм. Үүсэх хязгаарыг тогтоож өргөжүүлэхийг хичээ. Миний тайлбарлахыг хүсч буй зүйл сайхан гэдэгт итгээрэй, учир нь өөрийгөө хөгжүүлж боловсруулах нь хэзээд боломжтой зүйл юм. Зураачдын хэлээр, өнгөний туяарлаар ярих юм бол Хайр дээд мэдрэмж мөний хувьд асар их цар хэмжээтэй. Зураач долоон өнгөнөөс олон өнгийг гаргаж болдог шиг та нар ч гэсэн өөрийн сэтгэлд янз бүрийн аялгууг сонсох боломжтой. Будгийн нийлүүр өргөн, цар хүрээ агуу, боловсрох хязгааргүй, учир нь бүхнийг, байгаа бүх л бие сэтгэлээрээ хайрлаж болно.
  Би та бүхэнд маш энгийн зүйлийг ярьж байна. Юуны тулд? гэж асууж болох юм. Бид үүнийг эртнээс мэднэ ш дээ. Тийм байж болох юм. Тэгвэл яагаад би та нарын гэрлэн биеэс цэвэр Хайрын туяарлыг олж харахгүй байна? Энэ нь ягаан өнгөтэй, ер бусын туяатай харагддаг. Энэ өнгө нь гэрэлтдэг бөгөөд Тэнгэрийн Хайраар шингээгдсэн хүмүүс бидэнд шууд харагддаг. Тэдний гэрлэн бие үлгэрийн юм шиг гоёхон байдаг. Тэд үнэндээ ертөнцийн Гэрэл бөгөөд учир нь тэд Хайрын Гэрэлийг орчиндоо цацруулж байдаг. Тэдний эс болгон энэ Гэрэлийг цацруулдаг. Өөрсдөө бодож олоогүй залбирлын үгийг битгий давтаж бай гэж та нараас хүсье. Би та бүхний зүрх, мэдрэмжийг сэрээхийг хүсч байна. Дээд мэдрэмж болох Хайр та бүхний амьдралд дадаж, та нар үнэхээр Хайрын Гэрэлийг зүрхэндээ тээсэн Гэрэл тээгчид болоорой гэж хүсье. Та нарын гэрлэн бие мөнгөлөг ягаавтар гэрлээр цацрах болтугай.
                                                                                                      Ерөөлөөр болог!
                                                                                                      Христос
                                                                                                      2001.08.15

  

Хүмүүс хоорондын ойлголцол нь хүн төрөлхтний нэгдэх тухай ойлголтон дээр үндэслэж явагдах ёстой. Та нар нэгдмэл, Нэгдмэл Урсгалд хамт байгаа, иймээс үндэсний болон шашны зааг ялгаа байх ёсгүй юм. Хүн бүр нэгдэх тухай бодох хэрэгтэй. Цусан төрлийн биш, харин оюунлиг нэгдлээр нэгдсэн ах, эгчийнхээ нүд рүү хар. Анхны уулзсан хүнд гараа сунгах, татгалзлаас бүрэн ангижрах хэзээд хэцүү байдаг. Гэхдээ энэ боломжтой зүйл. Дэлхийн оршин суугч та бүхэн бүгд өөрийн зорилго, даалгавартай. Та нар тодорхой ажил гүйцэтгэх гэж ирдэг. Гэхдээ заримынх нь хувьд энэ нь өөрийгөө боловсруулах ажил, харин заримынх нь хувьд дэлхий ертөнцийн төлөөх ажил юм. Зорилгогүй ирж, хэрэггүй төрнө гэж байдаггүй. Бүх юм өөрийн гэсэн утга учир, зорилго чиглэлтэй. Хүн бүр зорилгоо тодорхой төсөөлөн бодож, тэр байтугай харах хэрэгтэй. Тодорхой зорилго руу чиглэн замнах нь чиглэлээ байнга өөрчилж, таамгаар төөрөн явахаас хэзээд хялбар байдаг. Би та бүхэнд бидний зорилгыг тайлбарлахыг хүсч байна, та бүхэн тэр зорилгыг харж, түүн рүү тэмүүлээсэй гэж хүсч байна. Бидний зорилго бол та бүхнийг Алтан Үе рүү, Эх Дэлхийн шинэчлэл цэцэглэлтийн үед хүргэх явдал юм. Бид хуучирсан бүхнийг Шинэ Урсгалын шинэ энергиэр, ертөнцийг шинээр харах шинэ үзэл бодлоор солих замаар дэлхийнхний амьдралыг өөрчлөхийг хүсч байна. Бүх гажуудал, худал муу бүхэн Дэлхийгээс явах ёстой. Бүх ойлголтуудыг халах нь амар хэрэг биш, та нар өөрсдөө үүнийг ойлгож байгаа. Нэгэн агшинд хүмүүсийн ертөнцийг үзэх үзлийг өөрчилж болохгүй, гэвч Шинэ Үгээр дамжин шинэ энерги нэгэнт ирж байгаа. Энэ бол алгуур явагдах үйл явц. Ариусал шинэчлэл бас алгуурхнаар явагдана, гэхдээ зорилгодоо хүрэх тэмүүлэл та бүхэнд байх ёстой. Үүнгүйгээр сурч, ажиллах боломжгүй. Миний үгийг сонсож байгаа хүн бүр бидний зорилго-Хүн төрөлхтний Алтан Үеийг төсөөлөн бодоосой гэж хүсч байна. Итгээрэй нөхдөө, энэ үе ирнэ. Бидний хүссэн шиг түргэн биш ч, ирнэ. Би үүнийг харж байна, хүн төрөлхтөнд юу өгч байгаагаа мэдэж байна. Замдаа хамт гарахын тулд та бүхэн бодлоо бидний зорилго руу чиглүүлэх хэрэгтэй, учир нь ингэснээр зорилгоо ойртуулах болно. Өөрийгөө, мэдрэмж, сэтгэл хөдлөлөө эзэмдэж сурвал амьдралын Зохиролыг мэдэрч чадна. Зүй бус, хуурмаг бүхэн холдон одог. Та нар Бүтээгчийн хамгийн сайн бүтээл, үүнийгээ та нар мэдрэх болно, та нар Түүний нэгэн хэсэг, та нар бүхнийг чадна, учир нь та нар Гэрэл юм. Би та бүхнийг ийм л байдлаар хармаар байна. Та бүхэнд амин сүнсний тогтвортой тулгуур хэрэгтэй; болж байгаа, болох зүйлд итгэл, хүч өгөгч Оюун санааны гуйвшгүй багана хэрэгтэй.
  Би харилцан ойлголцлын тухай ярьж эхэлсэн, ингээд төгсгөе. Өөрийнхөө сайн чанарууд, мэдрэмжүүдийг хөгжүүлж боловсруулснаар бусдыг өөр шигээ ойлгодог болно. Өөртэйгөө ажиллах, бясалгал, залбирал-бясалгал хийх, урлан бүтээх ажлуудыг хийх шаардлагатай. Энэ бүхэн та нарыг хөгжүүлж, хувь хүн, Оюун санаа гэдгийг чинь ухааруулж байдаг.Үүнд тэмүүлцгээ! Ертөнцийг шинэчлэх хугацааг ойртуулан өөртэйгөө ажиллацгаа!
                                                                                          Ерөөлөөр болох болтугай!
                                                                                          Христос
                                                                                          2001.08.16

 

 Итгэл бол та нарын үндэс, амин сүнсний гуйвшгүй ноён нуруу юм. Итгэлгүйгээр бидний харилцаа туйлын төвөгтэй байх болно. Улайрсан сохор итгэл нь бүхнийг харж залхаан цээрлүүлэгч Бурханд шийтгүүлэхээс айсан айдас дээр ихэвчлэн суурилж байдаг. Харин миний хүсч буй итгэл бол зөвхөн Хайр, бидний харилцан ойлголцол дээр үндэслэх болно. Энэ бол зүрхний чинь хамгийн сайн мэдрэмжүүдээр дамжин гарах итгэл юм. Бид шинэ энергиэр дамжуулж өөрчлөлт авчрахыг хүсч байгаа гэдгийг би ярьсан. Үүнийг хийхийн тулд өөртэйгөө ажиллах шаардлагатай. Юуны түрүүнд бодол санаатайгаа ажилласнаар гэрлэн бие чинь дээд зэргээр ариусмагцаа гэрэлтэж, орон зайг цэвэршүүлж эхлэх болно. Би урьд нь энэ тухай ярьсан . Энд итгэл ямар хамаатай юм бэ? Тэгвэл итгэл нь гол нөхцөл бөгөөд үүнгүйгээр цэвэрлэгээ явагдах боломжгүй юм. Бидний Эцэгт итгэхгүйгээр бидэнтэй Нэгдмэл Урсгалд холбогдох боломжгүй бөгөөд холбогдох гол утга учир нь сэтгэл зүрхнээс гарч буй үнэн итгэл дээр суурилж байдаг. Итгэл бол бидний үндэс суурь юм. Бид Эцэгтээ итгэдэг, Түүний үйл хэрэг нь бүх ертөнцүүд, Орчлонт ертөнцийн сайн сайхны төлөө чиглэж байдагт итгэдэг. Бид та нарт ч итгэж байна. Та нарын сайхан бүхэн илрэн гарч, бид хамтдаа ертөнцөд гэгээрлийг авчирна, бид Хайран дээр тогтсон итгэлээр бүхнийг хийж чадна гэдэгт итгэж байна. Зүрхний минь мэдрэмжээр та нар намайг удахгүй танина гэдэгт итгэлтэй байна. Гэхдээ зүрхэнд чинь хэрэв итгэл үгүй бол яаж бий болгох вэ? Түүний эх булаг хаана байна? Итгэл бол Бүтээгчийг мэдрэх дотоод мэдрэмж бөгөөд баталгаа шаарддаггүй, учир нь энэ бол амин сүнсний дотоод агууламж, ой санамжаар дамжиж ирдэг. Энэ ой санамж та нарын хувьд хаалттай, харин зөн билгийн түвшинд, зүрхний түвшинд сэрэл мэдрэмж үлдсэн байдаг. Энэ мэдрэмжүүд та нартай хамт байгаа, тэдэнд хандахыг ч би зөвлөж байна. Өөртөө, өөрийнхөө дээд “Би”-д ханд. Үнэн хаана байна? Дотоодод минь юу байна? Гэрэл гэж юу юм бэ? Би хэн юм бэ гэж асуу. Бясалгал, залбирал –бясалгалаар дамжин тавьсан асуултуудын чинь хариу ирнэ. Энэ хариултууд үнэн итгэл чинь хэр зэрэг хэмжээтэй, хэр зэрэг гүн гүнзгий, хэр зэрэг чин сэтгэлийн болохыг харуулна. Тиймээ, өөрийгөө таниснаар жинхэнэ итгэлийг танин мэдэж болно. Оюун санааны чинь агууламж нээгдэж, ирж буй хариултаар дамжин гол утга учир чинь илрэх болно. Хамгаас бат бөх үндэс- үнэн итгэл тань амин сүнсний ой санамжаар дамжин сэргэх үед бүх айдас үгүй болно. Та нарын итгэл бүх асуултуудад чинь гол зөвлөгч байх болно. Өөрийн эргэлзээ, түгшүүр зовнилыг итгэл рүүгээ хандуул. Итгэл та нарыг тайвшруулж, амин сүнсийг чинь өөрчилснөөр амар амгалан ирж, болж байгаа зүйлийг зөв дүгнэдэг болно. Тиймээ, жинхэнэ итгэл бол амин сүнсний чинь хүч, түшиг тулгуур юм. Харин ертөнцийг зөв ойлгож, олон зууны туршид үүссэн гажуудлууд, хөндлөнгийн зүйлсийг зайлуулсны дараа та бүхэн Бүтээгчийн Гэрэлийг харж чадна. Энэ Гэрэл итгэлээр чинь дамжиж, бодитоор мэдрэгдэх болно. Хүн өөрийн амьдрал, ирсэн зорилго, үүрэг даалгаврынхаа тухай бодлогоширч эхлэх тэр үеэс л итгэл үүсч эхэлнэ. Хүн, бүхнийг зөв харьцуулж үзсэнээр Ертөнц, Дэлхийг бүтээгч Бурханд итгэнэ. Хүн энэ ухаарлын үедээ Бүтээгчийн жинхэнэ Урсгалд нэгдэх хэрэгтэй. Өөрийн үнэн итгэлийг нүглээ үргэлж наманчилдаг сохор шүтлэг болгож   хувиргахгүй байх нь маш чухал. Энэ бол дээшлэх зам биш, харин нэг газраа эргэлдэж байгаа хэрэг юм. Бүтээгч ч үүнийг хүсэхгүй. Тэр, бидний хооронд зүрхний нандин мэдрэмж үүсэхийг л хүсч байгаа. Энэ бол бидний зам, хөгжил хувьслын зам, учир нь амьд бүхэн хөгжиж боловсрох боломжтой байдаг. Би та бүхнийг үүнд уриалж байна. Бурханаас бэлэглэсэн өдөр бүхнийг үнэлж бай. Шинэ өдрөө эхлэхдээ итгэл Хайраараа дамжуулж баяр талархлаа илэрхийлж бай. Баяр баясгалантай, яруу зохиролтой байцгаа. Итгэл та нарт амар тайван, хүч, төлөвшлийг өгөх дотнын найз чинь болог. Та нарын мэдрэмж, ертөнцийг ойлгох ойлголтууд итгэлээр чинь дамжин ирэг. Биднийг амьд, мэдрэмжийн Нэгдсэн Урсгалд бид нэгдмэл гэдэгт итгээрэй. Бид та нарт хайртай, бид бодит хүч!
                                                                                         Ерөөлөөр болох болтугай!
                                                                                         Христос
                                                                                         2001.08.20

  

Амар тайвныг хүсье! Энэ мэндчилгээ нь сэтгэлд амар тайвныг тогтоох, дээд долгионыг үүсгэхэд чиглэсэн байдаг, учир нь оюунлиг хүрээний элч нарын тогтоохоор ирсэн зарчим нь энх тайван, Яруу Зохирол юм.Тиймээс “Амар тайвныг хүсье” гэсэн мэндчилгээ нь та нарын ялгагдах шинж болж болно, учир нь тэрээр та нарын сэтгэлд, мөн бүх ертөнцөд амар тайвныг тогтооход чиглэсэн байдаг.
  Мир (ертөнц, амар тайван)-энэ нь хангалттай багтаамжтай үг бөгөөд олон утгыг агуулдаг: энэ үг та бүхний амьдарч буй газрыг, мөн хүмүүсийн хоорондын амар тайван, сайн сайхан сэтгэлийн харьцааг илэрхийлдэг. Өөрийн дээд мэдрэмжүүдээ гаргаж илэрхийлэхийг хүсдэг хүн гарцаагүй сайхан сэтгэлтэй, эелдэг зантай байдаг. Сайн санаатай хүний сэтгэлийн импульс, зүрхий цохилт бүр нь түүний мэндчилгээнд ихэвчлэн шингэсэн байдаг. Сайхан сэтгэлтэй байхаас бүү айцгаа. “Амар тайвныг хүсье!” мэндчилгээ нь зөвхөн мэндчилгээний үгсийг хэлэх ч биш, харин тэр үгнүүддээ зүрхнийхээ сайхан бүхнийг шингээхэд тусалдаг. Ийм маягаар мэндчилснээр та бүхэн энэ ертөнцөд Гэрэлийг эргэлзээгүйгээр тээж яваа бөгөөд учир нь зөвхөн Гэрэл тээгч нар л ил шулуун ярьж чадна.
  Энэ ертөнц та нарын өмнө баялаг төрхөөрөө харагдаж байна: цэвэр амгалан тэнгэр, гэрэлт наран, үржил шимт хөрс-энэ бүхэн Бүтээгчийн хүмүүст өгсөн бэлэг. Та бүхэн бол ертөнцийн Гэрэл, та бүхэн өөрсдийн ариуссан гэрлэн бие болон сайхан бодлуудаараа дамжуулж, Бүтээгчийн шинэ энергийг энэ ертөнцөд авчрах хүмүүс шүү!
  Та бүхний сэтгэл амар тайван байг!
  Дэлхий дээр амар амгалан байг!
                                                                                       Ерөөлөөр болох болтугай!
                                                                                       Христос
                                                                                       2002.06.20

 

 Ариусал. Би та бүхнийг үүнд уриалж байсан, одоо ч уриалж байна. Тэгвэл үүгээрээ би юу хэлж байна вэ? Та нарыг юунд уриалж байна вэ? Юуны түрүүнд өөртэйгөө ажиллахыг уриалж байна. Энэ юу гэсэн үг вэ? Энэ нь сэтгэлдээ олж тогтоосон ойлголтуудыг дээд шалгуураар авч үзэх гэсэн үг юм. Та нарын гүний ой санамж чинь бясалгал, залбирал-бясалгалаар сэрж, алгуурхнаар нээгдэх болно. Тэр үед та нар өөрсдийн Замыг ухамсартайгаар сонгож эхэлнэ. Таны зорилго, амьдралын чинь зорилго нээгдэж тодорхой болно. Өөрийнхөө Оюун санааг ухамсарлах агшин ирнэ. Ингэж эрүүл саруулаар ухамсарлах үед таны ойлголт, үнэлэлт дүгнэлтүүд цэгцэрч ирдэг. Эндээс л ариусах явц эхэлнэ. Өөрийн дотоодыг ариусгахыг хичээцгээ; чухал ойлголтууд, чиглүүлэгч чинь юу болохыг тогтоохыг оролд: энэ үед таны хувьд юу хамгийн чухал нь вэ, юунд тэмүүлж байна, юуг хүсч байна вэ гэдгээ тогтоо.  Ажлын эхний үе шат нь өөрийн амин сүнс, өөрийн дээд “Би”-тэй харьцаж сурах явдал юм. Амин сүнсэндээ илрэн гарах боломжийг өг, үүнд саад болж байгаа хаалтыг авч хая. Амин сүнс чинь нээгдэж, илрэн гарах болно. Хүн бүхэн харьцаанд, ингэхдээ юуны түрүүнд Бурханы нэгэн хэсэг, өөрийн үхэшгүй мөнхийн хэсэгтэй харьцах харьцаанд суралцаж чадна. Гагцхүү дотоод мөн чанар чинь Бурхан руу очих замыг зааж өгнө. Өөрийн цэвэр тунгалаг амин сүнстэй харьцаж сурснаар зөн билгийн түвшинд зөвлөгөөг нь сонсож ойлгодог болно. Амин сүнс их зүйлийг мэддэг, санаж байдаг, та нарыг их юманд сургаж чадна. Гэвч та нар түүнийг өөртэйгөө нэг, нэгдмэл гэдгийг мэдэрдэггүй. Та нар амин сүнснийхээ  өнгөрсөн үеийн бүх агууламж, Бурхантай холбогдсон холбоогоо үгүйсгэхийг оролдож, харин Гэрэл тээгч амин сүнс чинь та нарын эрхэнд, олзонд байна; та нарын мэдрэмж, сэтгэл хөдлөл, муу илрэл бүхний чинь олзонд байна. Иймээс амин сүнс чинь илрэн гарч чадахгүй байна, учир нь та нар хэнд ч хэрэггүй шинэ шинэ хаалт саадуудыг тавьж байдаг. Та нарын жинхэнэ мөн чанар –амин сүнс чинь чөлөөлөгдөж, Гэрэлээ цацруулахыг хүсч байгаад итгээрэй. Тэгээд энэ Гэрэл та нарыг Бурханд хүргэх жинхэнэ замыг заах бамбар болно. Та нар энд үүний л тулд ирсэн. Үр тариаг хогийн ургамлаас ялгаж сурах нь юуны түрүүнд амин сүнсэнд чинь хэрэгтэй, учир нь олж хураасан бүхэн чинь түүнтэй хамт үлддэг. Хүний нийгмийн үндсэн ойлголтуудын шалгуурыг олж тогтоох нь ариусах боломжийг өгдөг. Энэ бүхэн амин сүнсэнд чинь анхнаасаа суусан байдаг, харин та нар тавьсан хэрэггүй хаалтуудаа авч хаяж, өөрийн мөн чанарыг олзноос нь алгуурхнаар чөлөөлөхөд л болно. Өөртэйгөө ажиллах хязгаараа тогтоох хэрэгтэй, бидэнтэй холбогдох нь үүнд тусална. Ариусах залбирлыг бид үргэлж дэмжиж байдаг. Амин сүнсий цэвэр Гэрэлд хүрэх замаа цэвэрлэхэд чинь бид тусалж чадна, харин үүнд та нарын залбирал-бясалгал хэрэгтэй шүү. Өөртэйгөө ажиллаж эхэл. Дээд ойлголтууд, хэмжүүр шалгуурууд, энэ бүхэнтэй уялдаатай үйлдлүүдээ эргэн харж, таньж мэдэхийг хичээ. Хийсэн үйлдлүүд чинь энэ шалгуурт тэнцэж байна уу? Таны тэмүүлэл амин сүнсний чинь тэмүүлэлтэй нийцэж байна уу? Өөрийнхөө тухай, амьдралынхаа тухай, туулж өнгөрүүлсэн нөхцөл байдлуудынхаа тухай эргэцүүлэн бодоорой. Юунаас ангижрах хэрэгтэй байна? Олдмол хуурмаг зүйлсүүд юу байна вэ?  Амин сүнсээ нээн гаргахад чинь юу саад болж байна? Одоогийн энэ шатанд та нарын даалгавар бол өөрийгөө ойлгох, өөрийнхөө Бурханлаг хэсэг-амин сүнстэй харьцаж эхлэх, Бурханы дээд шинжээрээ илрэн гарахад нь саад болж буй хэрэггүй хаалтыг авч хаяж амин сүнсэндээ туслах энэ бүхэн юм. Та нарын энерги, энергийн бүх төвүүдээр чинь саадгүй дайран өнгөрч, бидэнтэй хэлхээгээр холбогдоод, буцаж та нарт очих ёстой. Энергийн ийм солилцлын үед ариусах боломжтой байдаг. Бидэнтэй холбогдохыг хичээ!  Бидэнтэй нэг Урсгалд орохыг тэмүүл! Амин сүнсээ нээж илрүүлэхэд тэмүүл! Түүнийг олзноос нь чөлөөл! Тэр үүнийг хүсч байгаа, энэ ч боломжтой юм. Өөрийн бодол, сэтгэл санааг цэвэрлэх ажлыг шууд одоо эхэл. Та нарын мэрийлт дэмий өнгөрөхгүй, мэрийлт чинь та нарыг бидний Эцэг Бурхан руу авчрах болно. Бид та нарыг, та нарын дуудлагыг хүлээж байна. Тэгээд бид та нарт туслахыг хүсч байна. Та нарыг нээгдэж, ариун зүрхнээсээ  гайхамшигт Гэрэлээ цацруулахад чинь тусалмаар байна.
                                                                                       Ерөөлөөр болох болтугай!
                                                                                       Христос
                                                                                       2001.08.27

  

Ертөнцийг танин мэдэх нь хүүхдийн төрсөн мөчөөс эхэлнэ. Хүүхэд энэ ертөнцөд ирэхдээ амин сүнс нь урьдын бүх төрөл авалтуудын хурааж цуглуулсан баялгийг агуулж байдаг, гэвч амин сүнс бүхнийг цэвэр хуудаснаас эхэлж байгаа мэт эхнээс нь эхэлдэг. Үүний ч тулд өнгөрсний ой санамж нь хаалттай байдаг, царцуу байдаг ч гэж хэлж болно. Тийм ч учраас үүнийг мэдэрч чадах боломж, авъяастай хүн л ярьж байгааг минь ойлгоно. Гэсэн ч бид бусад ертөнцүүдтэй, олон системийн төлөөлөгч нартай яаж харьцах вэ? Яаж бие, биетэйгээ зөв харьцаж сурах вэ? –Юуны түрүүнд мэдлэгт тэмүүлэх тэмүүллээр дамжих ёстой. Та нар энэ ертөнцөө танин мэдсэнээр үр тариаг хогийн ургамлаас ялгаж сурна, мэдлэгээр дамжуулан өөр системийн дээд элч нарын үнэт зүйлсийг ялгаж чаддаг болно. Гэхдээ харилцан солилцоо нь хэзээд адил тэгш байх ёстой. Хэрвээ нэг тал нь хуримтлуулсан туршлага бүхнээ өгөхийг хичээж, харин нөгөө тал нь өгөх, хуваалцахыг хүсэхгүй байвал та нарын өмнө нуух юмтай системийн төлөөлөгч байна гэсэн үг юм. Тэд Орчлонт ертөнц, бүхий л ертөнц, хүн төрөлхтний сайн сайхны төлөө биш гэдэг нь эндээс харагдаж байна. Бас нэг хувилбар бий, дээрхтэй ижил системийн төлөөлөгч, гэхдээ нээлттэй мэт боловч тэд өөрсдийн биш гоё сайхан үгээр ярьдаг. Энд учрыг олоход хэцүү, учир нь тэд бол ижил тэнцүү энергийн харилцаанд оролцохыг хүсэхгүй, харин янз бүрийн арга, заль мэхийн тусламжтайгаар халхавчлагдахыг хүссэн илүү туршлагатай, нуугдмал системийн төлөөлөгчид юм. Ийм “Хонины арьс нөмөрсөн чоно”-ыг та нар олонтаа хардаг. Гэхдээ энэ баг мөнхийн байж чадахгүй, учир нь чонын жинхэнэ дүр заавал илэрдэг. Чоно өвсөөр хооллодоггүй, тэд сэг зэмийг хүртэл иддэг махчин амьтад. Та нар зөн билэг, мэдрэмж, ажиглалтаараа тэднийг гарцаагүй мэдэх болно. Ертөнцийг ухааралтайгаар ажиглацгаа. Ертөнцийг танин мэдэхийг эрмэлз. Гоё сайхан үгс, уриа лоозонгийн доор юу нуугдаж байгааг олж харж сурцгаа. Өдөр болгоны үйлдлүүд чинь, та нарт мэдлэг өгч байгаа хүний жинхэнэ мөн чанарыг танин мэдэхэд тусална. Таны зүрх өөр бусад хүмүүсийн долгионыг барьж авах чадвартай байдаг. Та нар үл харагдах зүйлсийг танин мэдэх мэдлэгт суралцаж чадна. Би үүнийг ярихдаа та нарыг үнэн, үнэний ойлголтоос холдуулахыг хүсэгч Сүнснүүдтэй эргэцүүлэн бодолгүй, хөнгөмсгөөр харьцах вий гэж урьдчилан хамгаалах гэсэн юм. Ярилцагч чинь хэр зэрэг чин сэтгэлээсээ ярьж байгаа нь дүгнэлт өгөх гол шалгуур болно. Гэхдээ гол нь түүний үгэнд Бурханд итгэх үнэн итгэл мэдрэгдэж байна уу? Энэ асуултанд та үгүй гэж хариулж байгаа бол ямар ертөнцийн төлөөлөгчтэй харьцаж байна вэ, цэвэр ариун сэдэлтэйгээр тэд ирсэн үү гэдэг талаар бодож үзэх хэрэгтэй. Хэрвээ та нар ертөнцийг танин мэдэхээр жинхэнээсээ тэмүүлж байвал бусад системийн төлөөлөгчдийг алсдаа зөв тодорхойлж чаддаг болно. Би Дэлхий дээр хүний ухамсарт нөлөөлдөг зэвсэг бий гэдгийг хэлж байна. Ийм ажил эрхэлдэг хүрээлэнгүүдийг, тэд ямар системийнх гэдгийг ч бид мэднэ, бид тэдний сөрөг үйлдлийг хазаарлахыг аль болохоор хичээдэг. Гэхдээ та нарыг айлгаж сандаргаж, тэр байтугай аюул зовлонд учруулах гэсэн тэдний гол зорилго бүтэхгүй гэдэгт итгээрэй. Гэрэл тээгч бүхэн хэзээд зэвсэггүй байсан, гэхдээ тэднээс цацрагч Гэрэл дэлхийнхний ой дурсамжинд үлдсэн, учир нь тэд Бүтээгчийн жинхэнэ элч нар юм, Бүтээгчийн энерги энд хүчтэй байдаг. Өөрийн Бурханаар шулмасыг (Сатана) тооцож, түүнийг ертөнцийн Ноён хэмээн нэрлэгчдэд бүү итгэцгээ. Тийм биш! Энэ тухай бид дахин ярилцана. Ямар ч хүчнээс бүү ай, учир нь та нартай байгаа хүч бол Бүтээгчийн энерги гэдгийг хэлэхийг хүсч байна. Энэ энерги та нарын хамгаалалт, үнэн итгэгч хүн бүрийн хамгаалалт шүү. Бүтээгчийн энерги энд ямар ч хүчгүй гэж хэлж байгаа бол тэр нөмөрсөн хонины арьсаа хуулан авч байгаа нь тэр, тэгээд та нар ямар ертөнцийн хэн болохыг нь харж чадна.
  Үнэн итгэл, мэдрэмж чинь та бүхний хамгаалалт болох болтугай гэж хүсье. Ертөнцүүдийн төлөөлөгч нар бүгд сайхан зорилготой энд цуглараагүй гэдэгт итгээрэй. Нэр алдарт тэмүүлэх, эрх мэдэл, материаллаг баялгийг булаан авах гэсэн асуудлууд л тэдний сэтгэлийг зовоож байдаг. Ийм ч учраас би Иудейн хаан болох боломжоос татгалзсан. Миний зорилго өөр байсан. Миний хаанчлал материаллаг ертөнцөд биш, харин энергийн ертөнцөд. Эрх мэдэл, бусад үнэт зүйлсэд би тэмүүлээгүй, харин байгаа бүхнээ бусдад өгөхийг хүссэн. Би байгаа бүхнээ өгсөн, миний жинхэнэ баялаг-Эцэгээ хайрласан Хайр, итгэлээр минь дамжиж надад ирсэн мэдлэг бол байгаа бүхэн минь байсан. Ийм ч учраас би та нарыг ертөнцийг танин мэдэхэд тэмүүл, мэдлэгт тэмүүл гэж уриалж байна. Хүн төрөлхтний цуглуулж хураасан бүхнийг та нар хүлээж авах боломжтой. Тэгээд энэ нь та нарын жинхэнэ баялаг, амин сүнсний чинь баялаг байх болно. Та нарыг хөгжүүлэх, боломж чадвараа дээшлүүлж боловсруулахад хэрэгтэй бүхнийг хүлээн авах ёстой. Үргэлж баяр баясгалантай байж, бие биедээ сайн сайхныг хүсч бай. Мэдлэгээс бүү айцгаа, та нар түүний төлөө л энд байгаа. Би та бүхэнд төрөл бүрийн асуудлаар зөвхөн мэдээлэл өгнө гэж бодох хэрэггүй. Юуны түрүүнд би та нарыг бие даан бодож сургах, амьдралд туслах олон асуудлаа шийдвэрлэхэд чинь туслах үнэлгээ, хэмжүүрийг өгөхийг хүсч байна. Багш гэдэг бол өөрийн шавь нараа өсөж хөгжихийг хүсдэг, өөрийн сургаалийн үр дүнг үзэхийг хүсдэг тэр хүн гэдэгт итгээрэй. Энэ үр дүн нь та нарын зөв сэтгэхүй, ертөнцийг зөвөөр хүлээн авах, бидний хамтдаа алхахыг хүсч буй тэр замыг зөв сонгож авах энэ бүхнээс тогтоно. Миний бүх хүсэл илгээлтүүдэд минь шингэсэн байгаа.
  Та бүхэн миний мөн чанар, миний хүслийг илрүүлэн гаргаж ирнэ гэдэгт би итгэж байна.
                                                                                 Ерөөлөөр болох болтугай!
                                                                                 Христос багш
                                                                                 2001.09.03

  

Бид энд юуны түрүүнд хүмүүсийн ухамсарт өөрчлөлт авчрахыг хүсч байна гэдгийг би ярьж байсан. Тэгээд Дэлхий дээр олон шашин байх ёсгүй, учир нь шашны суурин дээр гол сөргөлдөөн явагддаг гэж ярьсан. Одоо Дэлхийг удирдаж, шинэчлэх энергийг өгч буй бидний Эцэгт итгэх нэгдмэл итгэл нь олон асуудал, сөргөлдөөнийг шийдвэрлэж чадна. Энэ нь анхнаасаа нэгдэх үзлээр хүмүүжсэн шинэ үеийнхний шинэ ухамсраар дамжин ирэх болно. Одоохондоо бид зөвхөн хүн төрөлхтний ирээдүйн гэгээн эриний тухай зөгнөн хэлж байна. Энэ үед амьдарч байгаа хүмүүс та нар бидний төлөвлөсөн бүхнийг бодол, үйлээрээ ойртуулах чадвартай шүү. Цаг нь ирлээ. Цаг боллоо. Ажлаа эхлэх хэрэгтэй байна. Энэ бол хүнд ажил. Өгөршсөн хуучин барилгыг нурааж, хогийг нь цэвэрлэлгүйгээр шинэ байшин барьж болдоггүй, үүнтэй л ижилхэн юм. Тэгээд энэ суурин дээр Дэлхийн шинэ шашны шинэ барилгыг барих ёстой. Бүх хүн төрөлхтөн, ариун сэтгэлтнүүдийн нэгдэл дээр суурилсан энэ шашныг бий болгоход та нарын хөрөнгө, авилга, сүмийн олон лам нар хэрэггүй. Үгүй ээ! Та нар өөрсдөө сүм ч болно, лам ч болно. Цэлмэг тэнгэр-таны сүмийн орой юм. Нар-таны бэлгэ тэмдэг юм. Сахиусан тэнгэрүүд, тэнгэрийн их элч нар зүрхний цэвэр залбирлаа урлан бүтээх үед чинь та нартай хамт байх болно. Бүтээгч, Бурхан таны хувьд тодорхойгүй нэгэн байхаа болино. Тэгээд Бурхан бий юү, үгүй юү гэсэн асуулт та нарыг зовоохоо болино, учир нь таны зүрх чинь бидэнтэй ярилцахад нээлттэй. Хариулт даруйхан ирнэ, учир нь та нар бидний Хайр, талархлын цэвэр Урсгалд байх болно. Худал хуурмаг бүхэн хэрэггүй болно, учир нь та нар өөрсдийгөө Бурхан-Хүн, Орчлонт ертөнцийг хамтран бүтээгч гэдгээ мэдрэх болно. Ийм байдалд хүрэх ёстой, ийм байдалтайгаар төрөх шаардлагатай. Тийм ээ, бид ирээдүйн ихэнх хүүхдүүдийг ингэж бэлтгэж байгаа. Тэд шинэ энерги Шинэ Урсгалаар дамжин энд ирэх болно. Харин одоо амьдарч буй хүмүүс та нар? Би юуны түрүүнд танай ертөнцөд юу болж байсан, юу болж байгаа, ирээдүйд юу болох тухай ойлгуулахыг хүсч байна. Бүх хүмүүсийн хувьд арай хожуу ирэх ойлголтуудыг та нарт одоо өгөхийг хүсч байна. Та нар ухамсраа одоо чөлөөлж, ярьж байгааг минь хүлээн авч чадах хүмүүс юм. Би удаан хүлээж байхдаа хүмүүс бэлэн биш, хуучин хэвшилдээ баригдсан гэдгийг ойлгож байсан. Хүмүүсийн сэтгэхүй уян хатан биш, ятгалганд автсан байдаг, учир нь хүүхдэдээ зааж байгаа бүхэн чинь, цагааныг хар гэж хэлсэн ч бүх амьдралынх нь суурь болоод үлддэг. Үүний дараа ертөнцийг ойлгох ойлголтыг нь яаж өөрчлөх вэ? Гажуудлыг яаж арилгах вэ? Маш хэцүү, учир нь нэгэнт тогтсон ойлголтуудыг өөрчлөх нь миний дээр хэлсэнчлэн хүнд ажил юм. Харин хамгийн эхлээд энэ хэрэгтэй гэдэгт итгэх шаардлагатай. Бид энэ төлөвлөгөөг маш удаан боловсруулсан. Энэ төлөвлөгөө нэг жилийнх биш, мянган жилийнх, тэгээд олон төлөвлөгөөнөөс тогтож байгаа, төлөвлөгөө бүрт өөрийн цаг хугацаа бий. Одоо шинэ төлөвлөгөө хэрэгжиж эхэлсэн бөгөөд түүний дагуу та нартай шууд харьцахыг Бүтээгч зөвшөөрсөн билээ. Та нар надад дасаж, миний зүрхнээс гарч буй амьд үг-ийг мэдрээсэй гэсэндээ би бүхнийг маш энгийнээр тайлбарлан таниулж байна. Ухамсрынхаа хаалт саадыг давж чадах хүмүүс ажилд оролцох болно, гэхдээ энэ нь нэлээд хожим явагдана. Харин би одоохондоо Бүтээгчийн шинэ энергийн Шинэ Урсгалыг тосч нээгдэж чадсан хүмүүстэй ярилцах болно. Бид хамтдаа шинэчлэгдэн өөрчлөгдсөн Шинэ ертөнцөд хүргэх хамгийн дөт Замаар урагшилна.
                                                                                       Ерөөлөөр болох болтугай!
                                                                                       Христос
                                                                                       2001.09.06

   

Хамгаалалтын тухай санаж, мэдэж, сэрэмжтэй байх шаардлагатай, учир нь энэ Дэлхийд янз бүрийн хүчнийхэн татагдаж байдаг. Амьдралынхаа туршид Дэлхийд их гай тарьсан олон хүмүүс энд бий, гол нь энэ бүхэн дэндүү гоёчилсон ихэмсэг үгнүүдээр халхлагдан хаалттай байна. Тэдний энэ байдал цэвэр гэнэн сэтгэлтнүүдийг олноор нь татаж байдаг. Та нар зөн билгээ хөгжүүлснээр энергийн урсгалыг, хувь хүний долгионыг барьж авч чаддаг болно. Эсрэг хүчнийхний хувьд энэ хялбар хэрэг юм. Харин та нар? Үнэхээр та нар тэднээс доогуур хөгжилтэй, чадваргүй юм гэж үү? Үгүй ээ, та нар их зүйлийг чадна. Та нарын ухаан, чадвар, гол нь та нарын зүрх энергийн Урсгал, хувь хүний долгионыг барих чадвартай. Бүхнийг мэдэж, мэдлэгээ бүх мэдрэл мэдрэмжээ зөвөөр хөглөхөд ашиглаж сурах нь гол зүйл юм. Таны бие илүү их чадвартай, түүний ойлголт мэдрэмжийн хүрээ нь таны төсөөлж байгаагаас хавьгүй их. Та нар боломжоо өргөжүүлж чадна, та нар болж байгаа бүхнийг шинэ, өргөн далайцтай сэтгэхүйгээр ухамсарлаж мэдэх явцыг одоо эхэлж болно. Биелэх ч зүйл юм. Ертөнц, далд ертөнцүүдийн тухай шинэ мэдлэг нь аажмаар шинэ сэтгэхүй, шинэ ухамсрыг бүрдүүлнэ. Тэгээд энэ нь та нарт ертөнцийг арай өөрөөр харах, ертөнцийг мэдрэх сэрэл мэдрэмжийнхээ хил хязгаарыг өргөсгөх, өөрийгөө мэдрэх энэ бүх боломжуудыг нээж өгнө.  Та нар бүх ойлголтуудыг бүрэн цэгцэлж, ертөнцийг хиргүй тунгалаг нүдээр хардаг болсон цагт, зүрхний чинь хаалтууд унаж, үл итгэл, эргэлзэл чинь арилсан цагт бид үндсэн ажилдаа орцгооно. Зүрхээ муу бүхнээс цэвэрлэж, ажиллахаар тэмүүлж буй хүмүүсийг энэ ажил хүлээж байна. Бүх хүн төрөлхтнийг хамарсан ойлголтуудыг ариусгаж шинэчлэх нь хамгийн хэцүү ажил юм. Хэн ч үүнийг тулган хүлээлгэж чадахгүй. Гагцхүү энэ зорилгын төлөө ирсэн Оюун санаа зөн билэг, зүрхний төвшинд илэрдэг гүний ой санамжаараа мэдэж байдаг. Би ажилд бэлтгэж болох хүмүүсийг харж байна, гэхдээ эхлээд сонсож, зөв ойлгож чадах хүмүүстэй ажиллахыг хүсч байна. Өөрийн ухамсрын хаалт саадыг хэзээний давж, амьдралыг ойлгож ухаарах шинэ төвшинд гарч ирж чадсан хүмүүс байгаа. Өндийж, мөрөө цэхлээд жинхэнэ Гэрэлийг харж, бидний байгааг мэдэрч чадсан тэр хүмүүст би өнгөрсөн, одоо, ирээдүйн тухай асуудлуудаар тайлбар өгөх болно. Би ажлаа энэ долоо хоногоос эхэлнэ. Миний ертөнцийг үзэх үзлийг хүлээн авч, намайг Багшаа болгож, намайг сүмийн хөшсөн онгон биш харин хөгжил дэвшил дунд оршин байгаа амьд гэдгийг минь хүлээн зөвшөөрч байгаа тэр хүмүүст миний үг, миний илгээлт, миний зүрхний Хайр зориулагдаж байна. Үнэнхүү цэвэр ариун, гэгээн мэдрэмжүүдээ би та бүхэн рүү илгээж байна. Та нарт гэгээрлийг үнэхээр хүсч байна. Би жинхэнэ итгэлтэй харьцааг хүсч байна.
  Зүрх сэтгэл чинь нээгдэх болтугай.
                                                                                                       Ерөөлөөр болог!
                                                                                                       Христос
                                                                                                       2001.09.10

  

Манай Орчлонт ертөнц бол та нарын Галактик гэж нэрлэдэг хүчирхэг бүтцүүдийн тодорхой хэлхээсээр холбогдсон нэгдэл юм. Галактикууд бас өөртөө олон тооны системүүд буюу оддын бөөгнөрлийг нэгтгэж байдаг. Танай Галактикт 150 гаруй систем бий. Тэдний олонхи нь одоохондоо та нарын хувьд олж харж, судлах боломжгүй, тэдний тухай дараа ярилцъя. Би яагаад тодорхой тоо хэлсэнгүй вэ гэвэл Сансар тэр чигээрээ амьд, тэрээр хөгжих боломжтой байдаг билээ. Олон системүүд хүчээ нэмэгдүүлэхийн тулд нэгдэх шийдвэрт хүрдэг. Жишээ нь: Орион ба Долоон Бурханы системүүд шинэ шинэ гаригуудыг нэгтгэж, үүгээрээ өөрсдийн сүр хүч, ертөнцүүдэд үзүүлэх нөлөөллөө нэмэгдүүлсээр байна. Сансар ертөнцийн бүтэц өөрчлөгдөж байдаг, тэр бол зуун дамжин хөшсөн хад чулуу бишээ. Янз бүрийн үйл явцууд явагддаг, шинэ бүтцүүд үүсч, хуучин нь задарч байдаг. Үеэ өнгөрөөж хуучирсан нь явж, ирээдүйтэй шинэ нь бий болж байдаг. Сансар ертөнц агуу том гэдгийг та нар ойлгож байгаа, тэрээр Сансарын Хуулиудын дагуу бүрэлдэн бий болсон бөгөөд тодорхой нэгдмэл схемээр эмх цэгц, дэс дараалалтайгаар бүтээгдсэн юм. Энэ бол ямар нэгэн ертөнцийн замбараагүй үүсэл биш. Бүтээгч нар ертөнцүүдийг бүтээхдээ эмх цэгц, дэглэм журмыг хэрэгжүүлж байдаг. Энэ Орчлонт ертөнцөд таван Бүтээгч Бурхан бий. Тэд Орчлонт ертөнцийг бүтээх хөтөлбөрийг хэрэгжүүлсэн билээ. Тэд оддын тоо, хүчин чадал; эдгээр оддоос амьдралын энерги-Бүтээгчийн Гэрэлийг дамжуулж авах гаригуудын хүчин чадал, тоо хэмжэээг тооцож гаргасан. Энэ бүх үйл явц Орчлонт ертөнцийн цөм- Дээд Оюун Ухаанаар дамжин явагддаг. Энэ бол бүх Орчлонт ертөнцийн амьдралыг тэтгэн барьж байдаг үндсэн энергийн нягтралын талбай юм. Үүнийг, дотроо амьдрал агуулсан үлгэрийн авдартай зүйрлэж болох юм. Энэ авдар амьдралыг үхэшгүй мөнхийн байлгадаг үндэс агуулагдаж байдаг. Та нарын үхэшгүй мөнхийн хэсэг чинь энэ Эх Үүсвэрээс тасран гарсан, та нарт Бурханы нэгэн хэсэг бий. Ийм ч учраас бид нэгдмэл гэж би ярьсан, учир нь бидний амин сүнс нэгдмэл энергитэй. Бид хоорондоо ойлголцож чадна. Бид нэг Бүтээгчийн хүүхдүүд. Тэгээд бидний хүндлэн биширдэг Бүтээгч Дэлхийг бүтээх төслийг зохиосон юм. Тэрээр бусад хоёр Бүтээгчийг оролцуулан тэр төслөө хэрэгжүүлсэн билээ. Би энэ гаригийг одоо ганцаар удирдаж байгаа Саваофын тухай ярьж байна. Тэрээр одоо Дэлхийн энергийг яаж өөрчлөх, Эх Дэлхийд сайныг авчрахгүй байгаа өөр энергүүдийн үйлчилгээг яаж саармагжуулах тухай хэцүү асуудлыг шийдвэрлэж байгаа. Дэлхий бол Нарны аймгийн сувд билээ. Дэлхий анх ягаан туяаралтай цэнхэр өнгөөр солонгорсон тунгалаг сайхан гэрэлтэй байсан. Бид Дэлхийд тэр анхных нь цэвэр байдал, анхных нь өнгө, онцгой тунгалаг туяарлыг нь эргүүлж өгөхийг хүсч байна. Энэ бол бидний зорилго юм. Бид үүнийгээ биелүүлж ч байгаа. Эх Дэлхийн цэвэрлэгээ явагдана, одоо нэгэнт эхэлсэн, гэхдээ бид бүх Дэлхийг хамарсан ямар нэгэн үйл явц, эрс тэрс эргэлт, сүйрлийг хүсэхгүй байна. Харин эсрэгээрээ, бидний төслийн тухай аль болох олон хүн мэдээсэй гэж хүсч байна. Хүн бүр өөрийн сонголтоо хийх ёстой, хүн бүрт замаа өөрчлөх боломж олгогдоно. Хэн бэлэн байгаа нь бидэнтэй нэгдэж, Эх Дэлхийгээ өнгөрсөн үеийн энергиэс цэвэрлэх ажилд оролцоорой. Өнгөрсөн үеийн энерги тэр үе рүүгээ л чангааж байдаг. Энэ энергиэр тэжээгдэж байдаг хүмүүс бий. Үүнд л та нарын амьгүй зүйлийг шүтдэг шүтлэг зориулагдсан. Харин би та нарыг амьд Бурхан руу, бидний Эцэг рүү ирээч гэж уриалж байна. Түүнд сүмийн нүсэр барилга хэрэггүй. Түүнд та нарын бялдууч шүтлэг хэрэггүй, биеэ тарчлааж, өөрийгөө буруутгах чинь хэрэггүй. Үгүй ээ! Тэр та нарт буй Бурханлиг очийг л сэргээхийг хүсч байна. Хүүхэд шиг цэвэр ариун байцгаагтун. Бурхан болон өсөцгөө! Бурхан амьд, Тэр бол агуу хүчирхэг энерги, Тэр бол ертөнцүүдийг Бүтээгч гэдэгт итгэцгээ. Түүний хүч, Түүний ухаанд итгэцгээ. Та нарын цэвэр залбирлыг бид сонсдогт итгэцгээ. Бид та нарын Гэрэл цацарсан долгионыг барьж авдаг. Зүрхнээс чинь гарч буй бүх хүсэлтүүдийг бид хүлээж авдаг.
  Бид эвдрэл авчрагч энергийн урсгалуудтай ажиллаж, хаалт саад тавьж байгаа боловч эсрэг хүчин дээд зэргээр идэвхжиж байна. Тэдний үйлдэл үргэлж ил тод байдаггүй. Гэхдээ дээд хамгаалалт хүсч байгаа хүнд бид хамгаалалт өгнө. Тантай Бурхан хамт байна, тантай Бүтээгч хамт байна, Бүтээгчийн Зиндаа хүчтэй, таныг дээд зэргээр хамгаалах болно гэдэгт итгээрэй. Тэднээс ирэх цохилт, гарах уршигаас дээд зэргээр хамгаална. Бид танай ертөнцөд болж байгаа бүхнийг ажиглаж байгаа; Бурханы хүүхдүүд, Гэрэлийн хүүхдүүдийн эсрэг ямар ч түрэмгийллийг бид няцаах болно.
  Шинэчлэх үйл явц явагдана, хэзээний явагдаж эхэлсэн гэдэгт итгээрэй. Хүмүүсийн ухамсарт үл итгэл, эмх замбараагүй байдал, айдас, түрэмгийлэл суулгах гэсэн ямар ч хүчний зорилго биелэхгүй, учир нь Дэлхий шинэчлэл хувьслын шатандаа нэгэнт орсон билээ. Энэ бол хүнд үйл явц, тийм болохоор та нарын ажиглаж болох зүйлүүд илрэн гарсан байгаа. Өөрсдөө үр дүнгээр нь шийдэцгээ, хэнтэй нь сэтгэл чинь, зам чинь нийлж байна?
  Бид та нарт энэ ертөнцөд болж байгаа бүхнийг зөвөөр ойлгуулахыг хүсч байна. Бидэнтэй хамт Бурхан, та нарын Саваоф гэж нэрлэдэг Бүтээгч хамт байгааг санаарай.
                                                                                                              Христос багш
                                                                                                              2001.09.14

  

Өөрийгөө хөгжүүлж боловсруулах нь хувь хүн болон амьд бүхний хөгжилд гарцаагүй хэрэгтэй, учир нь энэ үйл явц тухайн Оюун санааг хувьслын шатаар дээш нь гаргадаг. Амьд бүхэн хөгжиж боловсрох боломжтой байдаг. Үүний тулд та бүхэн юуны түрүүнд ухамсартайгаар тэмүүлж, оршин суугаа ертөнц болон хүн төрөлхтний үнэт зүйлсийг зөвөөр хүлээн авах шаардлагатай. Эхлээд үеэ өнгөрөөсөн худал хуурмаг бүхнийг арилгаж, үнэн ойлголтуудыг өөртөө тогтоох хэрэгтэй, энэ ертөнцөд болж буй бүхний зөв үнэлгээг өөртөө тогтоох хэрэгтэй. Цэвэрлэх үйл явц нь өөрийгөө боловсруулах замын зайлшгүй үе шат юм. Тэгвэл өөрийгөө боловсруулах гэж юуг хэлж байна вэ? Юунд тэмүүлж юуг хүсэх ёстой вэ? Өөрийгөө боловсруулах гэдэг нь Бурхан шиг, Бүтээгч шиг байх тэмүүлэл юм, учир нь Бүтээгч, Сансарын Агуу Дээд Бодгаль  болохын хувьд Яруу Зохиролын бүх чанарыг шингээсэн байдаг. Тэр цэвэр Гэрэл юм, Тэр Яруу Зохиролын Дээд Туйл юм. Бид Түүний үйл ажиллагааны агуу үр шим, гайхамшигт далайцыг нүүр тулан ажиглах боломжтой байдаг. Энэ Агуу Дээд Бодгаль үнэхээр агуу үйлийг бүтээдэг. Бидний эрмэлзэл бол Эцэгтэйгээ адилхан байх, тэгээд ч энэ эрмэлзлэл хязгааргүй, учир нь оюунлиг давхаргын төлөөлөгчдийн мэдрэмжийн цар хүрээ агуу их бөгөөд хөгжилд нь хязгаар үгүй. Эрхэм Дээд Сүнснүүд  хөгжиж болох олон замтай, ажил бүтээлийн олон янз төрөлтэй байдаг. Ямар ч төрлийн бүтээлийг хийхэд энэ Урсгалд орох хэрэгтэй. Хөгжил, хувьслын төлөө боловсрох эрмэлзлэл нь бидний үйл ажиллагааны нөхцөл болдог. Бүх ертөнцүүд, бүх амьд амьтад хөгжиж урагшлах, өөрийгөө болон ертөнцөө боловсруулахад чиглэсэн байдаг. Өөрийгөө хөгжүүлэх, мэдрэмжүүдээ хөгжүүлж боловсруулах хүсэл гол зүйл чинь байх ёстой. Та нарыг хөгжүүлж болох бүх зүйлд тэмүүлцгээ. Мэдлэгт тэмүүл. Бүтээлд тэмүүл, учир нь төрөл бүрийн бүтээлч үйл ажиллагаа хамгийн их хөгжлийг авчирдаг. Хүрээлэн буй байгалиа ажиглаж сур. Бүх зүйлд Бүтээгчийн оролцоо, амьдралыг мэдэр. Бүхнийг дотоод Яруу Зохирол, Тэвчээрийн Хууль, шинэ мэдлэгүүдийн түвшнээс ухаарч ойлгож авах шаардлагатай. Ертөнцийг мэдрэх дотоод мэдрэмж, амар амгалан байдал чинь хөгжилд тэмүүлэх боломжийг бүрдүүлнэ. Бүх сэтгэлийн хөдөлгөөнөө тэнцвэржүүлж, бүх мэдрэмжээ хөгжүүлсэн хувь хүн болох нь таныг бидэн рүү ирэх Зам дээр гарсныг илтгэнэ, учир нь бид таныг хүлээж байна. Эрин солигдох шилжилтийн үед бид та нарт хамгийн их туслахыг хүсч байна. Энэ үе нэгэнт ирсэн, Дэлхийг цэвэрлэх үйл явц эхэлсэн. Энэ үйл явц зовиуртай хүнд болох уу, эсвэл олонхи нь ухаарснаар чөлөөтэй хөнгөн болж өнгөрөх үү гэдэг нь та нарын шийдэх хэрэг. Та нар бодол, үйлсээрээ сайн сайхны төлөө байж, үүгээрээ бидэнд болон Эх Дэлхийдээ туслах ёстой. Бид дэлхийнхэнд мэдлэг, ухаарч ойлгох боломж өгөхийг хүсч байна. Хүн бүр сонголтоо хийх ёстой, хүн бүр сонсож шийдвэрээ гаргах боломжтой байх ёстой, хэнтэй сэтгэл санаа чинь нийлж байна, хэнтэй зам нийлмээр байна? Дэлхийд шинэчлэлийн үйл явц хэрэгтэй, энэ нь өнгөрсөн үе рүү татаж буй хуучирсан энергийг тээж яваа бүхнийг цэвэрлэж явагдана. Шинэчлэлийн хөтөлбөрийн тухай хүн бүр мэдэх дээд зэргийн боломжийг Бүтээгч өгөхөөр шийдсэн. Харин Чөлөөт Сонголтын Хуулиар та нар сонголтоо хийцгээ.
  Бид та бүхний урагшлах хөдөлгөөнд бидний зам, бидний тусламжийг санал болгож байна.
                                                                                        Ерөөлөөр болох болтугай!
                                                                                        Христос багш
                                                                                        2001.10.02

  

Сайн мэдээ дамжуулах гэдэг нь ертөнцийн хүн ардад Сайн Мэдээ хүргэх ойлголт билээ. Түүний цаг нь ирлээ. Эх Дэлхийн шинэчлэл, сайн сайхны төлөө хүмүүсийн ертөнцийг үзэх үзлийг өөрчлөх цаг нь ирлээ. Хангалттай! Хүмүүсийг хонь болгон хувиргахыг би цаашид зөвшөөрөхгүй, учир нь хоньчин нь чоно юм. Чоно тэднийг өөрийнхөө төлөө, шуналынхаа төлөө тэжээж байна. Сүмийн хананд дүүжлээстэй байдаг онгонд итгэгчдийн сүргийг чоно хариулж байна. Тэгээд эдгээр санваартнууд хүмүүсийг айлгаж, бүх зүйлд эргэлзүүлж, зүрхийг нь хааж чадсанаас тэдний зүрх сэтгэлийг нээх боломжгүй байна. Бүх юм ээдэрч будилсан байна. Сэтгэлдээ айдастай бүх хүмүүс өөртэй нь чөтгөр, эсвэл шулмас ярьж байвал яана гэж боддог. Харин тэгвэл Бурхан өөрөө ярьж байвал? Та нар Бурханыг хөөхийг хүсч байна, учир нь Бурхан амьд гэсэн итгэлээс чинь та нарыг салгажээ. Бурхан амьд, амьд болохоор амьд бүхний хийж гүйцэтгэдэг үйлийг бас хийдэг гэсэн үг. Тэр сэтгэж мэдэрч, бүх бодол мэдрэмжээ та нарт дамжуулж чадна. Та бүхэн рүү ирж байгаа Шинэ зүйлээс битгий ай! Ягшмал номлолоор бамбай болгож халхлах хэрэггүй. Зүрхээ нээж, мэдрэх боломжийг нь олго. Энэ байж болох уу үгүй юү гэдгийг та нарт хэлж өгөг. Гэхдээ Энэ хэзээний ирчихсэн байгаа. Шинэ ертөнцийн тухай Сайн Мэдээ хаалгыг чинь тогшиж байна. Түүнд хаалгаа онгойлгож өг! Юу болж өнгөрсөн тухай та нар мэдэж байгаа, харин юу болох тухай би та нарт ярьж өгье. Тиймээ, бид та бүхэнд эхэлж мэдээлээд, дараа нь Шинэ ертөнцөө шударгаар байгуулахыг хүсч байна. Одоо би та бүхэнд ирж байгаа Шинэ ертөнцийн тухай мэдэгдэхийг хүсч байна. Сайн Мэдээ хүн бүрийн чихэнд хүрэхээсээ өмнө их л олон юм үзэж туулна байх. Бид олон зууны явцад боловсруулсан төлөвлөгөөгөө хэрэгжүүлэхээр тэсч ядаж байна. Бас бүх Оюунлиг Ертөнц бидний ард байна, тэд та нарт, та нарын үйл хэрэг, үгэнд итгэж байна. Бүх ертөнцүүдэд манай элч нарын ажилдаа орох хугацааг Бүтээгч зөвшөөрч байгаа. Энэ хөнгөн ажил биш, гэсэн ч бид та нарт найдаж байгаа шүү. Тиймээ, энэ хэрэгтэй гэдгийг мэдэрнэ хэмээн найдаж байна. Тиймээ, цаашид ингэж амьдарч болохгүй. Худал хуурмаг бүхнийг ардаа хаяж, та бүхэн рүү ирж буй Шинэ Урсгалын хүчийг олж харцгаа. Харанхуйн бүх хүчин байж ядан эсэргүүцэж, та нарыг айдас ганцаардал, гунигаар нэрвэхийг хичээнэ. Харин бид: Баяр хөөртэй байцгаа, Сайн Мэдээ хаалгыг чинь нэгэнт тогшиж байна гэж хэлье. Сайн Мэдээ бүх Дэлхийгээр тархах болно, гэвч түүнийг анх энд сонсоцгооно. Эртний энэ Киев хотыг бид өөрсдийн бодол санаагаа хэрэгжүүлэхээр сонгон авсан. Эндээс ертөнцөд Бурханы Хүү, Бүтээгчийн Хүү, Шинэ Элч ирж байна. Та нарт хуучны, мөнхийн үгнүүдээ хэлэхээр ирэх болно. Гэхдээ ирэхээс нь өмнө та нар ажлаа эхэлж болно. Ямар ч гэсэн өөрөөсөө эхлэх хэрэгтэй, өөрийн ойлголтууд, сэтгэл хөдлөл, санаа бодол, үйлдлээ цэвэрлэ. Тэгвэл Бурханд, бидний Эцэгт, надад итгэж чадна. Өөртөө итгэдэг болсон цагт чинь шинэ итгэлийн суурийг хамтдаа тавьцгаая. Бидний хүчийг мэдэрсэн үед чинь, тиймээ Гэрэл Харанхуйгаас хүчтэй гэж итгэсэн үед чинь, тэр үед та нарын Алтан Үе гэж нэрлэдэг тэр үе рүү шулуун замаар хамт замнацгаая.
  Тиймээ, Дэлхийн сайн сайхны төлөө өөрчлөлтүүд явагдах болно! Амар амгалан байж, Гэрэл үргэлж цацраг, Харанхуйн хүч тонилох болтугай! Нарны цацраг ертөнцийн бүх хүүхдүүдийг энхрийлж байг! Сэтгэл зүрхэнд чинь баяр баясгалан, Сайн Мэдээ ирэх болтугай!
                                                                                                    Ерөөлөөр болог!
                                                                                                    Христос
                                                                                                    2001.10.03

  

Бүтээгчийн энерги шинийг бүтээхэд зарцуулагддаг. Ертөнцүүдэд явагдаж байгаа үйл явцууд бол хөгжлийн саад тотгор болж байгаа, үеэ өнгөрөөсөн бүхнийг халах зорилготой. Харин хөгжихийн тулд сайн сайхны төлөөх өөрчлөлтүүд хэрэгтэй. Тиймээс бүх ертөнцүүд үүнийг зорьж байдаг. Гэхдээ Сансар бол олон хэмжээст бүтэцтэй. Энд бүх юм тодорхой журам, тогтвортой байдалд чиглэсэн байдаг. Гэвч өөр ертөнцүүд бас бий, хөгжил нь доройтож, Харанхуйн хүчинд автсан бодгалиуд  бас байна. Тиймээ, тийм юм байдаг. Үүнийг та нар ч мэддэг. Бүтээгчтэй холбодог Бурханлиг хэсэг нь үгүй болж, Түүний энергийг алдсан тийм хүчнүүд байна. Энэ хүчнүүд үхэшгүй бодит мөн чанар-амин сүнсийг эзэмдэхийг санаархаж, Бурханы хүүхдүүд та нараас Бүтээгчийн энергийг татаж авахыг хичээж байдаг. Эдгээр бодгалийг  тодорхойлж болох олон нэрнүүд бий. Та нар эртнээс мэднэ. Тэд нар энд тусгай түших хүчинтэй, тэд энд бат бөх суурьшиж авсан, бас тэдэнтэй олон хүн нийлсэн байгаа. Харин одоо бид энд, энэ хүчнийхний тухайд төлөвлөгөө хэрэгжүүлж эхэлж байна, учир нь бид Дэлхийг муу бүхнээс цэвэрлэхийг хүсч байна. Ийм ч учраас бүх хүчнүүд өөрсдийн зорилгод чиглэсэн ажлаа идэвхжүүлсэн байгаа. Тэд бидний төлөвлөгөөг хэрэгжихэд аль болохоор саад учруулах, сэтгэдэг хүмүүсийг зайлуулах, хүмүүсийн ухамсрыг өөр үзэл санаагаар халхлах зорилготой. Нөхцөл байдал ийм байхад ажиллах маш төвөгтэй, гэвч ийм байхаас ч аргагүй юм, учир нь Дэлхийн хүмүүст өгсөн Чөлөөт Сонголтын Хууль тэднийг мухардалд оруулж байна.. Христийн шашны үзэл санааг ашиглаж хүмүүсийн ухамсрыг удирдаж байдаг хүчнүүд байна. Хүмүүст чөлөөт сэтгхүйг авчирч, тогтсон заншил, царцанги байдлаас нь гаргах ёстой байсан зүйл маань харин өөрөө үхмэл, хөшмөл болжээ, учир нь чөлөөт сэтгэхүйг хөгжүүлэх биш, харин сэтгэхүйг хязгаарласан хаалт саадыг тавьж байна. Ийм сэтгэхүй өөрсдийн эрх мэдлийг энд барьж байх гэсэн тэр хүчнүүдэд ашигтай, тэгээд тэд дээд зэргээр идэвхжиж байна. Тэдний дайралт та нарт мэдрэгдэнэ, энэ нь шууд болон шууд бус хүчирхийлэл юм. Илэрхий хүчирхийллийг та нар харж чадна, гэтэл далд хүчирхийлэл бас байдгийг би хэлж байна. Энэ бол олон нийтийн мэдээллийн хэрэгслүүдээс цацагдаж байдаг хүчирхийлэл юм. Энэ бол олон нийтийн ухамсрыг эзлэн авч байгаа түрэмгийлэл юм.  Харамсалтай нь энэ байгууллагуудын удирдлагад оюунлиг хүчин байхгүй байна, харин яг эсрэгээрээ байна. Тэд маш ашигтай байршил эзэлсэн, учир нь тэд хүн төрөлхтнийг олноор нь хамруулан нөлөөлөх боломжтой. Ийм болохоор тэдний хүч өсч байдаг. Харин бид та бүхэнтэй бясалгал, залбирал-бясалгал, аниргүйгээр дамжин харьцах боломжтой, гэтэл хүн болгон үүнийг хийхгүй шүү дээ. Ертөнцийн ажил явдлууд хүмүүст бясалгах, дотоод мөн чанар, Бурханлиг хэсгээ таних боломж олгохгүй байна. Тэнгэрийн дуу хоолойг сонсож хүлээж авч чадах тийм цэвэр ариун хүмүүс маш цөөхөн байна, учир нь та нарын сэтгэхүй хөшингө байна. Сэтгэхүйд чинь миний уриалан дуудаж байсан зорилго, тэмүүлэл алга байна. Тийм болохоор та нар Бурханыг Эцэгээ гэж мэдрэхгүй байна, тийм болохоор би та нарын хувьд сүмийн онгон, тамаа цайж байгаа зовлонтон, нулимс харууслыг чинь дуудагч юм. Харин та нар намайг баяр баясгалан авчрагч хэмээн харахыг би хүсч байна. Миний үйл хэрэг ч үүнд чиглэж байгаа. Та нар гав гинжээ тасар татаж, чөлөөтэй сэтгэхүйд тушаа болж байгаа бүхнээ зайлуулж, Төгс Хайртай учраасай гэж хүсье. Тиймээ, би сайн сайхны өөрчлөлтийг хүсч байна. Бидний хооронд үнэн итгэл тогтож, та нар намайг Бүтээгчид хүрэх Зам, Бурханд, Дээд Эхлэлд хүрэх замыг заагч гэдэгт итгээсэй гэж хүсч байна. Энэ зам руу би та нарыг хөтөлж байна. Би Бүтээгчтэй шууд холбогддог утгаараа Бурханы Хүү юм. Түүний энерги надаар дамжиж Дэлхий рүү ирж байдаг, учир нь би Түүний Хайрын энергийг дамжуулагч юм. Бүтээгчийн шууд энерги нь хүмүүсийн хувьд маш хүчирхэг импульс, тийм болохоор Түүний энерги дамжуулагч-Агуу багш нараар дамжин хувьсаж Дэлхийд ирдэг билээ. Энэ бол өөрчлөлт, шинэчлэл, сайн сайхны төлөө чиглэсэн агуу хүчтэй Урсгал юм. Бүтээгчээс ирж байгаа Урсгал аажмаар Дэлхийг цэвэрлэх бөгөөд Харанхуй, Эмх журамгүйн хүчнүүд энэ Урсгалаас айж байгаа.
  Одоо Дэлхий дээр амьдарч байгаа та бүхэн энэ үйл явцад оролцож байгаа бөгөөд энэ нь та бүхний хувьд ухамсартайгаар явагдаасай гэж хүсч байна.
                                                                                          Ерөөлөөр болох болтугай!
                                                                                          Христос багш
                                                                                          2001.10.08

  

Талархал илэрхийлэх-энэ бол амин сүнсний дээд илрэл, дээд илэрхийллийн импульсээр дамжуулж өөрийн энергийг өгөх агшин юм. Үнэн сэтгэлээсээ талархаж чаддаг хүн бидэн рүү ирэх зам дээр нэгэнт зогсож байна гэсэн үг, учир нь амин сүнсний энэ илрэлээс түүний хөгжил эхэлдэг. Бүхний төлөө талархаж, амьдралаас та нарт барьж буй бэлгийг үнэлж сурах нь та нарын үүрэг юм. Өөртэйгөө тохиолдож байгаа бүхнээс амьдралын сургамжийг харж, хүлээж авч, өөртөө сайныг олж харах хэрэгтэй, учир нь амьдралын нөхцөл байдал бүхэн мэдлэг, ухаарлыг авчирч байдаг; өөрийгөө, дотоод мөн чанараа, боломжуудаа, тойрон байгаа хүмүүс, ертөнцөө таньж мэдэж байдаг. Амьдрал олон талтай, тэр бүрийг зөвхөн амьдралын янз бүрийн нөхцөл байдлаар дамжуулж танин мэднэ, харин энэ нөхцөл байдлуудыг талархан хүлээж авах хэрэгтэй, учир нь энэ ертөнцийг танин мэдэх нэг алхам юм. Оюунлиг ертөнцийн үндсэн зарчмууд харилцан бэлэглэл дээр үндэслэсэн байдаг, энэ нь өөрийн Хайрыг энергийн Урсгалаар дамжуулан бэлэглэх явдал юм. Би ингэж бэлэглэдэг, миний үйл хэрэг ертөнцүүдийг муу хүчнээс цэвэрлэх, тэднийг Бүтээгчийн цэвэр Гэрэлээр дүүргэх дээд хүслээр минь дүүрэн шингээгдсэн байдаг. Бүх бодол, хүсэл мөрөөдөл минь Дэлхий, хүн төрөлхтөн, Орчлонт ертөнцийн сайн сайхны төлөө чиглэсэн байдаг. Оюунлиг давхаргын төлөөлөгчид бол амьд бүхэнд зөвхөн сайн сайхныг авчрах тийм бодол, энергийг бэлэглэх гэсэн уриатай. Хор уршиг авчирдаг, эвдрэл замбараагүйдэл, сэтгэлийн зовнилийг авчирдаг зүйл манай ертөнцөд ерөөс байдаггүй, зайлуулагдаж байдаг, учир нь бидний мөрдөлтийг нь хатуу хянаж байдаг Сансарын Хуулиуд зөрчигдөж байдгаас тэр. За ингээд бид Сансарын Талархалын Хуулинд тулж ирлээ. Энэ бол гол Хуулиудын нэг, учир нь энд энергийн харилцан солилцоо явагддаг. Та нарт өгч, илгээж байгаа бүхнийг цэвэр сэтгэлээр талархан хүлээж ав. Та нарын зүрх дээд илрэлийг гаргах чадвартай, учир нь бидний Эцэгийн нэгэн хэсэг та нарт байгаа бөгөөд Бүтээгчээс ирж буй дээд чанараар дамжин илэрч болно. Энэ нь Хайр, энэрэл, нигүүлсэл тэгээд энэ бүхэн сэтгэлийн дээд импульс болж талархлаар дамжин илэрч болно. Та бүхний зүрхнээс гарч буй залбирал бас энэ илрэлүүдийг гаргадаг.
  Ертөнцийг муугаар, бохирдсоноор бүү хар. Хүний сэтгэлийн дээд илрэлүүдийг олж хар; жижиг, доод илрэлүүдийг бүү шүүмжил. Таны амьдралаас авах сургамж бол цэвэр Гэрэл цацруулан амьдрах явцдаа энэ ертөнцийн бүх үзэгдэл юмсыг танин мэдэх. Та бүхний чиг хандлага өөрчлөгдөж болно гэдэгт итгээрэй. Мөн хүн тус бүрээс эхлээд ертөнц хүртэл өөрчлөгдөж болно: шалгуур, зарчим, үндсүүд нь. Энэ өөрчлөлтийг одоо эхэлж болно, тэгэхдээ юуны түрүүнд өөрөөсөө эхэлж болно. Ертөнцийг өөрчлөх шаардлагатай гэдгийг ухаарах анхны хүмүүсийн нэг нь та. Үүнийг хойш тавих хэрэггүй, өөрчлөлтийн цаг ирж байна.
  Талархлыг сэтгэлийнхээ дээд илрэл гэж хүлээж аваарай, бидэнтэй Нэгдсэн Урсгалд холбогдох боломж энэ юм шүү. Бид мэдрэмжийн дээд илрэл Хайр талархлаараа дамжин нэгдмэл билээ.
                                                                                          Ерөөлөөр болох болтугай!
                                                                                          Христос
                                                                                          2001.10.12

  

Алба хаших-энэ дээд зарчмыг оюунлиг давхаргаас ирсэн хүмүүс мэддэг, бидний бүх үйл хэрэг энэ зарчмаар явагддаг. Энэ ойлголт ямар утгатай болохыг тайлбарлаж өгье. Юуны түрүүнд дээд зорилгын төлөө, бүх Орчлонт ертөнцийн сайн сайхны төлөө хураасан бүх хуримтлалаа зориулах, байгаа бүхнээ өгөх гэсэн үг. Эрхэм дээд Сүнснүүд ирсэн зорилгоо өөрсдийн хүслээр албан үүргээ болгон биелүүлдэг. Чухамхүү алба хаших явцад хувь хүн нээгдэж, Оюун санаа нь илрэн гарч Бурханы нэгэн хэсэг гэдгээ ухаардаг, учир нь алба хаших явцад Түүний бүх чанарууд илрэн гардаг. Алба хаших явц нь хувь хүнээс хөгжил, зорилгодоо хүрэх дээд тэмүүлэл, бидний Эцэг Бүтээгчид тэмүүлэх тэмүүллийг шаарддаг. Тиймээ, өөрийн Бүтээгчтэй холбогдсон холбоо болон үнэний ойлголтуудыг ухамсарлаж, дээш тэмүүлж чадах хүмүүс л алба хашихад бэлэн байдаг. Бидний Эцэг, Бүтээгч Бурханд итгэхгүйгээр алба хаших боломжгүй. Ийм ч учраас би Бурхан, буг хоёрт зэрэг зүтгэх боломжгүй гэж хэлж байсан. Алба хаших замд хөл тавьж буй хүмүүс сонголтоо хийх хэрэгтэй. Энэ сонголтоор юуны түрүүнд өөрийгөө Оюун санаа, Бурханы нэгэн хэсэг гэдгээ ухаарах ёстой, үүнгүйгээр үнэнчээр алба хаших боломжгүй, учир нь Оюун санаа  тодорхой үүрэг зорилготой ирдэг гэдгийг ухаарах нь алба хашихад хэрэгтэй. Дахин давтан хэлье, зорилгогүй ирж төрнө гэж байдаггүй. Оюун санаа гэдгээ хүлээн зөвшөөрч,төрсөн зорилгоо гаргаж тодорхойлох нь та нарын бодож шийдэх асуудал юм. Энэ асуудлаа шийдмэгц даруй албанд зүтгэж эхлэх тухайгаа, өөрийн амьдралыг хувьслын шатаар Бурханд хүргэж чадах алба хашилт болгох тухай бодож эхлэх хэрэгтэй. Манай ертөнцөд бид бүхэн Дээд Оюун Ухаанд, Орчлонт ертөнцийг Бүтээгчид алба хашиж байдаг. Бидний урдаа тавьсан зорилго маань үүргээ чин үнэнчээр биелүүлэхэд оршдог, бидний зорилго бол юуны түрүүнд ертөнцүүдэд эмх журам тогтоох, тэднийг Хайр, Яруу Зохиролын түвшинд байлгах явдал билээ. Бид –дээд оюунлиг хүчний төлөөлөгчид, бид танай ертөнцөд эмх замбараагүйдэл, эвдрэл сүйтгэл учруулж байдаг хүчнүүдийн эсрэг зогсдог. Бидний дээд алба хашилт үүнд чиглэсэн байдаг-бүх энергийг тэнцвэржүүлэх, бидний Урсгалд аль болох олон хүмүүсийг нэгтгэх, Дээд хүчнүүд, Бүтээгчийн тухай ойлголтуудыг цэгцлэх, цагийн явцад үүссэн гажуудлыг арилгах зэрэг юм. Бидний алба хашилт оюунлиг хүрээний дээд зарчим-Сайн сайхны төлөө чиглэдэг билээ.
  Би ч бас Эх Дэлхийнхэн та бүхний сайн сайхны төлөө өөрийн албаа хашиж эхэлсэн билээ. Гажуудсан ойлголтуудыг засаж, өнгөрсөн рүү чангааж байгаа хуучин бүхнийг халах нь миний албан үүрэг юм. Тэгээд халаанд нь шинэчлэл ариуслыг та нарын ухамсарт болон Эх Дэлхийд чинь авчрах Шинэ Эхлэл, Шинэ цэвэр Урсгал ирж байна. Бид дэлхийнхнийг сэргэлтийн үе-Алтан Үед хүргэх өөрчлөлтүүдийг авчрахыг хүсч байна. Бүтээгчийн шинэ хөтөлбөрөөр цэвэр энерги аажмаар нэмэгдэнэ, ухамсрын хаалтаа давж чадсан хүмүүс л түүнийг хүлээж авч чадна. Ухамсрын хаалт бол эргэлзэл, үл итгэл, сохор шүтлэг бөгөөд та бүхэн рүү очиж байгаа шинийг таньж хүлээн авахад саад болж байна. Үүнийг давж гарах боломж хүн бүрт бий, ингэхийн тулд Бурхан амьд, амьд бүхэн хөгжиж өөрчлөгдөх боломжтой гэдэг үнэнийг хүлээн зөвшөөрөх шаардлагатай. Атгаг сэжиг, хэрэггүй номлол, тулган хүлээлгэсэн гажуу ойлголтуудаас ангижирцгаа! Би та бүхэнтэй энгийнээр ярьж байна, учир нь зөвхөн ийм аргаар унтаж буй хүмүүсийг сэрээж болно. Цэцэрхэх, зориуд далд утгатай ярих, евангел судрыг эш татах нь худал хуурмаг байх болно, та нар ч үүнийг мэдэрнэ. Би зориуд энгийнээр ярьж байгаа, учир нь би янз бүрийн түвшний мэдлэгтэй, янз бүрийн хүмүүст хандаж байгаа, гэхдээ тэдний цэвэр зүрхийг сэрээж, хүүхдийн хиргүй тунгалаг нүдээр бүхнийг хардаг болгох ганц л зорилготой билээ.
  Энэ бүхнийг хэн ярьж байгааг мэдэрцгээ. Юуны тулд, ямар зорилгоор? Би та нарт юу өгөхийг хүсч байна, та нараас надад юу хэрэгтэй юм?  Тэгвэл би зөвхөн та нарын ухаан, мэдрэмж, ухамсрыг чинь л сэрээхийг хүсч байна. Эх Дэлхийд чинь сайхан өөрчлөлтийг авчрах Шинэ Зам заахыг л хүсч байна. Эх Дэлхийг чинь шинэчлэхийн төлөөх энэ албаны минь зорилго үүнд л оршиж байна.
                                                                                          Ерөөлөөр болох болтугай!
                                                                                          Христос багш
                                                                                          2001.10.22

 

Шашнаас хальсан ухамсар. Энэ ойлголтонд юу багтаж байна вэ? Юуны түрүүнд дээд түвшинд гарч чадсан ухамсар, учир нь шашинлиг ухамсар нь мөн чанарыг гадны ойлголтуудаас ялгаж чадахгүй байх нь элбэг. Тоо томшгүй ёслол, зан үйлүүд нь цэвэр итгэлийг сохор шүтлэгт хувиргадаг. Боолын хүндлэл, ёслол дэг журмыг хатуу чанга дагаж мөрдөх зарчмууд дээр шашны бүхэл бүтэн хүрээлэн үндэслэсэн байдаг. Тэд миний сургаалийн анхны мөн чанарыг огоорсон. Тэр үед би юунд уриалж байсан бэ? Би, бүхнийг хүүхдийн хиргүй тунгалаг нүдээр харахыг уриалж байсан. Хүүхэд шиг ариун, гэнэн байцгаа. Бурхан бол та нарт хайртай Эцэг чинь. Тийм болохоор та нар ч гэсэн сэтгэлийн мэдрэмжээ Түүнд зориул. Энэ бүхэн миний тэр үеийн уриа байсан, энэ уриа одоо ч тулгамдсан хэвээр байна, учир нь хүүхдүүд Эцэгээсээ холдоцгоожээ. Миний өнөөдрийн  уриаг шашны ухамсраас халин гарч чадсан, сохор шүтлэгнээсээ ангижирч чадсан, та бүхнээс хаалттай байгаа миний сургаалын мөн чанарыг харж, ялгаж чадсан хүмүүс л хүлээн авч чадна, учир нь театрчилсан ёслолууд, олон цагийн мөргөлүүд нь гол зүйлийг далдалж, миний сургаалийг хуурмаг сүсэг болгон хувиргаж байна. Эсэргүүцэж байсан зүйлс маань одоо миний сургаальд байраа эзэлжээ. Энгийн байдал алга болсон. Өөрийг чинь устгах нуршсан залбирлын үгнүүдтэй мөргөлийн номууд гэгээлэг гэж нэрлэж яавч үл болох өнгөрсөн зуунуудад үй олноороо байсаан.
  Тиймээ, энэ залбирлууд өнгөрсөн үеийн энергиэр нэвт шингэсэн байдаг. Та нар энэ Урсгалд орж, өөрийн энергиэ өгдөг. Хэнд тэр вэ? Өнгөрсөнд үү, ирээдүйд үү? Амьдрагсадад уу, үеэ өнгөрөөгсөдөд үү?
  Би та нарт танил үгнүүдийг та нарын мэддэг, хэмнэл, арга барилаар дахин давтахыг хүсэхгүй байна, учир нь энэ барил тэр үедээ л болж байсан. Одоо би та нартай орчин үеийн, хүн бүрт ойлгомжтой хэлээр ярихыг хүсч байна. Би хүн бүрт хүрэхийг хүсч байна. Энерги, түүнтэй холбоотой явцуудын тухай шинэ мэдлэгийн түвшнээс та нарт ярих нь миний үүрэг юм. Би та нартай ээдрээтэй ойлгомжгүй яриагаар ярьж, багш шавь нарын хооронд үүсдэг шиг тийм харьцаа үүсгэхийг хүсэхгүй байна, харин энгийнээр ярихыг хүсч байна. Энэ нь юуны түрүүнд харилцан ойлголцол, бие биенээ хайрлах хайр юм. Эндээс л жинхэнэ сургалтыг эхэлж болно, үүгээр дамжуулан мэдрэмж, сэтгэл хөдлөлөө хөгжүүлж, өөрсдөө хөгжих хэрэгтэй юм. Энэ хөгжил нь та нарын ухамсрыг шашнаас ангид дээд түвшинд гаргана. Энэ түвшинд чөлөөт сэтгэлгээ хэрэгтэй, үйл явдлуудыг өөрөөр, өнөөдрийн мэдлэг, орчин үеийн ойлголтоор ухамсарлах шаардлагатай. Дэлхий энергийн Шинэ Урсгалд орж байгаа, энэ Урсгалтай шинэ энерги-мэдээллийн Урсгал холбоотой. Шинэ цаг үе тухайн цагийн Урсгалдаа таарсан шинэ мэдлэгийг шаарддаг. Урагш алхам хийхгүй байрандаа эргэлдэж байгаа хүмүүс хаашаа ч явж чадахгүй, учир нь тэр байрандаа зогсож байна, энэ нь тэднийг хаана  ч хүргэхгүй. Харин би та нарт урагш алхахыг санал болгож байна; ягшмал номлол, хөндлөнгийн зүйлээс татгалзаж Бурхан амьд гэдгийг мэдрээч гэж санал болгож байна. Та нар Түүний боол биш, харин хүүхдүүд нь шүү. Тэр та нарт бүгдэд чинь хайртай, та нараас зөвхөн хайрыг л хүсч байгаа.
  Бид шашнаас хальсан ухамсрын тухай ярьж байна. Одоо та бүхэнд гагцхүү ийм ухамсар хэрэгтэй. Ийм ухамсраар л та нар мөн чанарыг олж харж чадна, энэ та нарт хэрэгтэй. Гэхдээ энэ ухамсар хувь хүнээс тусгай хөгжлийг шаарддаг. Гагцхүү та нарын тэмүүлэл энэ зорилгод чинь хүргэж чадна.
  Би та бүхнийг яг энэ зам руу, бидэн рүү хүргэх зам руу, Бүтээгчтэй зэрэгцэн оршигч өндөр хөгжилтэй Оюун санаануудын ертөнц рүү дуудаж байна. Энэ бол Эцэг рүү минь ирэх шулуун зам, энэ зам та нарыг хүлээж байна.
                                                                                          Ерөөлөөр болох болтугай!
                                                                                          Христос багш
                                                                                          2001.10.24

   

Яруу Зохирол  бол манай Орчлонт ертөнцийн дээд зарчим билээ. Бүх зүйл нь тэнцвэртэй үндсэн талбайг үүсгэгч зарчим. Би үүгээр юу хэлэх гэж байна вэ? Яруу Зохиролын үндсэн зарчим нь хуримтлуулсан бүхнийг тэнцвэртэй нэгтгэхэд оршино. Би оюунлиг хуримтлалын тухай ярьж байна. Энэ хуримтлал дээд илрэлээрээ Яруу Зохиролд төвлөрсөн байдаг, эндээс үзэхэд бидний ертөнц зохиролтой  юм. Бид илрэл бүхний үндсэн чанарыг, сэтгэлийн хуримтлалын үндсэн чанарыг гаргаж ирж чадсан. Эрхэм сайн бүхнийг ялгаж аваад бид нэгдмэл дээд тэмүүлэл-Яруу Зохиролд хүрсэн билээ. Хуримтлуулсан бүхнээ гаргаж, урагшлах замд саад болж байгаа бүхнээ тусгаарлах нь цэвэрлэгээний үйл явц юм. Энэ бол үнэн, ариун ойлголтуудыг өөртөө тогтоох үе шат билээ. Сэтгэлийг чинь тэнцвэржүүлж амар амгалан, Яруу Зохиролд хүргэх үе шат. Ертөнцийг ухамсартайгаар хүлээн авч ариуссаны дараа л Яруу Зохиролд хүрдэг. Энэ бол сөргөлдөөн, уур хилэн, сөргүү бүхэн илрэх боломжгүй төлөв байдал юм. Дээрх нөхцөл байдлууд танд нөлөөлж чадахгүй, учир нь та Бурхан-Бүтээгч рүү хүрэх дээд үе шатанд гарсан. Амин сүнс, Эцэг рүүгээ тэмүүлэхдээ Яруу Зохиролын  төлөвт оршиж, энэ нь түүнд нээгдэж илрэн гарах боломжийг олгодог. Бидний бүх дээд илрэлүүд тэнцвэртэй, учир нь бид Яруу Зохиролд хүрсэн, энэ зарчмаа бүх ертөнцүүдэд авчирдаг билээ. Бид танай ертөнцөд, амьд бүхэнд, хүн төрөлхтөнд, Эх Дэлхийд энэ зарчим тогтоосой гэж хүсч байна. Тэмүүлэл бүхэн чинь та нарыг Яруу Зохиролд хүргэх болтугай, Түүнгүйгээр оршин тогтнох боломжгүй тийм ертөнцөд хүргэх болтугай. Ариун гэгээлэг ойлголт бүхэн хүн бүрийн сэтгэлд тэнцвэртэй нэгдэж, Бүтээгч Бурхан руу тэмүүлэх ёстой. Сэтгэлд чинь өрнөж буй бүх үйл явц та нарыг Яруу Зохиролд ухааралтайгаар хүргэж, амьдран суугаа ертөнцөд чинь амьдралын өөр сэрлийг мэдрүүлж болох юм. Амьд бүхэн Яруу Зохиролыг эхлээд сэтгэлдээ, дараа нь оршин байгаа ертөнцдөө мэдрэх тэр л үед ертөнц Гэрэлээр бялхах билээ. Ертөнц яруу зохиролтой бүтээгдсэн гэдэгт итгээрэй. Чухамхүү энэ зарчим байгалд болон сайхныг мэдрэх мэдрэмжид чинь илрэн гардаг. Та нар энэ зарчимд зохирсон байдаг. Сансарын Хайрын Хуулийн нэг илрэл болсон энэ зарчим дээр та нарын үнэлэмж дүгнэлтүүд үндэслэдэг, учир нь Яруу Зохирол бол Хайрын дээд илрэл юм. Хайргүйгээр Яруу Зохирол байхгүй. Сэтгэлийн дотор байгаа бүхнийг илрэн гарах боломжийг Хайр өгч байдаг, Хайрын үндсэн тэмүүлэл нь Яруу Зохиролд  байдаг. Сансар ертөнцөд байх энэхүү ойлголт нь бүтээлийн дээд илрэлүүд-хөгжим, яруу найраг, уран зурагтай салшгүй холбоотой. Эдгээр нь хөгжсөн хувь хүмүүсийн Яруу Зохиролд тэмүүлэх тэмүүллийн илрэл юм. Гагцхүү уран бүтээлээр дамжин Түүнд хүрч болно. Шууд өнөөдөр эхэлцгээ. Орчин тойрноо харцгаа. Танай гариг Яруу Зохиролын дээд зарчмаар бүтээгдсэнийг мэдэрцгээ. Эргэн тойрондоо энгийн гайхалтай зүйлсийг олж харахыг хичээцгээ. Энэ ертөнцөө хайрлаж, өөрөөр харахыг хичээцгээ. Энэ үедээ амин сүнсэндээ нээгдэх боломжийг олговол гайхамшигт хөгжмийн аялгуу, яруу найраг, эсвэл өнгө аялгууны найргийг мэдрэх болно. Та нар уран бүтээлийн Урсгалд орно. Амьдралын Яруу Зохиролыг мэдэрнэ. Амин сүнс чинь бүрэн нээгдэх энэ л үеэс өөрийгөө яруу зохиролтой хувь хүн гэдгээ мэдэрч эхэлнэ. Үүгээр дамжин мөн чанар чинь илэрч, тавилан чинь нээгдэнэ. Та өөрийгөө танин мэднэ.
  Та нарын тэмүүлэл мөнхөд Яруу Зохирол руу чиглэж байхыг би хүсч байна, учир нь чухамхүү энэ зарчим л биднийг Алтан Үед хүргэнэ.
                                                                                          Ерөөлөөр болох болтугай!
                                                                                          Христос
                                                                                          2001.10.30
  

Телепатийн төвшинд харьцах- энэ нь одоохондоо та нарын хувьд гайхалтай, ойлгомжгүй арга юм. Гэвч Сансарынхны хувьд энэ нь ердийн дадал болсон арга, учир нь алсын зайд тоон болон авианы кодыг мэдэж байвал ямар ч системийн төлөөлөгчтэй харьцаж болно, ойрхон бол микролептоны талбайгаар дамжин харьцдаг. Энэ бол бүх Сансарынхны хамгийн энгийн харилцаа юм. Гэхдээ соёлтой ертөнцийнхний гэж нэмж хэлье. Би та нарыг гомдоохыг яасан ч хүсэхгүй, гэвч та нарын түрэмгийлэл, юмыг няцааж байдаг зан өөрсдийг чинь нэг шатаар уруудуулж, бусад ертөнцүүдтэй харьцах боломж өгөхгүй байна. Танай ертөнцөд эвдэн бусниулах, дураар тонгочих вирус хөвсөлзөж байна. Хуулийг бүдүүлгээр зөрчихийг зөвшөөрсөн вирус. Тогтсон ийм ёс суртахуун, гэмт хэргийн өсөлтийн үед бидний хоорондын ердийн харилцаа боломжгүй, учир нь та нарын долгион ба сэтгэлийн чинь зохирол биднийг амьд гэдгийг хүлээн авч чадахгүй байна. Ийм болохоор таниагүй шинэ зүйлээ та нар таамаг, уран зөгнөл болгон хувиргадаг, учир нь та нар өөрсдөдөө байхгүй зүйлийг боломжгүй гэж үздэг.  Христост хандсан олон хүнд бүгдэд нь хариулж чадахгүй болохоор л Тэр та нартай харьцаж чадахгүй, дуугүй байна…  Хэрэв чадахаар бол? Хэрвээ би нэгэн зэрэг бүхэл бүтэн ертөнцүүдтэй харьцаж чаддаг бол? Учир нь энэ бүхнийг төсөөлөхөд та нарт хэцүү, гэвч би цацраг биш,  урсгал ч биш, би бас аспект (үзэл бодол) биш, би харин амьд бодгаль, зөвхөн амьдралын өөр төлөвт шилжсэн, гэхдээ хүн байх үеийнхээ бүх хуримтлал, бүх ой санамж, бүх мэдрэмжүүдийг хэвээр хадгалсан. Би мэдэрдэг, сэтгэл догдолдог. Би сэрж мэдэрдэг. Итгэдэг. Найддаг. Би хайрладаг. Энэ бүхэн та нарт ойр байгаа биз? Та нартай талбай биш, талбайн мэдээлэл биш, гэхдээ биобүтцээр биш харин плазмаар буюу Бүтээгчийн цэвэр Гэрэлээр амьдралаа явуулж байгаа нэгэн ярьж байна гэвэл та нар итгэж чадах уу? Би зөвхөн Эх Дэлхийд сайн сайхныг авчрах өөрчлөлтүүдийг л хүсч байна. Би та бүхнийг төөрөгдөлд оруулах шаардлага байхгүйд итгээрэй, учир нь өмнө нь хэлж зүрхлээгүй, зүрхийг минь өвтгөж байсан бүх зүйлийг дамжуулахыг хүсч байна. Тиймээ, би та нараас өөрөөр амьдардаг, гэвч та нар надад ойр дотно, та нарын бүх мэдрэмжүүд чинь надад ойлгомжтой байдаг, надад дамжигддаг. Тийм болохоор миний та нарт гаргадаг шиг үнэн зүрхний мэдрэмж та нарын зүрхэнд үүсээсэй гэж хүсч байна. Би та бүхний сэтгэл зүрхийг юмуу эсвэл эрх мэдлийг булаах зорилгогүй гэдэгт итгээрэй. Үгүй ээ, харин эсрэгээрээ, би сүмүүдэд чинь байдаг онгон байхыг хүсэхгүй байна. Би ганц Үнэнийг сэргээхийг хүсч байна, харин энэ нь хэцүү бөгөөд аюултай, учир нь энэ нь та бүхний амьдралын суурь, жигд хэмнэл рүү тань халдаж байгаа хэрэг. Тэгээд ч үүнийг хүлээж авахад хялбар биш. Та нарыг эрх мэдэлтнүүд, ялангуяа шашны эрх мэдэлтнүүдтэй харилцаасай гэж хүсэхгүй байна, учир нь тэдэнд ойлгомжгүй зүйлсийг нь тайлбарлах боломжгүй юм. Би та нарыг хамгаалж байна, гэвч миний та нартай харьцах харьцааг сэргээхийг үл хүссэн  олон хүн оволзож эхэлсэн, элч нарыг минь сүрдүүлж байна, учир нь миний нэрээр халхавчилж өөрсдийн санаагаа хэрэгжүүлж байгаа олон хүний төлөвлөгөөг би нурааж байна. Тэдэнд намайг Торсионы талбай, гэрэл, урсгал, аспект эсвэл хэн байгаагаас минь өөр л бол хэн ч юу ч хамаагүй болгож харуулах нь ашигтай, учир нь тэд манай хөтөлбөрийн биелэлтийг хүсэхгүй байгаа. Тэдний хувьд энэ нь хатуу ширүүн хөтөлбөр  болох бөгөөд тэд Дэлхийг орхихоос аргагүйд хүрнэ. Үүнийг тэд хүсэхгүй байгаа.
  Дэлхийг үнэхээр цэвэрлэх шаардлагатай. Үеэ өнгөрөөсөн бүхнээс ангижруулах хэрэгтэй. Бидний хамтын хөдөлмөрөө чиглүүлэх зүг бол соёлт ертөнц юм, үүнд л би урагшлах хөдөлгөөнийг харж байна. Тиймээ, би энд өөрчлөлт авчрахыг хүсч байна. Тиймээ, би Дэлхийн ариуслыг хүсч байна. Та нарын залуу үе намайг өөрөөр хараасай, аврагдсанаар, амьдаар минь хараасай гэж хүсч байна. Бидний та нарт авчрахыг хүсч буй Шинэ Эхлэл нь Шинэ энергийн Урсгал та бүхэн рүү хэзээний урсаж байгааг олж харахад оршиж байна.
                                                                                          Ерөөлөөр болох болтугай!
                                                                                          Христос багш
                                                                                          2001.11.07

  

Амин сүнсний дуу хоолой дуугаар дамжин гарч ирдэг. Амин сүнс энэ импульсыг дээд тэнгэрийн хүрээнээс  барьж авдаг. Хөгжимгүйгээр сүмийн найрал дуу дуулах тухай би ярьж байна. Энэ нь сэтгэлийн анираар дамжин илэрч байгаа дээд залбирал билээ. Дууны үг урсаж зөөлөн урсгал аянд намуухан шилжинэ. Аялгуу нь бүтээлийн Урсгал, өндөр давтамжийн Урсгалд ормогцоо хүчээ авдаг. Энэ Урсгал нь бидэнтэй холбогдох боломж, өөрийгөө илэрхийлэх боломж, өөрийн мөн чанар-амин сүнсээ нээх боломж юм.  Амин сүнс илрэн гарахыг тэмүүлж, өөрийн Бурханлиг хэсэгтэй нэгдэхийг үргэлж хүсч байдаг, энэ нь дуугаар илэрдэг. Дуугаар дамжуулан амин сүнсний ариусал явагдаж, саад болж байдаг хуримтлалууд арчигддаг. Амин сүнс аялгуугаар дамжин илэрч, ариусч, муу бүхнээ дор орхиод дээш тэмүүлдэг. Тэр, бялхсан мэдрэмжийн урсгалд оршин байна. Энэ нь янз бүрээр илэрч болно, ёс бус бүхнийг тайлан хаяж, хамгийн нандин бүхнийг өмсөх боломжийг амин сүнсэнд олгодог ариун, үнэн бүхэн ийм урсгалаар дамжин ирдэг. Ингэж нээгдэх чадвартай хүмүүс өөрийн дээд мөн чанарыг илрүүлэх чадвартай байдаг, Бурхантай Эцэгээ гэж харьцаж чаддаг. Та бүхэн гагцхүү Бүтээгчид өөрийн зүрхний импульс, залбирлаа хандуулах хэрэгтэй. Тэгээд мэдрэмжээ хөгжүүлэнгээ хариуг нь хүлээн авч сурах. Тиймээ, Бүтээгч Түүнтэй хамт нэгэн Урсгалд зохирч байгаа хүн бүрийг сонсдог.
  Тухайн агшныг зогсоож, ухаан санаагаа чөлөөлөөд бидэнтэй хамт нэгэн Урсгалд орохыг оролдоод үз. Та нар үүнийг эргэлзээгүй мэдрэх болно. Амин сүнсний түвшнээс шалтгаалж хүн бүр өөр өөрөөр мэдэрнэ. Оюун санаа-энэ бол дээд Эхлэл, энэ нь та бүхний Бурханлиг хэсэг, дээд “Би”-тэй чинь нэгдмэл мөн чанар юм. Оюун санааны чинь чадавхи Бүтээгчтэй өөрийн дөт аргаар харьцсанаар нээгдэнэ. Гэвч та нарын тэмүүлэл дуулах дуун дээр төвлөрч болно, олон хүн үүгээр дутагдаж байдаг, учир нь бүх илрэлүүд энэ тэмүүлэлд төвлөрсөн байдаг. Тэр байндаа заавал тусдаг. Бид бүх цэвэр импульсыг сонсож хүлээж авдаг, бүх цэвэр долгион энэ үед давхцаж, бид та нартай энэ агшинд эргэлзээгүй хамт байдаг.
  Мэдэрцгээ. Мэдрэмжийн хязгаараа тэлцгээ. Бурханыг Эцэгээ гэж зүрхээрээ мэдэрцгээ! Урсгалуудыг мэдэрцгээ. Муу бүхнээ таягдан хаяж, дээш тэмүүлэх боломжийг амин сүнсэндээ олгоцгоо! Өөрийн үхэшгүй мөнх хэсгээ мэдэрцгээ! Бүтээгчийг, Үхэшгүйн Мөнхийг мэдэрцгээ!
                                                                                          Ерөөлөөр болох болтугай!
                                                                                          Христос
                                                                                          2001.11.27

  

Хүн төрөх нь түүний биежиж, материаллаг ертөнцөд ирэхээс эхэлдэг. Амьд амьтан амьсгалж, уйлж, хоол нэхэж байна. Харин тэгвэл амин сүнс ба Оюун санаа хүний биенд яаж илэрдэг вэ, тэд юуг хүсдэг вэ?
  Хүн төрөөд Бүтээгчээс өөрийн үхэшгүй мөнхийн амин сүнсийг хүлээж авдаг, энэ нь Амьдрал, Хайрын энерги юм. Гэвч биегүй амьдралын хэлбэр гэж бас байна. Түүнд зэрэг, зиндаа, амьдрах хүрээ гэж бий. Физик биеийн амьдрал дуусгавар болдог, учир нь биологийн бүтэц өөрийн гэсэн хугацаатай байдаг. Хүний бие махбодид явагдаж байгаа үйл явцууд өөрийн гэсэн ээлжтэй байдаг бөгөөд эсийн шинэчлэл зогссон үед өөр амьдралд шилжих шилжилтийн үе ирнэ. Гэвч та бүхэнд үхэшгүй мөнхийн эхлэл бий, учир нь нэгэн бүхлийн хоёр тал та бүхэнд нэгдэж цогцолсон байдаг. Энэ бол биеийн чинь ухамсартай хэсэг болох амин сүнс-таны хувийн шинж чанар, зан байдал; бас таны сансрын илрэл болох Оюун санаа-таны хувийн онцлог. Тэд үргэлж нэгдмэл байдаг болов уу? Үргэлж биш, учир нь амин сүнс гэдэг нь шинэ зүйл бөгөөд Оюун санаа төрөл шилжихдээ түүнийг өөртөө авч явдаг. Харин Оюун санаа  бол урьд өмнө нь өөр ертөнцүүдэд төрөл авч байсан бөгөөд өнгөрсөн төрөл авалтуудын хуримтлал, ой санамжийг хадгалж байдаг, дээд “Би” буюу сансрын ухамсрыг хадгалж, Сансар ертөнцөд өөрийгөө ухамсарлаж байдаг тийм хэсэг юм. Олонхи хүмүүст Оюун санаа амин сүнс хоёр таарамжтай оршин байдаг, учир нь Оюун санаанд эгшиг, хөг зохирсон амин сүнс сонгогддог юм. Оюун санаа болон ой санамжных нь ерөнхий долгионд хүний гадаад төрх таарч тохирч байх нь олонтаа байдаг, учир нь Оюун санаа энергийн чадавхитай бөгөөд амин сүнсэнд нөлөөлөх чадвартай. Би Эрхэм Дээд Сүнснүүдийн тухай, дээд төрөл авалтуудын тухай ярьж байна, хүслээрээ энд ирж ажилд оролцохын тулд, төлөвлөсөн даалгавраа хэрэгжүүлэхийн тулд материаллаг биеийг авсан тэдний тухай ярьж байна. Гэвч Оюун санаанууд янз бүрийн байдаг ба янз бүрийн ертөнц, давхаргаас янз бүрийн зорилго, даалгавартай ирдэг. Амин сүнс харин Сансарын Хуулиуд болон Дэлхийн Чөлөөт Сонголтын Хуулийн дагуу хөгждөг. Амин сүнс нь дээд сансрын хэсэг-Оюун санаандаа нээгдэх боломж олгохгүй байж болно, хүн өөрийн бодол санаа, хийж буй үйлээрээ Оюун санаагаа хэрэгсэхгүй байж, ингэснээрээ биенээсээ хөөн гаргаж болно. Тиймээ, тийм зүйл байдаг. Хүний доод мөн чанар ялан дийлдэг, газрын бүхэн өөртөө татаж дууддаг, эрхэм дээд бүхэн бодит биш, үйлчлэх чадваргүй санагддаг-энэ бол бидний байнга ажиглаж байдаг үзэгдэл юм. Оюун санаа амин сүнс хоёрын холбоо, тэнцвэр байхгүйгээс олон Оюун санааны төрөл авалт бүтэлгүй болдог. Багшийн хувиар миний хийж байгаа ажлууд та нарын амин сүнсийг нээж Оюун санаатайгаа  зохирч холбогдоход тусална. Одоо ярьж байгаа бүхэн минь зөвхөн мэдээлэл биш, сэтгэл хэмээх агуу зүйлийг нээж, танин  мэдэхээр  шамдан хичээж буй сургалт юм. Та нарын Оюун санааг илрэн гарах боломж олгож, үүний тулд шинэ боломжуудыг нээж өгөхийг хүсч байна. Тэгээд энэ нь ухамсрын түвшин дэх ажил билээ. Энэ бол жирийн мэдээллээс хамаагүй чухал зүйл. Энэ бол амьдралыг чөлөөтэйгээр хүлээн авч, айсуй шинэ зүйлийг мэдрэхэд саад болж байдаг хаалт саад, хөндлөнгийн гэсэн бүхнийг авч хаях явдал юм.
  Оюун санаагаа олж тань! Дээд чадавхиа гаргах боломжийг нь Түүнд өг. Сэтгэлийн харанхуй руугаа Түүнийг битгий хөө, түлхүүр нь та нарт байгаа шүү дээ.
  Өөрийн дээд Бурханлиг хэсэгтээ илрэх боломжийг нь олго!
                                                                                          Ерөөлөөр болох болтугай!
                                                                                          Христос
                                                                                          2001.11.27

  

Бодлын хүч. Бодол өөрийн чиглэсэн хүчтэй байдаг уу, үгүй юү?  Ямар учраас ярьж байгаа, бодож байгаагаа нийцүүлж байх ёстой вэ? Тэд харилцан холбоотой учраас л тэр. Та нарын үг бол авианы энергид шилжсэн бодол санаа, харин авиа бол сонсох мэдрэмжийг төрүүлдэг агаарын хэлбэлзэл юм. Үг болон авианы эрчим нь ялгаатай бөгөөд тухайн Урсгалд оруулсан энергийн хүчнээс хамаарна. Бодол бол бас энерги, орчин тойрондоо өөр хэлбэлзлийг цацраадаг, бодитоор тийм ч их мэдрэгдэхгүй боловч үйлдэл нь харин хүчтэй байдаг. Үйлдэлд чиглэсэн бодол нь энэ бодсон зүйлээ биелүүлэх боломжуудыг агуулж байдаг, учир нь ирээдүйг бүтээх суурийг бодол санаа тавьж байдаг. Тэрээр, бодлын дүрслэлийг бий болгож, хүссэн зүйлийнхээ дүрс байдлыг энергийн төвшинд бүтээдэг, тэгээд тогтмол шаргуу хүссэн зүйлээ хүлээж авна. Заавал материаллаг илрэлээр биш ч энергийн ертөнцөд түүний загвар оршиж, бодсон зүйлийг биелүүлэх урьдчилсан нөхцлийг бүрдүүлнэ. Бодлын хүч нь бодлыг орон зайд илгээж буй эзэнтэйгээ шууд холбоотой. Иймээс бодлуудын хэлбэлзлийн далайц ялгаатай, хүч нь мөн ялгаатай байна. Энэ нь тус бодгалийн долгионоос, мөн ямар үелзэл дээр бодлоо илгээж байна гэдгээс хамаарна. Үелзэл нь бодлоо илгээж байгаа хүний цэвэршилтийн түвшингээс хамаарна. Бараан, булингартай гэрлэн биетэй хүн долгионы нарийн түвшинд бодлоо илгээх чадваргүй. Түүний бодол хүчтэй боловч дээд давхаргад биелэгдэх чадваргүй байна. Байгаа бүхнээ зөвшилцөлд хүргэж чадсан хүний бодол агуу чадавхитай, их хүчтэй байдаг, учир нь түүний бодол нь Бүтээгчийн суваг, гэрэлт талбайгаар дамжин явж, Гэрэл рүү чиглэсэн байдаг, өөрөө ч Гэрэл цацруулж байдаг. Ийм бодол бүтээх чадвартай, орон зайг ариусгах чадвартай, Харанхуйг уусгах чадвартай байдаг, учир нь Гэрэл Харанхуйг дандаа уусгаж байдаг. Гэрэл бол хүч юм. Таны хүч гэрлэн биенд чинь агуулагдаж байдаг, түүнийг зөвхөн та нарын бодол тэмүүлэл, Гэрэлд тэмүүлсэн тэмүүлэл ариусгаж гэрэлтүүлж чадна. Гэрэл та нарын дотор хорионд байна. Та нар түүнийг өөртөө хаажээ. Та нар Бурханлиг хэсгээрээ дамжин хүчийг агуулж байдгаа мэдэхгүй байна. Өөрийн мөн чанарын тухай бодоцгоо! Өөрийн бүх бодлуудыг ажилд чиглүүл. Ажиллах хэрэгтэй; ажиллахгүй бол, өөртөө буурьтай ухаалгаар хандаж бодол сэтгэлээ хянахгүй бол ямар ч үр дүн үгүй байх болно. Энергийн ертөнцөд бүх юм харилцан уялдаатай: авиа болон бодол санаа. Авиа бол  та бүхний сонсож буй агаарын хэлбэлзэл; бодол санаа бас л агаарын хэлбэлзэл боловч та нарт сонсогддоггүй. Тэдний долгион, давтамж давхцаж тохирох ёстой, учир нь та нар хардаггүй ч бид харж байдаг, учир нь бид энергийн ертөнцөд ажилладаг бөгөөд бидний хувьд та нарын бүх бодлууд бодитоор харагдаж байдаг. Ийм гэдэгт итгээрэй.
  Би та бүхнийг ариусч, үг бодол хоёроо нийцүүлээсэй гэж хүсч байна, үг бодол хамтдаа үйлсийг бүтээх болно. Энэ үйлс чинь амьд бүхний сайн сайхны төлөө байх болтугай!
                                                                                                             Христос багш
                                                                                                             2001.11.30

  

Бодлын төвлөрөл-энэ нь зорьсондоо хүрэх ажлын шаардлагатай нөхцөл юм. Бодол бол санааширч буй зүйлээ бүтээхэд чиглэсэн энерги, бодлоо төвлөрүүлснээр бодсоноо бүтээж чадна. Энэ юунд хэрэгтэй юм бэ? Юуны түрүүнд энерги их хүчийг олж, их үйлдэлтэй байхын тулд хэрэгтэй. Өөрийн бодолдоо энергийн ертөнцийн түвшнээс буурь суурьтай хандах хэрэгтэй. Бодлоо төвлөрүүлэх нь дүрсэлж буй бодлоо цэвэрлэхэд хэрэгтэй. Үүгээрээ би юу хэлж байна вэ? Та нараас юу хүсч байна? Төвлөрсөн бодлын чинь нөлөөгөөр та нарт өөрчлөлт явагдаасай, санаа сэтгэл чинь ариусаасай, бодол үг хоёр чинь бүү зөрөөсэй, амин сүнс чинь нээгдэж, Оюун санаа чинь илрэн гараасай гэж хүсч байна. Үүнд хүрэх амаргүй боловч, төвлөрсөн бодлын тусламжтайгаар боломжтой юм. Бүх хүсэл, зориг зүрх, дээд чанар, амин сүнсний чинь дээд илрэлүүд төвлөрсөн цагт бодол чинь үнэнхүү хүчтэй байна. Энэ цэнэг гарцаагүй зорилгодоо хүрч, гарцаагүй биеллээ олдог. Та нар Бүтээгчтэй Түүний Урсгалд зүрхний залбирлаар, мөн төвлөрсөн бодлоороо холбогдож, энэ Урсгалд ажиллах боломжтой. Та нар ухаанаа чөлөөлж, бодлын урсгалаа зогсоож, аниргүйд төвлөрч чадсан тохиолдолд л хүсэл чинь биелнэ. Үүнд суралцах хэрэгтэй, үүнийг хүсэх хэрэгтэй, бодлоо төвлөрүүлснээр хүссэн үр дүндээ хүрч болно. Бүтээгчтэй холбогдож, түүний Урсгалд орох нь аниргүйн нууцаар дамждаг, учир нь та нар Үхэшгүйн Мөнхтэй холбогдож байна. Ийм ч учраас би та нарт энэ зүгт алхам хийхийг санал болгосон, Оюун санаандаа харъяалагдах дотоод бүхнээ цэгцэлж, 5-15 минут газрын аж явдлаас хөндийрч, өөрийн төрөлх чанартай ярилцахыг санал болгож байсан. Сансрын хязгааргүйд гэрэлтэх тод цэгээр Түүнийг төсөөлж, зүрхний импульсээрээ хайраа Бүтээгчид илгээхдээ энэ импульс дээрээ бодлоо төвлөрүүлнэ. Та ухаанаа чөлөөл, та Орчлонт ертөнцтэй, Сансарын бүх ертөнцтэй хамт байна. Та Бурханы үхэшгүй нэгэн хэсэг, та өөрийн Эцэг рүүгээ тэмүүлж байна.
  Миний хэлсэн бүхнийг үггүйгээр, ганц импульсэд төвлөрүүлэх боломжтой юу? Тиймээ, боломжтой. Энэ бол түлхэлт, зорьсондоо хүрэхэд чиглэсэн их хүчтэй энергийн ялгарал. Тэр, зорилгодоо заавал хүрэх болно. Бүтээгчээс ирэх хариу импульсээр дамжуулан Үхэшгүйн Мөнхийн амьсгалыг та бүхэн гарцаагүй мэдэрнэ. Та нар энергиэ дэмий нэг өгөхгүй, хариуд нь хамаагүй ихийг хүлээж авна, хиргүй цэвэр энергийг хүлээж авна гэдгийг би батлан хэлж байна. Хэрвээ та бүхэн анхаарлаа Гэрэл, Бүтээгч гэсэн хоёр ойлголтонд төвлөрүүлж чадвал ямар ч хар хүч танд хүрч чадахгүй гэдгийг би батлан хэлж байна.
  Хамгийн сайн үр дүнг байгалийн сайханд, мөн өндөр газар хүртэж болно гэж хэлж байсан, гэхдээ цаг уурын тааламжтай бусад газруудад ч бас болно. Танд гадаад нөхцөл болон дотоод хүсэл чинь хэдий хэмжээний хугацаа өгч байна, тэр хэмжээгээр хэдэн минут ч болов гарга. Бүтээгчийн Урсгалд орохыг хичээ. Энэ агшиндаа хэрэггүй бүхнээ орхиж, өөрийн бодлыг Бүтээгчийн Урсгалд эхлэн төвлөрүүл. Ингэж чадвал таны Бүтээгчтэй нэгдсэн нэгдэл санаснаас чинь илүү удаан үргэлжлэх болно. Энэ үедээ бүх санаа сэтгэл, бүх тэмүүллээ нэгэн төвлөрсөн бодол болгон нэгтгээд, дээш нь гайхалтай хүчтэй цэнэг болгон илгээхдээ хэн рүү илгээж байгаагаа бүү мартаарай.
  Би энэ бүхнийг та нарт боломжийг чинь өргөжүүлэхийн тулд цэвэрлэх явц зогсолтгүй явагдаасай гэсэндээ  ярьж байна. Би та бүхнийг гэрэлтэж байгаагаар хармаар байна, тийм л хүмүүстэй хамт ажилламаар байна. Мэдлэгт тэмүүлдэг, дотоод ухамсрынхаа хаалтыг авч хаяж чадсан, Үнэнд, Бүтээгчийн Гэрэлд тэмүүлэгч тийм хүмүүстэй ажиллахыг хүсч байна.
                                                                                          Ерөөлөөр болох болтугай!
                                                                                          Христос багш
                                                                                          2001.12.07


  Оюун санааны хүч гэж юу вэ? Энэ ямар утгатай вэ? Юугаар илрэн гарах вэ?
  Оюун санааны хүч-энэ нь тухайн Оюун санааын олон төрөл авалтын хугацаанд хуримтлуулсан энергийн чадавхи  юм, гэвч зөвхөн энэ бишээ. Өөр ертөнцүүдэд хуримтлуулсан энергитэйгээ энд ирж төрдөг Оюун санаанууд бий. Тэд, энэ ертөнцөд авч ирсэн энергийнхээ хүчээр олон зүйлийг өөрчилж чадах дээд даалгавраа хэрэгжүүлэхийн тулд алба хашихаар ирдэг. Тэдэнгүйгээр танай ертөнцийн хөгжил зогсох байсан, учир нь Зөнч нар, Агуу Багш нар, Гэгээнтнүүдийн энерги нь танай гаригийн цаашдын хөгжилд түлхэц өгч байдаг билээ.
  Та бүхний амин сүнс, жинхэнэ баялаг-энергийг хуримтлуулдаг гэж бид ярьсан. Энэ бол газар дэлхийгээс явахдаа өөртөө авч явдаг зүйл чинь. Дээд зэргийн хуримтлалтай үед энерги өөр бүрдэлтэй болж, тодорхой хүчийг олдог. Чухамхүү та нарын тааламжтай бус хүлээж авдаг, сэтгэл хөдлөл мэдрэмжийг чинь дуудаж, зовлон эдлүүлдэг амьдралын олон тохиолдлууд нь амин сүнсийг чинь нээгдэж илрэн гарахад хүргэж, тодорхой хүч бүхий төвлөрсөн энергийг хүлээж авахад тусалдаг. Амьдралын бүх тохиолдлууд та нарт угаас байдаг нуугдмал чадавхийг илрүүлэн гаргахын тулд өгөгддөг, амин сүнс чинь идэвхитэй шамдан ажиллаж эхлэх жинхэнэ илрэлүүдийг гаргахын тулд өгөгддөг билээ. Энэ үед амин сүнсийг илрүүлэн гаргадаг тэсрэлт тохиож, хүн амьдралын бэрхшээл дундаас их хуримтлалыг олж, дээш үсрэлт хийх боломжтой юм уу, эсвэл эсрэгээрээ уруудах “туршлагатай” гарч ирдэг.
  Оюун санаа болон түүний хүчийг илрүүлэн гаргахын тулд амин сүнсийг туршсан олон тооны сорилтоор та нарын амьдрал дүүрэн байдаг. Сэтгэлийг зовоож шаналгасан амьдралын олон тохиолдлууд Оюун санааг чөлөөлөгдөхөд тусалж байсан, амин сүнсний гуйвшгүй үндэс болсон хүчийг үлдээж, сөрөг муу бүхнийг шатаахад тусалж байсан. Та нар Оюун санааны хүчний илрэлийн олон жишээг мэднэ, зуун зуунд үлдсэн олон гавъяаг мэднэ. Ийм илрэлүүдийн жишээ гэвэл хуримтлуулсан бүхнээ өгөхөөр энд хүслээрээ ирсэн манай Зиндааны элч нар байна. Тэдний жинхэнэ алба хашилт хүмүүсийн дурсамжинд үлдсэн, эд нар бол та нарын мэддэг Гэгээнтнүүд, зовлон эдлэгч нарын ихэнх нь юм. Тэдний дунд өөр Зиндааны элч нар ч бий, учир нь Зиндаа болгон ийм боломжтой. Бас өөр оддын ертөнцөөс ирж төрсөн Агуу Багш нар бий, мөн цөөн боловч оюунлиг ертөнцийн элч нар бас бий. Манай Зиндаанаас илгээсэн, Оюун санааыны хүчээ илрүүлэн гаргаж, өөрийн чадавхиа хэрэгжүүлсэн хэдэн хүнийг нэрлэж чадна. Энэ бол мөргөлийн үгийг нь та нар мэдэж уншдаг Франциск Ассизский, түүний оюуны дүү Кьяра, мөн Жанна д`Арк, гэгээн Августин, хүслээрээ Бүтээгчийн үгийг Дэлхий дахинаар тараахын тулд, шинэ шүтлэгийн тугийг газарт гишгүүлэхгүйн тулд энэ зорилгынхоо төлөө ирсэн анхны христийн шашны зовлон эдлэгч нар юм. Танай үеийнхэн ч гэсэн манай элч нарын тухай мэдэж болно. Тийм сайн дурынхны жишээ гэвэл Фатимын хүүхдүүд юм. Тэдний зорилго гүйцэлдсэн, тэд төлөвлөснөө хийж дуусмагц газрын амьдралыг орхисон, учир нь тэдний хөтөлбөр тийм юм. Дэлхий рүү их хуримтлал, их хүчтэй гурван Эрхэм Дээд Сүнснүүд ирж тэр хөтөлбөрийг хэрэгжүүлсэн. Тэдний хүч, Бүтээгчид өгсөн итгэл, Хайр бүрэн хэмжээгээрээ илрэн гарсан билээ. Тэд хүүхдийн хувьд ухаан санаанд буушгүй зовлонг туулсан ч илүү ихийг олж авсан юм. Тэд маш богинохон хугацааны төрөл авалтаар дээш үсрэлт хийж, Бүтээгчтэй ажиллаж, түүний даалгавар үзэл санааг хэрэгжүүлж чадах боломжийг олгосон хуримтлалтай эргэж ирсэн билээ. Бүх төрөл авалтуудын гол утга учир нь хөтөлбөрөө энэ амьдралдаа хэрэгжүүлэх явдал байдаг.
  Харин та нар түүнийгээ мэдэхгүй бол яахав? Тиймээ, энэ ертөнцөд ирэгсдэд ийм л зүйл тохиолддог. Бүгд ижил нөхцөлд байдаг. Маш цөөн тооны Оюун санаа л оюунлиг хүрээний амьдралаа санаж, Дэлхийд ирэхэд хүргэсэн хөтөлбөрөө мэдэж байдаг. Тийм Оюун санаа байдаг, гэвч олонхи нь ирсэн зорилгоо мэддэггүй. Бидэнд амьдралын янз бүрийн нөхцөл байдлаар дамжуулан ой санамжаа сэрээх, зөн билгийн түвшинд ч болтугай ихийг санах, тэгээд өөртөө Би энд хэн бэ, юуны төлөө амьдарч байна вэ? гэсэн асуултууд тавих боломжууд олгогддог. Энэ асуултуудыг тавьж байгаа нь өөрийн Оюун санаатай харьцаа холбоогоо сэргээх Замд хийсэн анхны алхам юм. Энэ бол та бүхэн хар гэрийг онгойлгож, Оюун санаандаа илрэн гарах боломж олгож, түүний дуу хоолойг сонсож байгаа агшин юм. Амин сүнсний чинь дуу хоолой хэрэгтэй зам руу таныг хөтөлж чадна. Өөрийн харааг чиглүүлэх чиглэлийг чинь зааж өгч чадна. Амьдралыг чинь өөрчлөхөд хүргэдэг бүх нөхцөл байдлууд гагцхүү үүнд чиглэсэн байдаг: нээгдэж цаашид хөгжих түлхэцийг сэтгэлд чинь өгөх, энэ болон дараагийн амьдралд гарцаагүй хэрэгтэй хүчээ олж авах түлхэцийг Оюун санаанд чинь өгөх. Учир нь оюунлиг чадавхитай хүчирхэг Оюун санаа Дэлхий рүү маш ховор ирэхдээ өөрийн хүслээр Бүтээгчийн хөтөлбөрийг хэрэгжүүлэхээр ирдэг.
  Оюун санаа чинь илрэн гарахыг хүсч байна. Тэр, сэтгэлийн харанхуйгаас цойлон гарахыг хүсч байна. Иймд хүчээ авч илрэн гарахыг нь зөвшөөрөөч!
                                                                                          Ерөөлөөр болох болтугай!
                                                                                          Христос багш
                                                                                          2001.12.26

 

 Хүслийн хүч-энэ нь хүссэнээ бүтээхэд чиглэсэн, идэвхижсэн, илрэн гарсан энерги юм. Оюун санаа болон дээд чадавхи нь илрэн гарсан хүмүүст л хүслийн хүч илэрдэг. Би юуны тухай ярьж байна вэ? Би чанарын хувьд өөр, төвлөрсөн энергийн тухай, Оюун санааны дээд хуримтлалаар дамжин илэрдэг энергийн тухай ярьж байна. Энэ хуримтлал их байх тусам бүтээлч энергийн хүчний үзүүлэлт дээгүүр байна. Энергийн ертөнцөд олон зүйл энергийн хуулийн дагуу хэрэгжиж байдаг. Энэ хуулиуд хөдөлбөргүй бат оршдог. Энэ хуулиуд нь орчлонг тогтоон барьж байдаг хөдөлшгүй бүхэл болж байдаг. Та нарт ч мөн энэ хуулиуд хамаатай. Танай ертөнцөд бүх зүйл үзэгдэх байдалд Материар дамжин явагддаг боловч энергийн хууль үйлчилдэг. Би юуны тухай ярьж байна вэ? Би, үйл явцууд эхлээд энергийн түвшинд явагдаж, дараа нь Материйн ертөнцөд биеллээ олдог тухай ярьж байна. Тэгвэл энд хүслийн хүч ямар хамаатай юм бэ? Гагцхүү энэ хүч аливаа үйлийг бүтээх үндсэн түлхэц болдог. Бүтээлч үйлийн хүслээр илэрхийлэгдсэн хүчээр дамжиж ертөнц шинэчлэгддэг. Энэ нь ямар үйлүүд вэ, та нарт өгөгдсөн хүч хаашаа зарцуулагдсан бэ гэдгээ дахиад л та нар шүүцгээ. Өөрсдийн ертөнцөө хар даа. Ололт амжилтуудаа хар. Материйн болон оюунлиг ололт амжилтуудаа хар. Тэд тэнцүү байна уу? Та өөрийнхөө хүчийг нэгтгэн гаргаж ирж чадсан уу? Энэ хүчээ зөв үйл, цэвэр бодлоор Цэвэр Эх булагаас хүлээж авсан уу? Таны амьдрал яаж үргэлжилж байна вэ? Юу ч хийхгүй бэртэгчин байдлаар уу, эсвэл зориг төгөлдөр эрмэлзэж үү? Аль нь дийлэнх байна вэ? Ямар хүч?
  Ертөнцийн аж явдлаас ангижраад анир чимээгүй сууж бодоод үз. Та өөрийн хүсэл, боломжийн дагуу бүхнийг хийдэг үү? Хүчээ илрүүлээгүй цагт яаж зориг хүслээ гаргах вэ? Би та нарт нэгэн зөвлөгөө өгье. Та нарт жижиг нууцыг нээе: Та нарт зориг хүслээ илрүүлэн гаргах чадавхи анхнаасаа суусан байдаг. Үүний тулд өөрийн хүчээ мэдрэх л шаардлагатай. Хэрвээ эргэлзээ, болгоомжлол, тэр байтугай айдас амин сүнсийг чинь илрүүлж гаргахгүй манаж байвал яаж хүчээ мэдрэх вэ? Миний өгөх зөвлөгөө бол өөртөө итгэ! Энэ бол зориг хүсэл илрэн гарах үндсэн нөхцөл юм. Энэ бол дээд Сансар ертөнц, Бүтээгчийн Хайраар дамжуулж дэмжлэг хүч авах анхны алхам билээ. Гагцхүү Бүтээгчтэй, Бурхантай харьцаагаа сэргээх нь Цэвэр Эх Булагаас хүчээ олж авах боломж юм. Энэ боломж нь илрэн гарахын тулд өгөгдөхөөс биш, нууж хадгалахын тулд өгөгддөггүй. Хүн бүр зорьсондоо хүрэхээр чармайх үедээ энэ боломжоо олж авч болно. Өөртөө зорилго тавь. Боломжоо тодорхойл. Цаг хугацааны хязгаар тогтоо, учир нь зорилго чинь алтан мөрөөдөл шиг бүхий л амьдралын чинь туршид бүтэшгүй хий үзэгдэл болон үлдэж болно. Харин би та нарыг өмнөө зорилго тавьж энд, одоо, энэ ертөнцөд, энэ төрөл авалтдаа шийдвэрлэхийг санал болгож байна. Өөрийн боломжийг идэвхжүүлэх шаардлагатай. Хүчээ гаргаж, хуурамч айдас, эргэлзээгүйгээр сайн үйлсэд чиглүүл. Танай ертөнцөд хүслийн хүчээ ухамсартайгаар илрүүлсэн идэвхтэй хувь хүмүүс хэрэгтэй байна. Хүслийн хүчээр дамжсан оюунлиг чадавхийн идэвхжилт танай ертөнцөд хэрэгтэй байна.
  Энэ хүч бүх Сансар, Орчлонт ертөнц болон танай Эх Дэлхийн сайн сайхны төлөө үйлчлэх болтугай!
                                                                                                       Ерөөлөөр болог!
                                                                                                       Христос багш
                                                                                                       2002.12.21
                                  


                                  
                                  Сайн санаат хүмүүсийг нэгтгэх уриа

                           Сайн Санаат хүмүүсийн хүчин чармайлтыг
                                           ирээдүйд нэгтгэхийн төлөөх
                                                        ТУНХАГЛАЛ

Дэлхий-Ээж- Өрлөг эх... Эх Дэлхий та бүхэнд амьдарч цэцэглэх бүх нөхцлийг бүрдүүлж өгсөн бөгөөд энэ ертөнцөд амьдран суугаа хүн бүхэн өөрийн үзэл бодлыг илэрхийлэх чадвартай; өөрийнхөө хэн болох, энэ Дэлхий дээр ямар үүрэг зорилготой ирснээ ойлгох чадвартай байдаг. Дэлхийн хүмүүс энэ тухай бодож үзсэнээрээ өөртөө ойр дотно, резонансын нэгэн урсгалд бодож сэтгэж байгаа, бүрэн дүүрэн амьдралд адилхан тэмүүлж байгаа, өөрийгөө болон тойрон байгаа энэхүү ертөнцөө өөрчилж байгаа тийм хүмүүсийг олж харж чадна. Тэд бол бүтээгч нар бөгөөд тэдний зорилго нь Дэлхий дээр зөвхөн яруу зохиролтой орон зайд мэдэрч болох түвшин жаргалын төвлөрсөн байдлыг сэргээн тогтоох явдал юм.

Ертөнц олон янзаар хувирч байдаг ч Сайн Санаат хүмүүсийн нэгдэл эсрэг тэсрэгийн үзэл санааг төвлөрүүлж тодорхойлох боломж олгоно. Ертөнц хоёр бүлэгт хуваагдах бөгөөд өөрийн зам, өөрийн оноо тавилангаа тодорхойлж чадах хүмүүс энэ ертөнцийн ерөнхий байр суурийг тодорхойлж чадна. Ертөнц эцсийн шийдвэрээ Сайн Санаат Хүчнүүдийн нэгдэлтэй хамтран гаргах болно.

Нэгдэл хэрхэн явагдах вэ? Зөвхөн бодол санаагаар. Зөвхөн амин сүнсний тодорхойлж гаргасан хэмжүүр, сонголтын үндсэн дээр. Зөвхөн амин сүнсний түвшинд л тавьсан асуултуудынхаа хариултыг сонсож болно. Энэ хариултыг гаргаж ирэхийн тулд сонсож сурах хэрэгтэй, зүрхний залбирлын түвшинд илгээлт явуулж сурах хэрэгтэй; та нарын амин сүнс чинь өөрийн Эцэг рүүгээ хандсан үхэшгүй мөнхийн хэсэг, Бурханы нэгэн оч гэдэгт итгэх хэрэгтэй.

Сайн Санаат хүмүүс гэж хэн бэ, нэгдэх яагаад тийм чухал вэ? Сайн Санаат хүмүүс гэдэг бол хичээл зүтгэлтэй хүмүүсийг манлайлагч нар бөгөөд тэд энэ ертөнцөд алдагдсан Гэрэлийн үндсүүдийг сэргээхээр тэмүүлж байгаа билээ. Тэд бол өндөр зорилгын төлөө ирсэн, Дэлхийд болох бүх өөрчлөлт шинэчлэлийн ач холбогдол болон өөрийн үүргийг бүрэн ухамсарласан хүмүүс юм.

Дэлхий өөрийн хэлбэлзлийг нэг бус удаа өөрчилж, хүн төрөлхтний бүхий л түүхийн туршид нэг бус удаа Түүн дээр амьдрал орших уу, эс орших уу гэсэн сонголтын өмнө зогсож байв. Одоо ийм сонголт дахин явагдаж байгаа бөгөөд сонголт Гэрэлийн талд хийгдсэн, Дэлхий хэлбэлзлээ дээшлүүлж, оршин тогтнох шинэ түвшинд гарах сонголт хийгдсэн. Гагцхүү энэ сонголтоор, хийсэн ажлынхаа хариуцлагыг хүлээж чаддаг, зөвхөн өөртөө ч биш харин бүх л хүмүүст туслах чадвартай Сайн Санаат хүмүүс нэгдэх ёстой.

Сайн Санаат хүмүүс айсуй өөрчлөлтийн манлайн бэхлэлт, тулгуур хана болцгооно. Дээд зэргийн энэрэнгүй байдлаар Дэлхийн орон зайд нэвтэрч; үеэ өнгөрөөсөн, саармагжуулж зайлуулах шаардлагатай хар муу бүхнийг уусгах чадалтай Гэрэлийн суваг, Урсгалыг дэмжигч нь тэд болцгооно.

Хэрвээ хүмүүс хүчээ нэгтгэж чадвал Дэлхийн хамгаалалтын гэрэлт талбайг үүсгэж чадах бөгөөд ингэснээрээ айсуй цаг хугацааг даван туулахад нь олон хүнд тусалж чадна. Энэ бол их чухал хэрэг, учир нь зөвхөн нэгдсэний үндсэн дээр дэлхийнхэн шаардлагатай тусламжаа хүлээж авч чадна. Тусламж ирж байгаа гэдэгт итгээрэй, мөн та нараас их зүйл шалтгаална гэдгийг мэдэх хэрэгтэй. Та бүхнээс, та бүхний бодол, үйл ажиллагаа, шийдвэрээс шалтгаалж ерөнхий төлөвлөгөөнд олон засвар оруулж болно. Та нар өөрсдийн мэдэх харилцаа холбооны бүх л арга хэрэгслүүдийн тусламжтайгаар дэлхийн бөмбөрцгийн янз бүрийн өнцөг буланд хүчээ нэгтгэж хамтран ажиллах нэгдмэл орон зайг үүсгэх боломжтой. Ийм зохицуулалттай ажил нэн чухал шаардлагатай. Мөн хүн бүр энэхүү нэгдэлд хэрэгтэй бөгөөд чухал хэсэг гэдэг нь чухал бөгөөд тэдний тэгш эрхийг хүлээн зөвшөөрч, хүн бүрийн байр суурь, энэ ертөнц дэх туршлагыг хүндэтгэх үндсэн дээр нэгдэж болно.

Нэгдэх гол үндэс бол ерөнхий зорилго юм. Энэ бол Дэлхий, хүн төрөлхтөн болон Орчлонт Ертөнцийн сайн сайхны төлөө ажиллах хүсэл билээ. Зорилго нэг бол хүчээ нэгтгэцгээж, Дэлхий дээр оршин амьдарч буй бүх гэгээн сэтгэлтнүүдийн нэгдмэл талбайг үүсгэх нь чухал. Та нар эгч, ахан дүүсээ сүнсээр нь; Гэрэлд, мэдлэгт, хүн бүрийн далд ухамсрын гүнд нууцлаастай байгаа Бурханлиг мэдлэгт тэмүүлэх тэмүүллээр нь таньсанаар их зүйлийг хийж, өөрсдийн боломжийг олон дахин нэмэгдүүлж чадна. Хэрвээ Дэлхийн түүхэнд анх удаа ертөнц нэгдмэл чанарыг олж чадвал, хэрвээ Дэлхийн гэгээн сэтгэлтнүүд хуваагдаж өөрсдийгөө бусдаас дээр гэж үзэхээ зогсоож чадвал та бүхэн агуу гайхамшигтай өөрчлөлтийн гэрч, Дэлхий дээр үнэн мэдлэгийг сэргээн тогтоосны гэрч болцгооно.

Гэгээн сэтгэлтнүүд нэгдсэнээрээ тусламжийн нэгдмэл дуудлага болгон нэгэн зэрэг залбирцгааж чадна. Үүний тулд нэгэн ижил анирыг ашиглаж болно. Уг чимээ орон зайд долгионы түвшинд тархах бөгөөд  Дэлхийн хувьд чухал агшин болж болно. Энэ нь айсуй чухал цаг үед цэвэрлэж ариусах чухал ажлыг явуулахад тусална.

Дараахь батламжуудыг сонсож ойлгож буй хүмүүс өөрсдийн хандлагыг илэрхийлж болно.

Би Гэрэлийг өөрийн амьдралдаа хүлээн авч байна.
Би Гэрэлийн идэвхтэй ажилтан, дамжуулагч болж байна.
Би хүчин чармайлт минь дэмий өнгөрөхгүй, Гэрэл Харанхуйгаас хүчтэй гэдэгт итгэж байна.
Өөрчлөлт чухал шаардлагатай гэдэгт итгэж байна, Яруу зохирол бол энэ байр суурин дээр зогсож чадсан бүх хүмүүсийн нэгдсэн үйл ажилллагаа, хүчин чармайлтын үр дүн гэдэгт итгэж байна.
Бүх гэгээн сэтгэлтнүүдийн хүчин чармайлтын үр дүнд ертөнц дахин анхны Гэрэлээрээ туяарах болно.
Ертөнц ариусах болно, үүнд миний үүрэг оролцоо бий.
Дэлхий дээр Гэрэлийн суурь үндсүүд сэргэн тогтож байгааг би мэдэж, мэдэрч, харж байна.
Амар амгалан, Гэрэлтэй байг; энэ ертөнцөд оршин тогтногч бүхний жинхэнэ тавилан эргэн сэргэх болтугай.
                                                                                                         Ерөөлөөр болог!
                                                                                                         Христос багш
                                                                                                         2009.02.16

                                                    Босго үг

                                      Надад тохиолдсон учрал ерөөл

Багшийн илгээлтүүдэд “Сэрж буй хүн төрөлхтөнд илгээх илгээлт” гэсэн нэр өгөөд бичиж эхэлсэн тэр үеэс хойш 10 гаруй жилийн хугацаа өнгөрчээ. Цаг хугацаа ихэвчлэн бүхнийг өөрийн байранд нь тавьж; хуурамч, хүчгүй сул бүхнийг зогсоож байдаг бөгөөд хэсэг хугацааны дараа үр дүн нь гарч ирдэг. Тэгээд ч Багш минь үр дүнгээр нь биднийг таних болно гэж хэлсэн юм. Би өнгөрсөн үйл явдлуудаас нэгэн түүхийг та бүхэнтэй хуваалцахыг хүсч байна. Туулж өнгөрүүлсэн он жилүүдийнхээ байр сууринаас эргэн харж, ажил минь яаж эхэлсэн тухай, 2000 онд юу болсон тухай шинээр өгүүлэхээр шийдсэн юм.

1999 оны есдүгээр сараас эхлэн сэтгэл түгшээсэн зүүднүүд надад зүүдлэгдэх боллоо. Би тэр зүүднүүдээ ямар нэгэн урьдчилан таашгүй явдал болохыг анхааруулж байна гэж дүгнэлээ. Гэвч юуг тэр вэ? Би зүүдэндээ есөн валын давалгааг санагдуулам аварга долгион нуруун дээрээ намайг өргөн, хаашаа ч юм эрчлэн авч одож байгааг харсан. Тэр агшинд долгион одоо л доошоо бууж намайг няцална даа гэсэн бодол надад төрсөн ч долгион чиглэлээ гэнэт эрс өөрчилж баруун тийш эргээд намайг алсад аван одлоо. Зүүдэндээ мэдэрсэн түгшүүр сэрсэн хойно ч намайг орхихгүй байлаа. Би Киевт байх толгодын нэгэн рүү “Эцэг минь” залбирлыг уншиж тусламж хамгаалалт хүсэхээр өдөр бүр өглөө, оройд гардаг болсон.

Би эхлээд залбирлаа есөн удаа, дараа нь 40 болон түүнээс илүү тоогоор уншиж байлаа. Залбирлаа унших үедээ ертөнцийн аж байдлаас тасран оддог байв. Би айсуй өөрчлөлтийг мэдэрч байв, гэвч ямар өөрчлөлтүүд ирэх бол? 2000 он гарахад зүүд минь улам л түгшүүртэй болж байв. Сэтгэлийн түгшүүр улам нэмэгдэж байлаа, учир нь би зүүдэндээ намайг мөрдөх гэмт хэрэгтнийг тогтмол хардаг байв. Сүүлийн зүүднүүдэд тэр намайг бүр мөр даган мөшгиж байсан. Ийм зүүднүүдийн дараа түгшүүр улам л нэмэгдэж, намайг орхидоггүй байв. Гэсэн ч нэгдүгээр сарын нэгэн хүйтэн өдөр бага насны дөрвөн охидынхоо хамт ажилгүй, мөнгөгүй, ойрын хамаатан садангүй үлдсэн хойноо л надад илгээсэн зүүднүүдийн утга санааг ойлгосон юм. Амьдралынхаа хязгааргүй хэцүү, хүнд энэ агшинд би тусламж гуйж хандах ганц хүн бол багаасаа л Аврагч, миний Бурхан гэж үзэж ирсэн Христос багш минь гэдгийг би ойлгосон. Хязгааргүй цөхөрсөн мөчдөө би Түүнд хандаж тусламж гуйсан юм.

Би, надад бэлэглэсэн Христийн хөргүүдийг ширтэж, Түүнийг амьд гэж харж хариу хүлээдэг байсан. Гэтэл миний цөхрөнгүй  залбирлын нэгэн агшинд хөрөг дээрх Багшийн минь зүрх гэнэт гэрэлтэх нь тэр. Би маш энхрий, нандин давалгаа намайг нөмөрч байгааг мэдэж, тэнгэрийн хайрыг мэдэрсэн юм. Энэ агшнаас эхлэн би айдсаа орхисон, учир нь Багш минь амьд гэдгийг би ойлгосон. Тэр бидний Амьд Эцэг-Бурхан-Бүтээгчийн нэгэн адил бидний залбирлыг сонсож, хариулдаг. Би тэр үеийн үйл явдлуудад тусламжийг мэдэрч байсан бөгөөд хүүхдүүдийнхээ хамт нэг ч удаа өлсөж үзээгүй билээ. Би талархлын залбирлаа урьдын адил идэвх тэмүүлэл дүүрэн уншиж байлаа. Залбирал минь алгуурхнаар анир чимээгүй зүрхний түвшинд шилжсэн. Би Дээд Хүчнүүдэд хязгааргүй баяр талархлаа илэрхийлж, тэдэнд хайраа илгээдэг байв. Эцэг Бурханы Бүтээгч Гэрэлд итгэх итгэл минь улам батжиж, нарны туяарсан дүрээр өглөө оройд Түүнийг угтаж үдэхийг нэр төрийн хэрэг хэмээн үздэг байлаа.

Есөн сарын өдөр алгасаагүй залбирлын дараа би байгалиас мэдэрсэн мэдрэмжээ бичихээр дэвтэр үзэг авч явдаг болсон. Нэгэн нартай өдөр байгалийг ажигласнаа бичиж суунгаа хаанаас ч юм гарах үгсийг санамсаргүй олж сонссон. Би одоо болж буй тулааны тухай, ярьж буй хүний бодлоор бол би түүнд оролцохгүй байж болохгүй тухай яриаг бичиж авсан. Бичсэн зүйлээ гэртээ уншаад би маш их гайхаж, үүнийг ажиглаж маш сайн нягтлах хэрэгтэй гэж шийдлээ. Би өглөө, оройд толгод руу явж залбирахаа үргэлжлүүлсээр байсан бөгөөд одоо харин миний бичсэн зүйлсийг хэн хэлснийг мэдэхийг хүсч байлаа. Би Багшийг дохио тэмдэг илгээгээч гэж хүссэн юм. Харин миний харсан зүйл сэтгэлийг минь гүнзгий донсолгосон билээ. Жаргах нарыг үдэж байхдаа би хэмжээ, дүр төрхөөрөө агуу, гайхамшигтай дүрийг би олж харсан бөгөөд Киев хот түүний алган дээр багтахаар санагдаж байлаа. Тэр, гэрэлтсэн цагаан хувцастай байсан бөгөөд зүрхний нь орчмоос хүчирхэг гэрэл дээш цацарч байв. Энэ бол миний сэтгэлийг гүнзгий цочроосон үнэхээр агуу зүйл байсан бөгөөд би хэдэн өдрийн турш ярих чадвараа ч алдсан билээ. Би энэ агуу Дүрийг хэсэг хугацаанд нүд цавчилгүй ширтсэн, хөдөлж ч зүрхлэлгүй энэ агуу үзэгдлийг харж байлаа. Гэсэн ч би сэхээ оронгуут гэр рүүгээ ухасхийн гүйв. Долоо хоногийн турш би хүмүүсээс дөлж, чимээгүй явсан, харин нүдээ аниад сэтгэл зүрхэндээ хадгалсан багшийнхаа дүрийг үргэлжлүүлэн харж байлаа. Тиймээ, энэ бол Багш минь, Бурхан минь байсан. Тэр амьд; Тэр Хүч, Чадалыг агуулдаг.

Энэ цочирдлоор дамжиж би түгшүүр болгоомжлолуудаасаа, юуны түрүүнд хүүхдүүдийнхээ амьдралын төлөөх болгоомжлолуудаасаа ангижирч, амьдралынхаа шинэ үе шатанд гарсан юм. Би эхлээд Багштай ярилцсан яриагаа тэмдэглэдэг байв. Энэ бол хувийн, амьд харилцаа байсан бөгөөд жил орчим үргэлжилсэн юм. Жилийн дараа Багш надад Дэлхийн хүн төрөлхтөнд хандсан илгээлтүүдийг нь бичиж, ажиллахыг санал болгосон. Үүний тулд алба хүлээж авах энгийн бус ёслол үйлдэх хэрэгтэй байлаа. Надад бодох хугацаа өгсөн бөгөөд хоёр долоо хоногийн дараа би албаа хүлээж авсан юм. Энэ агшны тухайд өгүүлбэл тусгай сэдэв болох билээ.

Үүний дараа би өдөр бүр тохиролцсон цагтаа ширээний ард сахилга баттай сурагч охин шиг сууж, сонссоноо бичдэг байсан. Үүнийхээ өмнө “Эцэг минь” залбирлыг заавал есөөс доошгүй удаа уншиж, хамгаалж туслахыг гуйдаг байлаа. Амар байгаагүй, заримдаа дэндүү хэцүү байсан ч олон гайхамшигтай, далд нууцуудыг мэдэж авсан. Би эхлээд над руу долгилон ирэх энергийн улам өсөн нэмэгдэх давалгааг мэдэрдэг байлаа. Би янз бүрийн мэдрэмж, төлөв байдлыг дамжуулдаг тэнгэрийн энергийг мэдэрдэг байсан ч гол нь хязгааргүй Хайр, ер бусын Баяр баясгаланг мэдэрдэг байв. Энергийн урсгалаар дамжиж мэдэрсэн энэ мэдрэмжүүд миний өмнө нь үзэж туулснаас үндсээрээ ялгагдаж байсан учраас би энэ үгнүүдийг том үсгээр эхлэн бичиж байна. Ингээд гайхалтай сонирхолтой ажил эхэлсэн. Би өмнө нь бичих дургүй байсан, энэ миний хувьд хэцүү бөгөөд нуулгүй хэлэхэд эмх цэгц, сахилга батаа зохион байгуулахтай минь нэгэн ижил дургүй ажил байсан. Бүх мэдлэгийн үндсүүдийг дахин шинээр олж авсан гэж би хэлж чадна. Би сургуулийн мэдлэгээсээ бараг юу ч санахгүй байсан юм. Хэцүү ч гэсэн сонирхолтой байсан, би их зүйлийг сурсан. Жишээ нь бичгийн машин дээр бичиж сурсан. Эхлээд нэг хуруугаараа. Бичсэн зүйлээ би танилууддаа үзүүлдэг байлаа.

Эндээс дараагийн үе шат эхэлсэн, энэ нь хоёр жилийн даяанчлалаасаа хүмүүс рүү гарч очсон явдал байв. Дараа нь би мөн өөрөө компьютер дээр ажиллаж сурсан, мөн Багшийн илгээлтүүд дундаас сонгож нэгдүгээр номоо өөрөө гаргасан билээ. Дараа нь Багш надад өдөр бүр шинэ номон дээрээ ажиллахыг санал болгосон бөгөөд би долоо хоног бүр дараагийн таван номонд зориулсан илгээлтүүдийг бичиж авдаг байсан. Түүнээс хойш их хугацаа өнгөрчээ. Би одоо Багшдаа өөрийн баяр талархал, хайраа нуулгүй илэрхийлэхийг хүсч байна. Тэр миний хувьд Агуу бөгөөд гол нь цорын ганц Багш минь, Бурхан бол Хайр гэсэн агуу үгэнд агуулагдсан Хайрыг энэ ертөнцөд авчрагч Багш минь гэдгээ мэдэж байгаа.

Бурхан бол Хайр гэсэн үгний утгыг ойлгож буй тэр л хүмүүст Багшийн амьдралын тухай өгүүлсэн бүх мөрүүд минь зориулагдсан билээ. Багшийн айлдсан бүхэн биелэх өдөр, цаг ирнэ гэдэгт, үүнийг сонсож хүлээн авч чадах хүмүүс улам олон болно гэдэгт би итгэж байна. Тэгээд бидний Агуу Эх болсон Дэлхий баярын сайхан туяарлаар гэрэлтэж; Гэрэл, Алдар цуу Түүний орон зайг дүүргэж болно. Би тэгж итгэж байна.
                                                                                           Елена Новосвит
                                                                                           2011 оны аравдугаар сар.